Pampetudungia 6:12 - Sura Malelaha

¹² Roo indo, kuita Ana Dimba iti mobungkahi pene au kaini. Unga pea kelinu rumihi, alo mewali maeta nodo buri, hai wula mewali malei nodo wahe.

Pampetudungia 6:12 Mawu Ofanana

Matiu 11:21

Nauli Yesu, “Hurewukau to Korasim hai to Betsaida! Ngkaiami tanda kuasa au Kubabehi i boeami, agaiana bara mpuukau menoso hangko i dosami. Ane rapana tanda kuasa iti Kubabehi i lalu wanua Tirus hai Sidon, kemahaemohe menoso hangko i dosanda, nauri barahe to Yahudi. Kemangalamohe waru ngkasusa rapohampi, hai watanda raawui, tanda katebalikinami lalunda.

Matiu 24:29

“Ane liu tempo kapari iti, ‘alo ina mobali mewali makaindi, wula barapi mewangka, hai betue ina manawo hangko i langi. Ope-ope au makuasa i langi ina rumihi kamagunegonda.’

Matiu 24:7

I tempo iti, tohangamba ina mombeala hai tohangambana, kadatua hambua ina moewa kadatua hambuana, hai iumba-iumba pea ara rimi hai linu.

Matiu 27:45

Pualomi, unga pea makaindi i humalele tampo iti i lalu talu jaa.

Matiu 27:54

Tadulako surodado hai surodadona au mokampai Yesu, langa mpuuhe mohadi linu hai moita ope-ope au mewali iti. Rauli, “Tou mpuu Ia ide Anana Pue Ala!”

Matiu 28:2

Unga pea ara linu mahile, lawi hadua malaekana Pue mendaulu hangko i suruga mai mololi watu popetuko talumba, hai mohuda i wongkona.

Markus 15:33

Pualomi, unga pea makaindi i humalele tampo iti i lalu talu jaa.

Pampetudungia 11:13

Tempo iti, unga pea kelinu mahile. Hangkira hampulo hangko i wanua iti magero, hai pitu sabuna tauna mate. Langa mpuumohe tauna ntanina, ido hai motoiahe Pue Ala, rauli, “Mahile mpuu kuasana Pue Ala au i suruga!”

Pampetudungia 16:18

Hangko inditi, kekilami, kegumpatami, hai kelinumi. Bara mani ara linu au nodo kakebuuna i dunia ide, hungka i karateruna manusia.

Pampetudungia 16:8

Hangko indo, malaeka au kaiba mobumbuha ihi pambolia karumpuna Pue Ala i alo, hai alo rawei kuasa mopamararu manusia hai pewangkana au makere.

Pampetudungia 8:12

Malaeka au kaibana motawue tatamburuna, hai unga pea ara au motabungi hangkira talu hangko i alo, wula hai betue, alana hangkira talu hangko i pewangkanda barapi mewangka. Mewali, ane pualo, hangkira talu hangko i pewangka alo bara mewangka nodo biasa. Nodo wori ane kaindi, hangkira talu hangko i wula hai hangkira talu hangko i ope-ope betue bara mewangka nodo biasa.

Pampetudungia 8:5

Roo indo, malaeka iti mangala tabo pointua dupa, napambolii api hangko i meja pointua dupa, hai nanawo i dunia. Hangko indo, kegumpatami, kekilami, hai kelinumi.