Pilipi 4:18 - Sura Malelaha

¹⁸ Mewali bona niisa: ope-ope au nipakatu, kulambimi hangko i Epafroditus. Pakatumi iti bara pea handa, agaiana melabitori hangko i apa au kuparaluu. Kabula lalumi iti nodo anu-anu mawongi au nipopenomba i Pue Ala. Popenombami iti Napokana mpuu, hai matana laluNa modoko.

Pilipi 4:18 Mawu Ofanana

Suro 10:4

Langa mpuu Kornelius mototoki malaeka iti, ido hai nauli, “Tua, apari tunggaiamu?” Mehana malaeka iti, nauli, “Nahadimi Pue Ala pekakaemu, hai Naisa kamagolona lalumu motulungi tauna au meahi-ahi.

Roma 12:1

Mewali halalu, anti kamahilena ahina Pue Ala irikita, kuhuweki lalumi bona mohuhukau watami i Pue Ala mewali popenomba au tuwo. Ane nibabehi nodo, lempona malelaha babehiami i lindona Pue Ala, lawi itimi ada mpenomba au mopamatana laluNa.

2 Korintu 11:8

Hangkoia tempoku mobago i boeami, to Sarani au arahe i boea ntanina mampopakatuana doi. Peisa tauli: ihira au marugi, lawi doi au raweina kupake i lalu pobagongku mobambari Ngkora Marasa irikamu.

2 Korintu 9:12

Popenombami iti ina mopabukei kamakuranda to Sarani i Yerusale. Hai bara iti pea, anti kabulana lalumi, bosa tauna manguli ngkaia kamaroana i Pue Ala.

Epesu 5:2

I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.

Pilipi 4:12

Peisana tuwo i anu-anu au haodi pea, peisa worina tuwo i anu-anu au ngkaia. Nauri apa pea au morumpana, kupamatana liliu lalungku maroa i tempo buhu, ba i tempo rimi, ngkaia ba haodi.

2 Tesalonika 1:3

Halalu-halalu, barangkai oha-oha manguli ngkaia kamaroana i Pue Ala anti kaikamuna. Hai hintoto mpuu kibabehi nodo, lawi kamaroho-rohoami pepoinalaimi i Pue Yesu, hai katetetambaiami ahimi i hangka rangami.

Ibarani 13:16

Ineekau mokabaha babehiami au maroa. Hangangaa motulungikau rangami, lawi itimi popenomba au napokatana Pue Ala.

1 Peturu 2:5

bona Napopewalikau nodo watu au tuwo au rapake moaro sou penombaa i Pue Ala. Napopewali worimokau nodo tadulako mpenomba au malelaha. Nodo tadulako mpenomba mohuhu popenombanda i Pue Ala, ikamu wori hangangaa mohuhu katuwomi i Pue Ala. Itimi au mewali popenombami Iria, hai popenombami iti mopamatana laluna Pue Ala anti kanahoremantami Yesu Kerisitu.