Pilipi 2:21 - Sura Malelaha

²¹ Ane au ntantaninahe, mampekiri peahe watanda haduduanda, barahe mampekiri peundeana Yesu Kerisitu.

Pilipi 2:21 Mawu Ofanana

Matiu 16:24

Roo indo, Yesu mouliangaahe topeguruNa, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.

Lukasi 14:26

“Ikamu au mampeinao meula Iriko, nipehadingi! Hema au melumbu pampokakaiana inana ba umana, towawinena ba anana, halaluna ba watana haduduana hangko i ahina Iriko, ia bara peisa mewali topeulaNgku.

Suro 13:13

Hangko i Pafos, Paulu hai rangana mesawimohe i kapala tahi lao i wanua Perga i Propinsi Pampilia. Inditimi, Yohane au rakakio wori Markus mopalehihe rangana hai mesule i Yerusale.

Suro 15:38

agaiana nauli Paulu, “Bara maroa taporanga, lawi napalehimoke hangkoia i propinsi Pampilia hai bara mantaha mamporangaike duuna roo bagonta.”

1 Korintu 10:24

Inee tababehi au motulungi pea watanta haduduanta. Hangangaa tababehi wori au motulungi ranganta.

1 Korintu 10:33

Nodo wori iko, i paka-pakana kubabehi liliu apa au maroa i peitanda ope-ope tauna. Bara kuhaoki apa au mobundu pea i watangku haduduangku, agaiana kubabehi apa au ina mobundu i rangangku bona tehoremahe hangko i huku dosanda.

1 Korintu 13:5

barahe makasara, barahe mohaoki peundeanda haduduanda, barahe hengke, hai barahe mepailalu.

2 Korintu 1:5

Kapari au nahumba Kerisitu, kihumba worimi. Agaiana tetambai wori karoho lalu au kilambi hangko i Kerisitu.

Pilipi 2:4

Inee peake mampekiri watanta haduduanta, hangangaa mampekiri worike katuwonda ranganta.

2 Timotiu 1:15

Nuisato, rapalehimona ope-ope to Sarani i propinsi Asia, tepesuahe Figelus hai Hermogenes.

2 Timotiu 3:2

Bosa tauna ina mampokakaia peahe watanda haduduanda, mampeinaohe mewali topebuku, mampopetoiahe, mampemahilehe, hai mokakabosaihe ranganda. Barahe mengkoru i tosaenda, bara raisa manguli ngkaia kamaroana i Pue Ala, hai barahe mobila Pue Ala.

2 Timotiu 4:10

Lawi ina barapi ara au mamporangaina inde. Napalehimona Demas, lawi laomi i Tesalonika mohaoki katuwona i dunia ide. Kreskes, lao i Galatia. Titu lao i Dalmatia.

2 Timotiu 4:16

Nguru-nguruna kara-karangku rapohuda-hudaa hangkoia, bara mpuu ara hadua au motulungina. Ope-opehe mopalehina. Mekakaena i Pue dati Nahurungi babehianda iti.