Pampetudungia 8:3 - Sura Malelaha

³ Hangko inditi, hawemi hadua malaeka ntanina au meangka i lindo meja pointua dupa. Malaeka iti moanti hambua tabo pointua dupa au rababehi hangko i bulawa, hai rawei ngkaia dupa bona naintu hai napopenomba hihimbela hai pekakaenda ope-ope taunana Pue Ala. Dupa iti naintu i wongko meja pointua dupa au rababehi hangko i bulawa au ara i lindo kadera kadatuana Pue Ala.

Pampetudungia 8:3 Mawu Ofanana

Lukasi 1:10

Mewali, tanganda tauna bosa mekakae i raoa, mesuami Sakaria i lalu Souna Pue Ala lao mointu dupa.

Roma 8:34

Barapi ara au ina manguli hangangaa rahukuke. Lawi Yesu Kerisitu au matemi mohuru dosanta, hai au tuwo hulemi, hai au mohuda ntanda i koanana Pue Ala, Iami au mamperuruike.

Ibarani 7:25

Ido hai Nabuku mokabahake hangko i huku dosanta hai moweike katuwo maroa au bara ara kamakurana, asala mohungkukike Pue Ala i lalu hangana Yesu. Lawi Ia au tuwo i hae-haena hai mamperurui liliuke i lindona Pue Ala.

Ibarani 9:4

I hologa iti, ara meja pointua dupa au rababehi hangko i bulawa, hai ara wori haogu peti au rahanga Peti Podandi. Peti iti ralapisi hai bulawa, i raoana hai i laluna. I lalu peti iti, ara pahalo bulawa au raihii roti manna, ara laina Haruni au motumbe, hai ara wori rompeka watu au rapoukii hawa hampulo au hangko i Pue Ala.

Pampetudungia 10:1

Roo indo, moitana hadua malaeka au maroho mendaulu hangko i suruga. Malaeka iti nabalungkuhi gawu, hai waana natoleliki mporagia. Lindona mewangka nodo alo, bitina nodo arii au keapi.

Pampetudungia 14:18

Hai hawe worimi hadua malaeka au ntanina, iami au mokampai api i meja pointua dupa. Malaeka iti mololita masisimbuku i malaeka au mokingki kandao au mataru, nauli, “Nutewokami kandaomu hai nuhambekimi wua anggoro i dunia, lawi mangkami.”

Pampetudungia 5:8

KaNaalana sura iti, pinatuwo hai totosae au rompulo hai iba molingkudumohe motumpa i lindona Ana Dimba. Ope-opehe mokingki kecapi hai mangko bulawa au buke hai anu-anu mawongi au rauli dupa. Dupa iti, lempona pekakaenda taunana Pue Ala.

Pampetudungia 6:9

Roo indo, kuita wori Ana Dimba iti mobungkahi pene au kalima. Kuita i woi meja pohuwea popenomba, ara tanoananda tauna au rapapate anti popahawenda Ngkorana Pue Ala hai mopangaku liliuhe kaYesuna Ampunda.

Pampetudungia 8:4

I kanaintuna dupa iti, mengkaoremi rambuna i lindona Pue Ala hihimbela hai pekakaenda taunana Pue Ala.

Pampetudungia 8:5

Roo indo, malaeka iti mangala tabo pointua dupa, napambolii api hangko i meja pointua dupa, hai nanawo i dunia. Hangko indo, kegumpatami, kekilami, hai kelinumi.

Pampetudungia 9:13

Roo iti, malaeka au kaini motawue tatamburuna. Kuhadi hambua wotu hangko i iba huno meja pointua dupa au rababehi hangko i bulawa au i lindona Pue Ala.