Pilipi 3:19 - Sura Malelaha

¹⁹ Tauna au nodo batenda molambi pehuku i lalu naraka. Mampenombaihe peundeana watanda haduduanda. Mampomahilehe babehianda au mepakaea. Mopaioruhe katuwonda i dunia ide.

Pilipi 3:19 Mawu Ofanana

Matiu 16:23

Yesu mampembalilingi Peturu, hai Nauliangaa, “Peloho Datu Tokadake! Ba nupeinao mohombokiNa bona datiNa mampeulai peundeana UmaNgku? Pekirimu iti pekiri manusia, bara pekirina Pue Ala.”

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Lukasi 12:19

Roo indo, barapona paraluu mobago, lawi ngkaiami pambolingku, melabi-labimi hai barapi ina ope. I tempo iti, ina maande hai maenu pearaina i lalu katana-tana!’

Lukasi 16:19

Hangko indo, nauli Yesu, “Ara hadua topebuku. Pehampina nodo pehampi-hampi datu, ope-ope hampina masuli holona. Katuwona alo-alona, mosusa liliu.

Lukasi 18:4

I lalu bahangkia kamahaena, topebotusi iti bara mau motulungi tobemba iti. Agaiana kahopoana, nauli laluna, ‘Kehapirina bara mengkoru i Pue Ala hai barana mobila hema pea,

Roma 16:18

Lawi tauna au nodo babehianda, barahe mampopolumao bagona Kerisitu Amputa; moula peahe peundeana lalunda. Hai lolita peroasinda au momi, mopakanawohe tauna au bara manihe moisa apa-apa.

Roma 6:21

Rasi apami au nihumba hangko i katuwomi au hangkoia iti? Bara mpuu ara! Babehiami au hangkoia nipokaeami. Babehia iti moantikau i kapate au mogaakikau hangko i Pue Ala.

1 Korintu 3:3

lawi moula manikau peundeana lalumi au kadake. Mahinakau hai mobungka-bungka manikau, itimi au mopakanoto poulami mani peundeana lalumi au kadake, nodo tauna au bara manihe moisa Pue.

1 Korintu 5:2

Agaiana ikamu, nauri ara au mobabehi nodo i olomi, mampemahile manikau! Katouana, hangangaa masusari lalumi, hai tauna iti hangangaa nipopeloho hangko i olomi.

1 Korintu 5:6

I olomi arahe au kadake babehianda, agaiana mampemahile liliukau! Bara pae niisa lolita au manguli, “Ragi au haodi mampopembongke tapu”? Lempona, hadua tauna au madosa peisa mopakanawo bosa tauna i olomi.

2 Korintu 11:12

Apa au kubabehi ide, bara ina kukabaha. Barana ina merapi sarongku irikamu. Arahe tauna au mampemahile hai au mamperapi saronda hai au motoia liliu watanda haduduanda. Agaiana iko, barana mau merapi irikamu bona dati rauli pobagongki himbela hai pobagonda.

2 Korintu 11:15

Ido hai bara tapotingkara ane topobagona Datu Tokadake motabungihi babehianda au kadake bona raitahe nodo topobagona Pue Ala. Agaiana kahopoana, ina molambihe hurungina au hintoto hai dakenda.

Galatia 6:13

Katouana tauna au mampeulai ada mpetile iti, barato worihe mampeulai ope-ope Aturana Musa. Tunggaianda mopari-parikau ratile bona rapomahilehe anti kanipeulaina hawanda iti.

Pilipi 2:21

Ane au ntantaninahe, mampekiri peahe watanda haduduanda, barahe mampekiri peundeana Yesu Kerisitu.

Kolose 3:2

Lempona, hangangaa nipekiri katuwomi au mohintuwu hai Kerisitu i suruga. Inee peakau mampekiri katuwomi au i dunia ide.

2 Tesalonika 1:9

Tauna au barahe mepoinalai ina molambihe pehuku au bara mokahopoa, hai ina ratendehe hangko i Pue, duuna barapohe moita kamakuasaNa hai peawaNa au mahile.

2 Tesalonika 2:12

Kahopoana, Pue Ala ina mohuku ope-ope tauna au raunde mobabehi dosa hai au barahe mampoinalai NgkoraNa au manoto.

2 Tesalonika 2:8

Mewali, ane teweihami topehomboki iti, hangko haweri Manusia Kadake. Agaiana ane hawemi Pue Yesu hai kuasaNa au meawa, Manusia Kadake iti ina ope kuasana, lawi ia ina napapate Pue Yesu hai inao au mesuwu hangko i humeNa.

1 Timotiu 6:5

hai pombembehehe. Pekirinda tauna iti barapi maroa, barahe moisa paturo au tou. Rauli, peisahe molambi rasi hangko i poagamanda.

2 Timotiu 3:4

Mopakanawohe hangka ranganda, bara kaladu pampekirinda, hai mengkaiwongkohe. Barahe mampeulai peundeana Pue Ala, agaiana mampeulai peahe peundeana lalunda.

Yakobu 4:16

Agaiana ide-ide mampemahilekau hai mantindorakau. Ope-ope babehia iti, masala.

2 Peturu 2:1

Hangkoia arahe nabi au mepakanawo i olonda tauna au meula i Pue Ala. Nodo wori ide-ide, batena ara worihe i olomi guru agama au mepakanawo. Ihira ina mopahawehe paturo au bara tou au mopakanawo tauna, hai pelumbunami mosapuakahe Amputa au mohompo dosanda. Anti pesapuakanda iti, mopakanawomohe watanda haduduanda. Tauna iti holi-holi kaina maropunda.

2 Peturu 2:13

Ina narumpahe pehuku hintoto hai babehianda. Babehianda tauna iti mepakaea mpuu. Mogalori mabaa, raunde mobabehi dake moula peundeana lalunda haduduanda. Ane maandehe hihimbela hai ikamu i posusami, mehiorohe moula peundeana lalunda. Ido hai rakakabosai worikau tauna ntanina.

2 Peturu 2:3

Guru au mepakanawo iti mohaoki peahe doi, mewali ina rapahaweakau lolita au rababehi haduduanda bona molambihe rasi hangko irikamu. Agaiana ara pehuku au mahaemi napasilolongaahe Pue Ala, hai karahukunda iti ina holiga mewali.

Yudasi 1:10

Agaiana guru au mepakanawo iti, mopapakoihe au makuasa au bara raisa. Au raisa pea, babehia au nodo babehia binata au bara ara pekirinda. Hai anti babehianda iti, ido hai ina molambihe pehuku.

Yudasi 1:16

Guru au mepakanawo iti mohume-hume peamohe hai mosasalaihe ranganda. Moula peahe peundeana lalunda au kadake. Anti ope-ope babehianda, mampemahilehe, hai moore-ore peamohe ranganda bona mohumbahe rasi.

Yudasi 1:4

Kuuli ope-ope ide lawi arahe guru agama au mesua i olomi au moantihe paturo au sala. Tauna iti mangulihe, kaihiranami halalunta hampepepoinalai, agaiana katouana barahe mengkoru i Pue Ala. Rauli wori, peisatoke mampeulai peundeana lalunta au kadake, lawi Pue Ala maahi laluNa. Paturo iti kadake, lawi mobalikihe paturo au tou kana i kabulana laluna Pue Ala, hai mosapuakahe Datunta hai Amputa, Yesu Kerisitu. Ia pea au hintoto tapengkorui. Guru au mepakanawohe iti, ina rahukuhe, lawi hangkoia ara mpuuhe nabi au mampololita kana i hukuanda au napakanotoahe Pue Ala.

Pampetudungia 18:7

Hangangaa rapopeahi-ahihe hai rapamaparihe, lawi mampemahilehe, rauli: ‘Iko datu towawine. Barana tobemba. Barana ina molambi kapari.’

Pampetudungia 19:20

Kahopoana binata au kadake iti rahaka hihimbela hai nabi au mepawuli iti. Ihira, ratendehe i lalu tahi api au lolaa hai au mawaa. Nabi au mepawuli iti, iami au mobabehi tanda kuasa hai kuasana binata au kadake. Anti tanda kuasa iti, ia mopakanawohe tauna au modoko tanda binata hai au menomba i lengge binata iti.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Pampetudungia 22:15

Agaiana tauna au kadake, topedoti, topobabehi au merikai, topepapate, topenomba i anitu, topodongko, hai tauna au mampokatana podongkonda, barahe rapaliu mesua i lalu wanua iti.