Pampetudungia 5:9 - Sura Malelaha

⁹ Monani-nanimohe hambua nani au wou, rauli: “Oiomi au hintoto modoko sura iti hai mobungkahi penena lawi rapapatemoKo; Hai waheMu au mabubu i kapateMu, Nupopoholomohe tauna i humalele dunia, i ope-ope kadatua, i ope-ope pemulea hai i hinangka basa. Hai Nuhuhuhe i Pue Ala.

Pampetudungia 5:9 Mawu Ofanana

Matiu 20:28

Hangangaa nipeulai poantiKu, Iko Ana Manusia. Lawi tunggaiaKu mai i dunia ide, baraNa mai mewali topohawa. Agaiana kamaiNgku i dunia ide bona mewaliNa hawi, hai bona mohuhuna wataNgku rapapate mohuru salanda tauna bosa.”

Matiu 26:28

Lawi idemi waheNgku au tebumbuha i kapateNgku. WaheNgku ide mopakaroho dandina Pue Ala au mopahintuwu Pue Ala hai manusia bona teampungi dosanda.

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

1 Korintu 6:20

Lawi ikita ide naholomoke Pue Ala hai pirimoke Nabaiari. Ido hai watanta ide hangangaa tapake mobila Pue Ala.

1 Korintu 7:23

Masuli kanaholomi Pue Ala. Ineemokau moula peundeana manusia.

Epesu 1:7

Hai wahena Pue Yesu au mabubu i kapateNa, tehompokimoke hangko i huku dosanta, lempona naampungimi Pue Ala hinangka dosanta, hangko i kabulana laluNa au mahile.

Epesu 5:19

ina mombepakaroho mpolalukau hai mamponanikau nani petoia, nani mpenomba hai nani rohani. Ina monanikau matana-tana motoia Pue hangko i lalumi, hai

Kolose 1:14

AnaNa iti au mewali pahuruna watanta bona teampungi dosanta.

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Ibarani 11:14

Tauna au manguli nodo, tongawa hangko i lolitanda apa au rahaoki. Au rahaoki iami tampo au peisa mewali tamponda haduduanda.

2 Peturu 2:1

Hangkoia arahe nabi au mepakanawo i olonda tauna au meula i Pue Ala. Nodo wori ide-ide, batena ara worihe i olomi guru agama au mepakanawo. Ihira ina mopahawehe paturo au bara tou au mopakanawo tauna, hai pelumbunami mosapuakahe Amputa au mohompo dosanda. Anti pesapuakanda iti, mopakanawomohe watanda haduduanda. Tauna iti holi-holi kaina maropunda.

1 Yohane 1:7

Agaiana ane tuwoke i lalu kamabaa, nodo Pue Ala ara i lalu kamabaa, batenta mohintuwu hadua hai hadua, hai wahena Pue Yesu, Anana Pue Ala, ina mobahoike hangko i dosanta.

1 Yohane 2:2

Hai Iami au mate mewali pahuruna watanta bona Pue Ala moampungi dosanta. Hai bara pea dosanta au Nahuru, agaiana dosanda wori tauna i humalele dunia.

Pampetudungia 10:11

Roo indo, nauliangaana, “Hangangaa nupahawe mbuli lolitana Pue Ala. Hangangaa mopahaweko kana i ngkaia datu hai tauna hangko i ngkaia kadatua, ngkaia pemulea hai ngkaia pakana basa.”

Pampetudungia 11:9

Tauna hangko i humalele dunia, hangko i ope-ope kadatua, ope-ope pemulea hai hinangkana basa ina moitahe tomate au rodua iti i tanga rara. I lalu talu alona hantanga rapalikangaahe nodo, lawi bara rakira ratawu.

Pampetudungia 13:7

Ia rapaliu wori mampombealaahe taunana Pue Ala hai nanangihe. Hai ia rapogiangaa mokuasai tauna i humalele dunia, ope-ope tauna hangko i ope-ope kadatua, ope-ope pemulea hai hinangka basa.

Pampetudungia 13:8

Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.

Pampetudungia 14:6

Moita worina hadua malaeka ntanina au membaro i laerawa. Malaeka iti mobambari Ngkora Marasa au bara ara katebaliana hawe i hae-haena. Ngkora Marasa iti nabambari i humalele tauna i dunia, i ope-ope kadatua, ope-ope pemulea hai i hinangkana basa.

Pampetudungia 15:3

Mamponanimohe nanina nabi Musa, hawina Pue Ala hangkoia, hai nani pebilanda i Ana Dimba. Node naninda: “O Pue Ala, mahile hai maroa ntepuu babehiaMu, Melumbu kuasaMu hangko i hinangkana! Ope-ope au Nubabehi, manoto hai tou. Oiomi datunda ope-ope tauna i dunia.

Pampetudungia 17:15

Nauli mbuli malaeka iti iriko, “Owai au nuita inona, pohudaa towawine au merikai babehiana iti, lempona tauna au hangko i humalele dunia, tauna hangko i ope-ope kadatua hai hinangkana basa.

Pampetudungia 4:11

“Ampuki, Pue Ala! Oiomi au hintoto ratoia hai rabila. Oio pea au makuasa! Lawi Oio au mampopewali hinangkana. Anti peundeaMu, Nupopewali hai Nupatuwo hinangkana au ara.”

Pampetudungia 5:12

Monanimohe malaeka iti masisimbuku, rauli, “Ana Dimba au rasambale, hintoto mpuu tabila hai tatoia, tapomahile hangaNa, tabambari kamarohoNa, tapolinga peawaNa, takatuinao kamapandeNa, hai tapatolele kamakuasaNa!”

Pampetudungia 5:6

Roo indo, kuita i olo kadera kadatua hai pinatuwo au iba hai totosae iti, meangkami hambaa Ana Dimba. Hai kuita arami lari pesambalea. TanduNa pitu mbuana, hai mataNa wori pitu. MataNa au pitu iti, lempona Inaona Pue Ala au mampopolumao pitu pakana bago hai au Natudu lao i humalele dunia.