Pampetudungia 8:2 - Sura Malelaha

² Kuita pitu malaeka meangka i lindona Pue Ala. Malaeka au pitu iti rawei pitu tatamburu.

Pampetudungia 8:2 Mawu Ofanana

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

Matiu 24:31

Tatamburu au mahile ina ratawue, hai ina Kutudu malaekaNgku lao mogulu tauna au Kupilei hangko i humalele dunia, mepongka i wuntuna hambali hawe i wuntuna hambali.”

Lukasi 1:19

Nahanai malaeka, “Iko, Gabriel. Meangkana i lindona Pue Ala mampegia hawaNa. Iami au motuduna mai mopahaweako bambari au maroa ide.

Lukasi 21:36

Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”

1 Korintu 15:52

Ope-ope iti pewalina hangkapira mata pea ane ratawuemi tatamburu au kahopoana. Lawi ane tatamburu iti ratawue, Pue Ala ina mopatuwo hule tomate, hai Naweihe wata au barapi ina mate. Hai ikita au tuwo manike, Nawouki wori watanta.

1 Tesalonika 4:16

Lawi i tempona Pue Yesu mendaulu hangko i suruga, ina tahadi hampai pekakiona tadulakonda malaeka hai pomoni tatamburuna Pue Ala. Hai i tempo iti, ina tuwo hulehe ope-ope tomate au mepoinalai i Kerisitu.

Pampetudungia 1:4

Sura ide hangko iriko, Yohane, kupakatuahe pitu jumaa au ara i propinsi Asia. Pue Ala mowatikau hai moweikau roa ngkatuwo. Pewati ide nilambi hangko i Pue Ala au ara hangko i nguru-nguruna, ide-ide hai hawe i hae-haena. Pewati ide nilambi wori hangko i Inaona Pue Ala au ara i lindo kadera kadatuaNa hai au mampopolumao pitu pakana bago,

Pampetudungia 11:15

Malaeka au kapitu motawuemi tatamburuna. Hai arahe au monganga-nganga i lalu suruga, rauli, “Ide-ide poparenta i dunia i taienami Pue Ala himbela hai Datu Topehompo au Napileimi bona Pue Ala moparenta i hae-haena.”

Pampetudungia 15:1

Roo indo, kuita mbulimi i langi hambua tanda au mahile hai au mewulungai: pitu malaeka hai pitu pakana pepopeahi-ahi au kahopoana. Ane hopomi pepopeahi-ahi ide, opemi karumpuna Pue Ala i tauna i dunia.

Pampetudungia 16:1

Kuhadi mbulimi hambua wotu au mololita masisimbuku hangko i lalu Souna Pue Ala i malaeka au pituhe, nauli, “Laomokau mobumbuha ihi pambolia karumpuna Pue Ala i wongko dunia!”

Pampetudungia 8:13

Hangko inditi kuita, ara hambaa tadasingkaia au membaro i laerawa. Kuhadimi tadasi iti mololita masisimbuku, nauli, “Hurewu! Hurewu! Hurewumohe tauna au maida i dunia, ane talu malaeka au kahopoana motawue tatamburunda.”

Pampetudungia 8:6

Malaeka au pitu iti, hadua-haduahe mokingki tatamburu au ina ratawue.

Pampetudungia 9:1

Roo indo, malaeka au kalima motawue worimi tatamburuna, hai unga pea kuita haogu betue au manawo hangko i langi toa i dunia. Betue iti rawei pegili baba kabe ngkapate au bara tehoka kakaladuna.