Pilipi 4:15 - Sura Malelaha

¹⁵ Halalungku to Pilipi, niisami, hangkoia mopahawena Ngkora Marasa i boeami, hai i kapadungku hangko i tampo Makedonia, bara ara jumaa i boea ntanina au motulungina. Batena pea ikamu au motulungina i tempo iti.

Pilipi 4:15 Mawu Ofanana

Suro 16:40

Mewali, padu mpuumohe Paulu hai Silas hangko i tarunggu iti lao i souna Lidia. Inditi mampombelambiamohe halalu hampepepoinalainda, hai rapakaroho lalunda. Roo indo, padumohe mopalehi wanua Pilipi.

Roma 15:26

Lawi taunana Pue Ala au barahe to Yahudi i propinsi Makedonia hai Akaya ide moruruhe doi bona rawei i halalunda hampepepoinalai au meahi-ahi tuwonda i Yerusale.

Pilipi 1:12

Mewali kupeinao bona niisa halalu, naurina ratarunggu, matanana, lawi anti karatarungguku ide, kabosa-bosaari tauna mohadi Ngkora Marasa.

Pilipi 1:16

Ihira iti mopahawe bambari kana i Kerisitu anti kamaahinda iriko, lawi raisa naangkana Pue Ala mewali suroNa au mopakanoto Ngkora Marasa i ope-ope tauna.

Pilipi 1:5

lawi hangko i nguru-nguruna duuna ide-ide nidurei liliuna i lalu pobagongku mopahawe Ngkora Marasa au hangko i Pue Ala.

Pilipi 1:7

Hintoto mpuu pekiringku nodo, lawi kupokakaiakau. I lalu bagongku au naweina Pue Ala hangko i kabulana laluNa, nidurei liliuna, maroa ide-ide tangangku i lalu tarunggu, maroa i tempoku mosabi hai mopakaroho katouna Ngkora Marasa.

Pilipi 2:12

Mewali, halalu au kupokaahi, noumba kanipeulainami hawangku tangangku mani ara hihimbela hai ikamu, hangangaa melumbu mani ide-ide i tempoku karao hangko irikamu. Kuperapi bona nipamaroa-roa babehiami hintoto hai babehia tauna au nahorema Pue Ala hangko i huku dosanda. Mengkorukau i Pue Ala, hai hangangaa langakau mobabehi apa au kadake.