Pilipi 2:14 - Sura Malelaha

¹⁴ I paka-pakana au nibabehi, ineekau mohume-hume ba mombembehehe,

Pilipi 2:14 Mawu Ofanana

Matiu 20:11

I polambinda saronda iti, mohume-humehe i ampu bonde, rauli,

Markus 14:5

Ane rapana lana mawongi iti rapobalu, holona labi talu atuna doi pera. Aginami rapobalu hai holona raweihe topeahi-ahi.” Ido hai mokarumpuihe towawine iti.

Markus 9:14

Roo indo, Yesu hai topeguruNa au talu iti mesulemohe hangko i wongko bulu mampohidupaa topeguruNa au ntanina. Kahawenda inditi, moitahe bosa tauna au motoleliki topeguruNa au ntanina iti, hai bahangkia guru agama tanganda mombehahanai hai ihira.

Lukasi 5:30

Inditi ara worihe toParisi hai guru-guru agama au mampeulai paturonda toParisi. Ihira mosasalaihe Yesu i topeguruNa, rauli, “Moapari pane ikamu maande hai maenu hihimbela hai toperuru asele hai tauna ntanina au kadake babehianda?”

Suro 15:2

Agaiana Paulu hai Baranaba, rumihi poewanda paturo iti. Kahopoana, rabotusi bona Paulu, Baranaba, hai bahangkia tauna ntanina au mepoinalai i Yesu lao mopahawe kara-kara iti i surona Pue Yesu hai penatua-penatua i Yerusale.

Suro 15:39

Mewali, mombehanaimohe Paulu hai Baranaba, alanda mogaa. Baranaba mangala Markus naporanga, hai mesawimohe i kapala tahi lao i lewuto Siprus.

Suro 15:7

Mahaemohe mombehahanai, meangkami Peturu mololita nauli, “Halalu-halalu, niisa mpuu apa au mewali iriko. Bahangkia parena liu, napileina Pue Ala hangko i olomi, hai Natuduna mobambari Ngkora Marasa i tauna au barahe to Yahudi bona bambari iti rahadi hai rapoinalai wori.

Suro 6:1

Kamahae-haea katetetambaiami tauna au meula i Yesu. I tempo iti, ope-ope tauna au mepoinalai i Yesu, to Yahudi peahe, agaiana hanggaahe mobasa Yunani, hai hanggaa worihe mobasa Yahudi. Au mobasa Yunani, mohume-humehe mosalai ranganda au mobasa Yahudi, rauli, “Tobemba towawine au ara irikami barahe molambi kiranda hangko i apa au rakira-kira alo-alona i topeahi-ahi.”

Roma 12:18

Nipari-pari mobabehi apa pea au maroa i tauna bona peisakau tuwo mohintuwu hai rangami.

Roma 14:1

Ara halalunta hampepepoinalai au bara mani maroho pepoinalainda. Hangangaa nidoko maroahe tauna iti. Kehapiri mosisala pelambimi, inee iti au nipombehehei.

Roma 16:17

Halalu hampepepoinalai, kupopaingaakau bona hangangaa maroa-roakau i tauna au mopaara pogaa-gaa hai au rapeinao mopakanawokau i paturonda au montani hai paturo au rapaturoamokau. Nikaraohihe tauna au nodo!

1 Korintu 10:10

Hai ineeke mohume-hume, nodo au rababehi tauna i olonda hangkoia, alana napapatehe malaeka au mepapate.

2 Korintu 12:20

Au kupokalanga ane laokau kusondaki kulambikau bara nodo au kupeinao hai hawena irikamu bara nodo au niharunga. Langana ane arakau au mohiho hai mombekahinai, mombekarumpui hadua hai hadua, mengkaiwongko, mombekakabosai, mombepodongkoa, mampemahile, hai au mehawu-hawu

Galatia 5:15

Agaiana maroa-roakau ineekau mobungka-bungka hai mombepakoi mpoinao, datikau mombepakarugi.

Galatia 5:26

Ineeke mampemahile, ineeke mombepamahai mpolalu ba mombekahinai.

Pilipi 2:3

Ineekau mopaioru peundeami haduduami, ineekau mampemahile. Agina mengkaiwoike hadua hai hadua, hai hangangaa taimba ranganta melumbu hangko irikita.

1 Tesalonika 5:13

Nibila hai niadaihe, hai nipokaahihe anti pobagonda. Mohintuwukau hadua hai hadua.

1 Tesalonika 5:15

Ane ara au mobabehi dake irikita, inee wori tahurungi hai dake. Agina mobabehi liliuke au maroa i ranganta hai i ope-ope tauna.

Ibarani 12:14

Hangangaa nipari-pari mohintuwu hai ope-ope tauna. Nipari-pari wori bona malelaha tuwomi, lawi tauna au bara malelaha tuwona bara ina moita Pue.

Yakobu 1:20

Lawi tauna au rumpu, barahe peisa mobabehi apa au hintoto moula peundeana Pue Ala.

Yakobu 3:14

Agaiana ane ara lalumi mahina i rangami hai nipeinao mopaioru watami haduduami, ineekau mampemahile hai inee nipehangu ikamumi tauna au manoto lalumi. Lawi babehia iti mosisala hai paturo au tou.

Yakobu 5:9

Halalu, ineekau mohume-hume hai mombesasalai datikau narumpa pehuku. Lawi ara hadua topebotusi au hungkumi, hai barapi mahae ina hawemi!

1 Peturu 3:11

Ia hangangaa mokabaha babehiana au kadake hai mobabehi apa au maroa. Hangangaa napari-pari mohintuwu hai hangka rangana,

1 Peturu 4:9

Hangangaa matanakau ane ara toraremi, hai ineekau mohume-hume.

Yudasi 1:16

Guru au mepakanawo iti mohume-hume peamohe hai mosasalaihe ranganda. Moula peahe peundeana lalunda au kadake. Anti ope-ope babehianda, mampemahilehe, hai moore-ore peamohe ranganda bona mohumbahe rasi.