Pilipi 4:9 - Sura Malelaha

⁹ Apa au nipegurui hangko iriko, maroa paturongku au nihadi hai au nidoko, maroa babehiangku au niita, itimi au hangangaa nibabehi. Ane nodo nibabehi, Pue Ala ina mamporangaikau hai mopatinda lalumi.

Pilipi 4:9 Mawu Ofanana

Matiu 1:23

“Hadua anantowawine ina mantimi, hai moana hadua tobalilo. Anangkoi iti ina rahanga Imanuel.” Lempona, “Pue Ala mamporangaike.”

Matiu 28:20

hai nipaturomohe bona mampeulaihe hinangkana au Kuhawaamokau. Hai bona niisa, ina Kuporangaikau duuna hawe i kahopoa dunia ide.”

Matiu 7:21

Bara ope-ope tauna au mokabelaiNa ‘Pue,’ ina mesua i lalu poparentana UmaNgku au ara i suruga. Batena pea tauna au mobabehi peundeana Pue Ala au ina mesua i lalu poparentaNa.

Lukasi 6:46

“Moapa hai nikakioNa Pue, agaiana bara nipeulai hawaNgku?

Lukasi 8:21

Agaiana nauli Yesu, “Hema-hema au mampehadingi hai mampeulai Ngkorana Pue Ala, ihirami halaluNgku hai ihirami inaNgku.”

Yohane 13:17

Ane niisa hai nipeulai paturo ide, ina morasikau.

Yohane 15:14

HimadaNgkumokau ope-ope, ane nibabehi apa au Kuhawaakau.

Yohane 2:5

Hangko inditi, mololita inana Yesu i topobago i posusa iti, nauli, “Apa pea au natuduakau Yesu, nibabehi!”

Suro 9:6

Mearomoko hai laomoko i wanua. Indolou ina rapahawea peako apa au hangangaa nubabehi.”

Roma 15:33

Kuharunga Pue Ala au moweike roa ngkatuwo ina mamporangaikau ope-ope. Amin!

Roma 16:20

Pue Ala, pongka roa ngkatuwo, ina monangi hai moropui Datu Tokadake i lalu katuwomi. Halalu-halalungku! Amputa Yesu Kerisitu, mowatikau hai mamporangai liliukau.

1 Korintu 10:31

Agaiana kuuli: ane maandeke ba maenuke, ba apa pea au tababehi, hangangaa tababehi bona Pue Ala rapomahile.

1 Korintu 14:33

Lawi moula peundeana Pue Ala, penombaata hangangaa rakadipura maroa, bara naunde Pue ane arahe tauna au mogewo-gewo. Itimi atura au rapeulai i lalu ope-ope jumaa.

1 Korintu 4:16

Ido hai kuperapi ntepuu halalu, bona nipeulai babehiangku.

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

Pilipi 3:17

Halalungku ope-ope, kuperapi bona nipeulai babehiangku. Tangangki hihimbela hai ikamu, kipopaitaamokau babehia au maroa. Hangangaa mampopandirikau tuwonda tauna au moula babehiangki.

Pilipi 4:7

Mewali Pue Ala ina mopatinda lalumi anti pohintuwumi hai Kerisitu Yesu. Hai ane Ia mopatinda lalumi, barapokau ina langa, lawi kuasaNa melumbu hangko i ope-ope au peisa tapekiri.

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

1 Tesalonika 2:14

Kiisa iti halalu, lawi apa au mewali i halalu hampepepoinalai i tampo Yudea mewali wori irikamu. Nodo halalunta hampepepoinalai, ope-ope jumaa i tampo Yudea rapopeahi-ahihe hangka to Yahudinda, ikamu wori rapopeahi-ahikau to hambomboeami.

1 Tesalonika 5:23

Mekakaengkai i Pue Ala au moweike roa ngkatuwo, kiuli, “O, Pue Ala! Kiperapi bona babehianda to Tesalonika Nupamanoto liliu, duuna malelaha ntepuu katuwonda. Nuporangaihe i lalu katuwonda, maroa lalunda ba pekirinda ba watanda bona dati ara kamasalanda i kahaweNa hule Amputa Yesu Kerisitu.” Nodomi pekakaengki.

2 Tesalonika 3:4

Mewali, anti pekadipurana Pue irikamu, ido hai kiisa mpuu kanipeulaina apa au kipaturoakau, hai kiisa wori paturo iti ina nipeulai liliu.

2 Timotiu 4:22

Kuharunga naporangaiko Pue. Hai Pue mowatikau ope-ope. Hangko iriko PAULU

Yakobu 1:22

Mewali, ane mohadikau Ngkorana Pue, hangangaa nipeulai. Inee nipehadingi mbero pea. Lawi ane nodo, mopakanawomokau watami haduduami.

2 Peturu 1:10

Mewali halalu, lawi Napileimokau Pue Ala hai Nakakiomokau mewali taunaNa, hangangaa nipari-pari moula Pue Ala bona tongawa kaNapileimi hai kaNakakiomimi. Lawi ane nitambai pepoinalaimi hai babehia au kuuli inona, barakau ina manawo.

1 Yohane 3:22

hai apa au taperapi Iria batena Naweike, lawi mampeulaike hawaNa hai mobabehike apa au mopamatana laluNa.