Pampetudungia 6:11 - Sura Malelaha

¹¹ Ope-ope raweihe hantau badu ngkalanga au bula. Hai nauliangaahe Pue Ala, “Nipegia hampai, lawi ara manihe rangami au hampopobago hai halalumi hampepepoinalai au ina rapapate nodo ikamu. Ane handami kabosami au rapapate, hangko Kuhurungirihe iwalimi.”

Pampetudungia 6:11 Mawu Ofanana

Matiu 10:21

Hambela tempo, tauna ina mohuhuhe halalunda ba ananda au meulahe Iriko bona rapapate. Ara wori anangkoi au ina moewa tosaenda hai ina nahuhuhe rapapate.

Lukasi 15:22

Agaiana umana mokakiohe topobagona, nauliangaahe, ‘Holigakau mai! Nianti mai hampi au makara nibaduia. Nisisikalei hai nikandupai.

Yohane 16:2

Ina rawurakau hangko i sou penombaa. Hai bara iti pea, agaiana hambela tempo ane tauna mopapatekau, ina rauli, itimi peundeana Pue Ala.

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

2 Tesalonika 1:7

Hai Ia ina mokabahakau hangko i kaparimi, nodo wori ikami. Hinangkana iti ina Nababehi i kahawena hule Pue Yesu au ina mendaulu mai hangko i suruga hai malaekaNa au makuasa hai api au lolaa.

2 Timotiu 4:7

Kupeulai maroami rara au napakanotoana Pue. Kupahopomi bagongku. Pepoinalaingku bara tebali hawe i kahopoana.

Ibarani 11:40

Bara mani rahumba, lawi Pue Ala mopasilolongaake au meliu kamaroana bona i tempona ikita ara hihimbela hai ihira, ina Nawei worihe katuwo maroa au bara ara kamakurana.

Ibarani 12:23

Hawemokau i poguluanda ananahe Pue Ala au towutu au teukimi hanganda i lalu suruga. Hawemokau i Pue Ala au mobotusi kara-karanda ope-ope tauna. Molindomokau tanoananda tauna au manoto babehianda hangkoia hai au rapamalelahamohe i peitana Pue Ala.

Ibarani 4:10

Lawi ane mengkarooke hihimbela hai Pue Ala, lempona, mengkaroo worike hangko i bagonta nodo Pue Ala mengkaroo hangko i bagoNa i alo kapituna.

Pampetudungia 10:6

mosumpa i lalu hangana Pue Ala au tuwo hawe i hae-haena, au mampopewali langi, tampo, tahi hai hinangka ihina. I posumpana, nauli node, “Ane malaeka au kapitu motawue tatamburuna, i tempo iti Pue Ala ina mampopewali tunggaiaNa au mahaemi tewuniangi moula apa au Napololita hangkoia i nabi au moantihe NgkoraNa. Ope-ope iti ina rapaholigami pewalina.”

Pampetudungia 13:15

Watu molengge au rababehi iti, himbela hai lenggena binata au nguru-nguruna. Binata au karombaana rawei kuasa mowei inao i lengge binata iti alana peisa mololita. Hema pea au bara menomba i watu molengge binata iti batena rapapate.

Pampetudungia 14:13

Roo iti, kuhadi mbuli hambua wotu hangko i suruga au manguli, “Nuuki ide: mepongka ide-ide, morasimohe tauna au mate i lalu pepoinalainda i Yesu.” Nahanai Inao Malelaha, “Tou mpuu! Lawi tauna iti, batenda ina mengkaroo hangko i pobagonda, hai batenda ina molambi wua pobagonda.”

Pampetudungia 17:6

Kuita towawine iti, malangumi moenu wahenda taunana Pue Ala. Lempona, ia mopapatehe tauna au mopangaku kaYesuna Ampunda. Tingkara mpuuna moita towawine iti.

Pampetudungia 7:14

Kuhanai: “Barahe kuisa, ampu. Nuuliangaa wongkoia.” Nauliangaana: “Ihira iti, tauna au mamporaraimohe au rauli Tempo Pepopeahi-ahi au Rumihi Ntepuu. Hampinda rabahoi hai wahena Ana Dimba bona mewali bula.

Pampetudungia 7:9

Roo indo, kuita mbuli manusia au bosa ntepuu; barapi peisa raimba kabosanda. Ihira iti, hangko i humalele dunia, hangko i ope-ope kadatua, ope-ope pemulea hai hinangkana basa. Meangkahe i lindo kadera kadatua hai i lindona Ana Dimba. Mehampihe au bula, hai mokingkihe tawe handutu au raweweraka liliu tanda kamatananda.