Pampetudungia 9:11 - Sura Malelaha

¹¹ Ara datunda au moparentaihe. Datunda iti, iami malaeka au mokampai kabe ngkapate. Hangana i lalu basa Ibarani, iami Abadon. I lalu basa Yunani, Apolion. Lempona, Topegero-gero.

Pampetudungia 9:11 Mawu Ofanana

Lukasi 8:31

Seta iti merapihe i Yesu bona ineehe Napopeloho lao i karahukuanda seta.

Yohane 12:31

Ide-ide hawemi tempona Pue Ala hangangaa mobotusi ope-ope manusia i dunia. Hai hawe worimi tempona Datu Tokadake au mokuasai dunia ide hangangaa ranawo.

Yohane 14:30

Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

Yohane 16:11

Hai Ia ina mopakanoto wori kanahukunda Pue Ala tauna au madosa, lawi Datu Tokadake au mokuasai dunia ide rahukumi.

Yohane 5:2

I Yerusale hungku i babaka au rahanga “Babaka Dimba”, ara hambua wuhu; i lalu basa Ibarani hangana Betesda. Ara lima mbuana tambale au motoleliki wuhu iti.

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

1 Yohane 4:4

Agaiana ikamu anangku, napoanamokau Pue Ala, hai ninangimohe nabi au mepawuli iti, lawi Inao au ara i lalumi melumbu kuasana hangko i inao au ara i lalunda au barahe mepoinalai i Pue.

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.