Pilipi 1:13 - Sura Malelaha

¹³ Surodado au mokampai souna datu hai ope-ope tauna inde moisa ratarungguna anti peulangku i Kerisitu.

Pilipi 1:13 Mawu Ofanana

Suro 26:29

Nahanai Paulu, “I tempo au hampalai ba i tempo au mahae, mekakaena i Pue Ala bona Datu hai ope-ope tauna au mampehadingi lolitangku alo ide ina mewali nodo iko, agaiana inee peakau hawe ratarunggu.”

Suro 26:31

Hawemohe i raoa, mololitahe, rauli, “Tauna iti, bara woia ara salana au hintoto rahukua mate ba ratarunggu.”

Suro 28:17

Liumi talu alona, Paulu mokakio totosaenda to Yahudi bona mai rapohidupaa. Kahawenda, mololitami Paulu irihira nauli, “Halalu-halalu, barato wongkoia masala i hangka to Yahudinta hai bara worina moliungi adanda toiorunta. Agaiana nauri nodo, batengku rahaka i Yerusale hai rahuhuna i topoparenta to Roma.

Suro 28:20

Kukakiokau maina nipohidupaa lawi kupeinao kupololitaakau kana i pepoinalaingku i Datu Topehompo au rapepegiami to Yahudi. Ido hai pane ratahana inde.”

Suro 28:30

Roo indo, Paulu maida i Roma rompare kamahaena i hambua sou au nasaro. Matana laluna modoko tauna au mai mosondaki.

Epesu 3:1

Ido hai, iko Paulu, ratarungguna lawi moantina Ngkora Marasa kana i Kerisitu, irikamu au barakau to Yahudi.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

Epesu 6:20

Anti pobambaringku Ngkora Marasa iti, ide-ide ratarungguna. Mewali, nipekakaea wongkoia bona bai peana mopahawe Ngkora Marasa moula kahihintotoana.

Pilipi 1:30

Mewali i tempo ide, molambi worimokau kapari nodo kapari au kuhumba i tempoku mani hihimbela hai ikamu, hai niisa, halalu, kapari iti kupolumaongi liliu duuna ide-ide.

Pilipi 1:7

Hintoto mpuu pekiringku nodo, lawi kupokakaiakau. I lalu bagongku au naweina Pue Ala hangko i kabulana laluNa, nidurei liliuna, maroa ide-ide tangangku i lalu tarunggu, maroa i tempoku mosabi hai mopakaroho katouna Ngkora Marasa.

Pilipi 4:22

Ope-ope to Sarani i wanua ide, pelumbunami au arahe i souna Kaisar, mopakatu worihe tabeanda irikamu, halalu.

2 Timotiu 2:9

Anti popahawengku Ngkora Marasa, ido hai narumpana kapari, duuna ratakana inde i lalu tarunggu nodo hadua tauna au kadake. Agaiana Ngkorana Pue Ala bara tetaka.