Pilemo 1:22 - Sura Malelaha

²² Hai kuperapi wori bona nupasilolongaana haogu lincu i soumu, lawi kuharunga Pue Ala ina mohanai pekakaemi bona tekabahana hangko i tarunggu ide, alana peisakau kusondaki.

Pilemo 1:22 Mawu Ofanana

Suro 27:24

Nauli malaeka iti node: ‘Paulu, ineeko langa. Lawi batemu ina lao molindo Datu Mahile Kaisar. Hai anti kamaahina Pue Ala irio, ope-ope tauna au hihimbelakau i lalu kapala tahi ina tehorema worihe.’

Suro 28:23

Roo indo, rapakanotomi alo poteruhuanda hai Paulu. Hawe mpuumi alo au rapakanoto, bosa tauna teruhu i paidaana Paulu. Mepongka madondo hawe kalumba, napakanotoahe Paulu kana i poparentana Pue Ala, hai nabasaahe Aturana Musa hai Suranda Nabi-nabi, bona manoto irihira kahemana Yesu bona mepoinalaihe Iria.

2 Korintu 1:11

Hai nipekakaea woringkai. Lawi ane bosa tauna mampekakaengaangkai, Pue Ala ina motulungingkai, alana bosa tauna ina manguli ngkaia kamaroana Iria.

Pilipi 1:19

lawi kuisa anti pekakaemi hai anti petulungina Inao Malelaha au hangko i Yesu Kerisitu, batena tekabahana.

Pilipi 2:24

Hai kuharunga anti petulungina Pue, barapi mahae ina lao worina mosondakikau.

Ibarani 13:19

Kuperapi mpuu bona nipekakaea wongkoia bona holigana mesule irikamu.

Ibarani 13:23

Bona niisa wori: halalunta Timotiu rakabahami hangko i tarunggu. Ane polo hawe inde, kuporanga lao mosondakikau.

Yakobu 5:16

Ido hai hangangaa mangaku salakau i hangka rangami, hai mombepekakaeakau bona maohakau. Tauna au manoto babehianda pemoso mpuu pekakaenda.

2 Yohane 1:12

Katouana ngkaia mani au kupeinao kupahaweakau, agaiana bara kuunde ane ope-ope kupahawe melempo i sura ide. Lawi tunggaiaku ina laokau kusondaki, hai ope-ope iti ina kupahaweakau bona matana ntepuuke.

3 Yohane 1:14

Lawi kuharunga barapi mahae ina mohidupa mbulike bona ara katepakanta mololita sambela.