Pilipi 2:9 - Sura Malelaha

⁹ Ido hai naangkami Pue Ala i pohudaa au meawa, hai Nawei kuasa au melumbu hangko i ope-ope kuasa au ara,

Pilipi 2:9 Mawu Ofanana

Matiu 11:27

Roo indo, nauli mbuli Yesu, “Hinangkana NaweimoNa UmaNgku. Bara ara hadua au moisaNa, Iko Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.

Matiu 28:18

Yesu mohungkuki topeguruNa, Nauliangaahe, “Ope-ope kuasa i suruga hai i dunia rahuhuamoNa.

Lukasi 10:22

Roo indo, nauli mbuli Yesu, “Hinangkana naweimoNa UmaNgku. Bara ara hadua au moisa kaIkona Anana Pue Ala, batena pea UmaNgku au moisaNa. Nodo wori, bara ara au moisa UmaNgku, batena pea Iko AnaNa hai hema pea au Kupopaisaa.”

Yohane 13:3

Agaiana naisa Yesu kanaweiNami UmaNa ope-ope kuasa. Naisa wori Ia hangko i Pue Ala, hai ina mesule hule i Pue Ala.

Yohane 17:11

Ina mesulemoNa Irio Uma, barapoNa mahae i dunia ide. Agaiana topeulaNgkuhe ide, i dunia manihe. O UmaNgku au malelaha, Kuperapi Nukampaihe hai kuasana hangaMu au NuweimoNa. Nukadipuramohe bona hampepekiri peahe, nodo Oio hai Iko hampepekiriKe.

Yohane 17:12

TempoKu mani hihimbela hai ihira, Iko au mokampaihe hai kuasana hangaMu au NuweimoNa. Kukampaihe datihe ara au matanta. Batena pea hadua au matanta, iami au ina molambi rugi bona tepabukei apa au teuki i lalu Sura Malelaha.

Yohane 17:5

Ido hai Kuperapi bona Nupopeawa suleNa himbela hai peawaMu, nodo peawaNta hangko damani dunia ide rapopewali.

Suro 5:31

hai Napopohuda ntanda i koanaNa. Naweimi kuasa mewali Tadulako hai Topehorema bona to Isaraeli menosohe hangko i dosanda hai molambihe peampungi.

Kolose 1:18

Ikita au mepoinalai i Kerisitu rapandiri nodo wata, hai Kerisitu iami waa. Nodo waa moparentai wata, nodo wori Kerisitu moparentai ope-ope tauna au mepoinalai Iria. Ia au moweike katuwo au wou, lawi Iami au Towutu, lempona, Ia au nguru-nguruna tuwo hule hangko i kapate. Ido hai Ia mewali patoana hinangka au ara.

2 Tesalonika 1:12

Tunggaiaki mekakae bona anti babehiami au maroa iti, hangana Yesu Amputa rapomahile, hai bona ikamu napomahile worikau Pue Yesu. Ope-ope iti hangangaa mewali anti kabulana laluna Pue Ala Umanta hai Pue Yesu Kerisitu.

Ibarani 1:4

Ia molambi kuasa hai pebila au meliu hangko i ope-ope malaeka, lawi hangaNa au nawei Pue Ala meliu katebilana pane hanga au raweihe malaeka.

Ibarani 1:9

MoundeKo kanoto hai mokahihiKo dake. Idomi hai natawiKo Pue Ala au Nupenombai, hai lana tanda kaNapileiMu, au melumbu hangko i himadaMuhe.”

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.

Ibarani 2:9

Agaiana ide-ide tongawami kamakuasana Yesu. I katuwoNa au hampalai i dunia ide, kamahilena tuwoNa tepaiwoi hangko i malaeka. Lawi anti kabulana laluna Pue Ala irikita, Napakanoto bona Yesu rapapate mopahuru ope-ope tauna. Hai anti pohuhuNa wataNa rapapate, ide-ide Ia rapomahile hai raweimi pohudaa au meawa hai tebila.

1 Peturu 3:22

Hai i karapatuwoNa hule, Yesu mengkaoremi lao i suruga, mohuda ntanda i koanana Pue Ala. Ope-ope malaeka hai au makuasa hai au moparenta, rapopengkoru hahahe Iria.

2 Peturu 1:17

Lawi hangkoia i tempona Yesu napopeawa hai nabila Pue Ala UmaNa au mahile tuwoNa i wongko bulu, arangkai hihimbela hai Ia. I tempo iti, nauli Pue Ala: “Idemi AnaNgku au Kupokakaia hai Kupokatana.”

3 Yohane 1:7

Lawi halalunta iti, mampopolumaohe bagona Pue Yesu. Hai barahe molambi apa-apa hangko i tauna au bara mepoinalai i Pue.

Pampetudungia 1:5

hai hangko i Yesu Kerisitu, Sabi au manoto. Iami au nguru-nguruna tuwo hule hangko i kapate hai au makuasa moparenta ope-ope datu i dunia. Yesu mampokakaiake, hai Ia mokira wataNa rapapate bona tekabahake hangko i huku dosanta,

Pampetudungia 11:15

Malaeka au kapitu motawuemi tatamburuna. Hai arahe au monganga-nganga i lalu suruga, rauli, “Ide-ide poparenta i dunia i taienami Pue Ala himbela hai Datu Topehompo au Napileimi bona Pue Ala moparenta i hae-haena.”

Pampetudungia 19:16

I baduNa hai i paaNa teuki hanga ide, “Datu hangko i ope-ope datu, Pue hangko i ope-ope pue.”

Pampetudungia 3:21

Hema au menangi, ina Kupopohuda hihimbela hai Iko i kadera kadatuaNgku, nodo Iko au menangimoNa, hai mohudaNa moparenta hihimbela hai UmaNgku i kadera kadatuaNa.

Pampetudungia 5:12

Monanimohe malaeka iti masisimbuku, rauli, “Ana Dimba au rasambale, hintoto mpuu tabila hai tatoia, tapomahile hangaNa, tabambari kamarohoNa, tapolinga peawaNa, takatuinao kamapandeNa, hai tapatolele kamakuasaNa!”