Pilipi 2:29 - Sura Malelaha

²⁹ Mewali, hangangaa nidoko i katana lalumi nodo au nibabehi i ope-ope halalunta hampepepoinalai. Nibila wori ope-ope tauna au himbela poantinda hai ia.

Pilipi 2:29 Mawu Ofanana

Lukasi 9:5

Ane hawekau i boea hai barakau radoko ampu boea, nipalehi boea iti, hai nitaronta awu au mentaka i palanta bitimi, tandana barapi ikamu au mohuru ane Pue Ala mohukuhe.”

Yohane 13:20

Tou mpuu lolitaNgku ide: hema au modoko tuduaNgku, himbelami Iko au nadoko. Nodo wori, hema au modokoNa, himbelami Pue Ala au nadoko lawi Ia au motuduNa.”

Suro 2:46

Alo-alona teruhuhe i Souna Pue Ala. Mokira-kirahe roti anti pokatuinaonda Pue Yesu, hai maande sambelahe i sounda i lalu katana-tana moula kabulana lalunda.

Suro 28:10

Anti pebilanda tauna iti, raweingkai ngkaia anu-anunda. Hai i peangkaki, rabakuingkai, hai apa pea au kiparaluu raanti rawoli i lalu kapala tahi.

Suro 8:8

Rumihi mpuu kamatananda ampu boea moita apa au mewali iti.

Roma 10:15

Hai noumbami kapeiasanda mobambari kana Iria ane barahe ratudu? Nodo au teuki i lalu Sura Malelaha node: “Maroa mpuu kahawenda tauna au mopahawe bambari maroa!”

Roma 16:2

Kuperapi bona nidoko nodo halalumi i lalu hangana Pue Yesu, lawi itimi au hintoto tababehi au meulake i Yesu. Ane ara apa-apa au naparaluu, niwei, lawi bosa tauna au natulungi, tepesua iko.

1 Korintu 16:10

Ane hawe Timotiu, kuharunga nidoko maroa hai niadai, lawi ia mampopolumao bagona Pue, nodo iko.

1 Korintu 16:18

Halalunta iti mopamatanahe lalungku, nodo karapamatanana lalumi. Ido hai kuperapi bona nibilahe tauna au nodo ihira.

2 Korintu 10:18

Lawi ane mampomahileke watanta haduduanta, barake ina nadoko Pue. Agaiana ane napomahileke Pue, manotomi kaNadokonta.

2 Korintu 7:2

Kiharunga, halalu, nidoko wongkamia! Lawi barangkai masala i hema pea, barangkai mopakanawo tauna, barakau kiakalangi bona mohaoki apa pea irikamu.

Pilipi 2:28

Idomi pongkana hai kutudumi mesule hoholiga lao irikamu bona ane mohidupamokau hai ia, ina tepalindokau hai tindami lalungku.

Kolose 4:10

Aristarkus, rangangku ratarunggu, mopakatu tabeana irikamu. Markus halaluna Baranaba, mopakatu wori tabeana. (Nikatuinao apa au kuperapi hangkoia bona ane hawe Markus deade, nidoko maroa!)

1 Tesalonika 5:12

Halalu, kiperapi bona nibilahe tauna au mobago mantimi i lalu bagona Pue i olomi, lawi ihira napileimohe Pue bona monini hai mopaturokau.

1 Timotiu 5:17

Penatua au maroa pobagonda, hintoto mpuuhe rawei peadai au rombela hangko i tauna ntanina, pelumbunami penatua au mepaturo hai au mopahawe Ngkorana Pue.

Ibarani 13:17

Nipeulaimi hawanda tadulakomi hai mengkorukau irihira. Lawi ihira au mokadipura katuwomi, hai au hangangaa mohanaihe Pue Ala kana i pobagonda. Nipeulai hawanda bona matanahe mobago. Ane bara nipeulai hawanda, ina masusa lalunda, hai ane nodo barapi ina ara pobunduana irikamu.

3 Yohane 1:10

Mewali, ane hawena irio, ina kutuntuako babehiana au kadake. Nasalai liliungkai agaiana pesalaina iti bara tou. Hai bara ido pea babehiana. Ane halalunta au mobambari Ngkora Marasa mehupehe i boeami, barahe nadoko, hai mokonto worihe tauna bona ineehe modoko tauna iti. Hai hema pea au modokohe topoanti Ngkora, napopelohohe hangko i jumaa iti.