Pilemo 1:24 - Sura Malelaha

²⁴ Tabeanda wori halalungku au hampopobago, iami Markus, Aristarkus, Demas hai Lukasi.

Pilemo 1:24 Mawu Ofanana

Suro 12:12

Roo indo, laomi Peturu i souna Maria, inana Yohane au rauli wori Markus. I sou iti, bosahe tauna teruhu mekakae.

Suro 12:25

Roomi bagonda Baranaba hai Saulu i Yerusale, mesulemohe lao i Antiokia, hai Yohane au rauli wori Markus raanti hihimbela hai ihira.

Suro 13:13

Hangko i Pafos, Paulu hai rangana mesawimohe i kapala tahi lao i wanua Perga i Propinsi Pampilia. Inditimi, Yohane au rakakio wori Markus mopalehihe rangana hai mesule i Yerusale.

Suro 19:29

Mewali humalele wanua iti magunego. Hai rame-ramehe tauna bosa lao mohaka Gayu hai Aristarkus. Gayu hai Aristarkus iti iami to Makedonia au mamporangai Paulu i polumaona. Rahakamohe tauna rodua iti hai raantihe lao i sou poteruhua mahile i lalu wanua.

Suro 27:2

Kapala tahi au kipesawii iami kapala tahi mahile au hangko i wanua Adramitium au masilolongami monontohi bahangkia wanua au i wiwi ntahi i propinsi Asia. Meangka mpuumongkai hai hadua rangangki au meula irikami iami Aristarkus, au hangko i wanua Tesalonika i tampo Makedonia.

2 Korintu 8:23

Ane arahe tauna au mekune kana i Titu, niuli iami rangangku au hampopobago au kutudu lao motulungikau. Hai ane arahe au mampekune kana i rangana au rodua, ihirami tauna au ratudu jumaa inde bona laohe motulungikau i bagomi. Tauna ide mampomahile hangana Kerisitu.

Pilipi 2:25

Ane halalunta Epafroditus, au mahaemi nitudu mai modureina, kutudumi mesule irikamu. Ikami rodua, nodongkai tauna au hihimbela lao mombeala, lawi hampopobagongkai i lalu bagona Pue, hai natulungimona i lalu kaparingku.

Pilipi 4:3

Hai kuperapi irikamu rangangku hampopobago (Sunsugos) au tetida lalumi, nitulungi wohiraia towawine au rodua iti bona ineehe mosisala. Tangangku mani hihimbela hai ikamu, madotahe mamporangaina mopahawe Ngkora Marasa hihimbela hai Klemens hai rangangku au ntanina au hampopobago. Hanganda ope haha teuki i lalu Sura Ngkatuwo.

Kolose 4:10

Aristarkus, rangangku ratarunggu, mopakatu tabeana irikamu. Markus halaluna Baranaba, mopakatu wori tabeana. (Nikatuinao apa au kuperapi hangkoia bona ane hawe Markus deade, nidoko maroa!)

Kolose 4:14

Tabeana wori Dokter Lukasi au tapokaahi, hai hangko i halalunta Demas.

1 Peturu 5:13

Tabea hangko i halalumi hampepepoinalai au arahe inde i wanua Babilon au napilei worihe Pue Ala nodo ikamu. Markus au kupoanami, mopakatu wori tabeana irikamu.

3 Yohane 1:8

Mewali, hintoto mpuuhe tatulungi, lawi ane tababehi nodo, lempona mobago sambelake i lalu pobagonda moanti bambari au tou.