Pilipi 2:30 - Sura Malelaha

³⁰ Anti pobagona i Kerisitu, ina naanti matemi. Ia barapi mampekiri watana haduduana, lawi nipeinao mpuu motulungina inde. Ia mewalimi pahurumi, lawi barakau tepaka mai modureina.

Pilipi 2:30 Mawu Ofanana

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

Roma 16:4

Hangkoia, ina raanti matemi motulungina. Kuuli ngkaia kamaroana irihira, hai bara iko pea, agaiana ope-ope to Sarani au barahe to Yahudi manguli wori ngkaia kamaroana irihira.

1 Korintu 15:53

Lawi watanta ide ina mate hai ina magoro. Ido hai watanta hangangaa rabaliki mewali wata au barapi ina mate. Hai ane tebaliki watanta, ina tepabukei apa au teuki i lalu Sura Malelaha au manguli node: “Kapate barapi ara, Pue Ala monangimi kapate.”

1 Korintu 16:10

Ane hawe Timotiu, kuharunga nidoko maroa hai niadai, lawi ia mampopolumao bagona Pue, nodo iko.

1 Korintu 16:17

Matana lalungku lawi hawemohe Setepanu, Fortunatus hai Akaikus. Barakau tepaka motulungina, agaiana ihira kuimbamohe pahurumi.

2 Korintu 12:15

Mewali, matanana mopake hinangkana au ara iriko hawe-hawe i watangku motulungikau. Ane nodo kamahilena ahingku irikamu halalu, moapari pane makura mani ahimi iriko?

2 Korintu 4:12

Anti pobambaringki Ngkora Marasa raawunga peamongkai rapapate, agaiana matana lalungki lawi pobambaringki Ngkora Marasa ide mopaara katuwo maroa irikamu.

Pilipi 2:17

Halalu, i kakubambariami Ngkora Marasa hangkoia, mewalimokau mepoinalai i Pue Yesu, hai mopaisarekau katuwomi Iria bona moulakau peundeaNa. Mewali, kehapirina rahuku mate anti pobagongku mopahaweakau Ngkora Marasa, bara kupousulia. Batena kuuli liliu ngkaia kamaroana i Pue Ala, hai matanana hihimbela hai ikamu.

Pilipi 2:27

Tou mpuu au liu rumihi kamahaina, kematemi. Agaiana kahopoana maoha lawi napokaahi Pue Ala. Bara pea ia au napokaahi Pue Ala, iko wori au Napokaahi, lawi ane Epafroditus mate, ina tetambai kamasusana lalungku.

Pilipi 4:10

Matana mpuu lalungku halalu, hai motoiana Pue, lawi nauri mahaemona bara mohadi bambari hangko irikamu, agaiana ide-ide nipopakatuana petulungimi. (Barari kuuli barapona nikatuinao agaiana kadanari ara katepakami motulungina.)

Pilipi 4:18

Mewali bona niisa: ope-ope au nipakatu, kulambimi hangko i Epafroditus. Pakatumi iti bara pea handa, agaiana melabitori hangko i apa au kuparaluu. Kabula lalumi iti nodo anu-anu mawongi au nipopenomba i Pue Ala. Popenombami iti Napokana mpuu, hai matana laluNa modoko.

Pilemo 1:13

Ane moula pea peundeaku, kekutaha mani inde hihimbela hai iko, lawi kuimbami pahurumu au motulungina tangangku ratarunggu anti pobagongku mobambari Ngkora Marasa.

Pampetudungia 12:11

Halalunta au hampepepoinalai iti monangimohe Datu Tokadake. Menangihe hai kuasa wahena Ana Dimba au mate mohoremahe hangko i huku dosanda. Menangihe lawi mopangaku liliuhe ka Ana Dimbana Ampunda. Menangihe lawi kehapirihe rapopeahi-ahi ba rapapate, barahe mousuli hangko i pepoinalainda.