Pilipi 3:8 - Sura Malelaha

⁸ Hai bara pea ido, ide-ide kuisami: hinangkana iti bara ara bunduna iriko, lawi ara au melumbu kamaroana, iami pohintuwuku hai Kerisitu Yesu Ampuku. Ido hai kukabahami ope-ope au ntanina, kuimba pea pupu bona meulana i Kerisitu,

Pilipi 3:8 Mawu Ofanana

Lukasi 1:43

Oiomi, inana Pue au kupenombai! Hemana wongkoia pane maina nusondaki?

Lukasi 11:20

MampopelohoNa seta mopake kuasana Pue Ala. Itimi au mopakanoto kahawenami poparentana Pue Ala i olomi.

Yohane 14:20

Ane hawe tempo iti, ina niisa Iko mohintuwuNa hai UmaNgku, hai ikamu mohintuwukau hai Iko, nodo wori Iko mohintuwu hai ikamu.

Yohane 14:7

Ane niisaNa, niisa wori UmaNgku. Mepongka ide-ide, niisami hai niitami.”

Yohane 16:3

Ope-ope iti ina rababehi irikamu, lawi barahe moisa UmaNgku, hai Iko wori, baraNa raisa.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

Yohane 17:8

Kupahaweamohe ope-ope lolita au NupahaweaNa. Lolita iti radokomi, hai ide-ide tou-tou mpuu raisami Iko hangko IrioNa mai. Rapoinalaimi kaOiona au motuduNa.

Yohane 20:13

Mekunehe malaeka iti i Maria, rauli, “Ina, moapari pane moteriako?” Nauli Maria, “Ampuku raalami hangko inde, hai bara kuisa iumba rawoli.”

Yohane 20:28

Nauli Tomas, “Oiomi Ampuku hai Pue Ala au kupenombai!”

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

Roma 8:18

Moula pelambiaku, ope-ope kapari au morumpake ide-ide bara peisa tapahintoto hai kamahilena tuwonta au ina raweike i alo au ina mai.

1 Korintu 2:2

Lawi kupakanotomi i lalungku: mepongka i kahawengku irikamu, barana ina mampololita au ntanina, batena pea Yesu Datu Topehompo au mate rapaku i kau mombehape.

1 Korintu 9:10

ba ikitari au Natunggai i lalu ngkora pandiri iti? Manoto apa au teuki hangkoia iti kana wori irikita. Tauna au mobago hangangaa molambi kiranda hangko i wua pobagonda. Tauna au mowia ba au mombau, mobagohe lawi raharunga kaina molambinda kiranda hangko i wua pobagonda.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

2 Korintu 4:6

Lawi Pue Ala au mongkora, Nauli, “Hangko i kamakaindi, mesupami baa!”, Ia worimi au mampopesupa baa i lalunta, bona moisake peawana tuwona Pue Ala au tongawa i tuwona Kerisitu.

Galatia 1:16

Napopaitaamona AnaNa bona kubambari kana Iria i ope-ope tauna au barahe to Yahudi, hai i tempo iti barana lao merapi paturo i tauna.

Epesu 4:13

duuna hambela tempo ina mewalike hampepekiri i lalu pepoinalainta, hai ina moisa ntepuuke Anana Pue Ala. Ina kanoto-notoake, duuna mewalike nodo Kerisitu au bara ara kamakuraNa.

Pilipi 1:1

Sura ide hangko irikami Paulu hai Timotiu, hawina Kerisitu Yesu, kipakatuakau halalungki hampepepoinalai i lalu Kerisitu Yesu i wanua Pilipi, hai tauna au mampopolumao bagona Pue i olomi, maroa penatua, maroa diaken.

Pilipi 3:10

Kupeinao moisa ntepuu Kerisitu i lalu katuwongku, bona mohadiana kuasaNa i lalu katuwongku, iami kuasa au mopatuwo hule Yesu hangko i kapate. Kupeinao molambi kapari hai kapate, nodo au Nahumba Yesu,

Pilipi 3:12

Halalu, bara kuuli kuisa mpuumi Kerisitu, ba kuuli malelahami tuwongku. Bara wongkoia. Agaiana kupari-pari bona mewalina himbela hai Ia, lawi nodomi tunggaiana Kerisitu Yesu au mokakiona mewali taunaNa.

Pilipi 3:7

Hangkoia ope-ope iti kuimba pewati iriko. Agaiana ide-ide kuimba mepakarugi pea, lawi batena pea Kerisitu au kuharunga.

2 Timotiu 4:6

Kuweiko paturongku ide, lawi kuisa barapona mahae i dunia ide; ina hawemi alongku. Hai ane rapapatena deade, katuwongku ide kupaisare i Pue Ala mewali popenombaku Iria.

Ibarani 3:14

Lawi ikita ide mohintuwu hai Kerisitu, asala apa au tapoinalai hangko i nguru-nguruna takingki liliu hangko i lalunta au bara bata-bata duuna i kahopoana.

1 Peturu 2:7

Irikamu, tauna au mepoinalai, watu iti mobundu ntepuu. Agaiana i tauna au barahe mepoinalai, tepabukeimi au teuki i lalu Sura Malelaha node: “Watu au ratende topoaro sou, watu iti au mewali pohudaa sou.” Hai: “Watu iti au mewali katehubeanda, au moantihe manawo.”

2 Peturu 1:2

Ngkaia tabea! Mekakaena i Pue Ala bona pewati hai roa ngkatuwo au Naweikau tetambai, lawi moisamokau Pue Ala hai Yesu Amputa.

2 Peturu 1:3

Hangko i kuasaNa au mahile, Pue Ala moweike hinangka au taparaluu bona maroa katuwonta hai maroho peulanta Iria. Naweimoke ope-ope iti, lawi moisamoke Pue Ala au mokakioke mewali anaNa anti peawana tuwoNa hai kamaroana laluNa.

2 Peturu 1:8

Ane nodo poantimi hai babehiami, hai ane nitambai liliu, ina mobundu mpuu katuwomi, lawi tou-tou mpuukau moisa Amputa Yesu Kerisitu hai maroho peulami Iria.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU

1 Yohane 1:3

Apa au kiita hai kihadimi, iti au kipahaweakau bona ikamu wori mepoinalaikau hai peisakau mohintuwu hai ikami i lalu pohintuwuki hai Pue Ala Umanta hai Yesu Kerisitu AnaNa.

1 Yohane 2:19

Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.