Pampetudungia 4:9 - Sura Malelaha

⁹ Bela-belanda pinatuwo iti manguli ngkaia kamaroana, mobila hai motoiahe hangana Hadua au mohuda i kadera kadatua hai au tuwo hawe i hae-haena,

Pampetudungia 4:9 Mawu Ofanana

Ibarani 7:25

Ido hai Nabuku mokabahake hangko i huku dosanta hai moweike katuwo maroa au bara ara kamakurana, asala mohungkukike Pue Ala i lalu hangana Yesu. Lawi Ia au tuwo i hae-haena hai mamperurui liliuke i lindona Pue Ala.

Ibarani 7:8

Nodo wori Melkisedek meliu kamahilena tuwona pane pemuleana Lewi au mewalihe tadulako mpenomba. Agaiana tadulako mpenomba au molambihe hangkira hampulo iti, iamohe tauna biasa au peisahe mate. Agaiana Melkisedek au molambi wori hangkira hampulo iti, bara ara teuki i lalu Sura Malelaha kana i kapatena, mewali tongawa Melkisedek tuwo liliu.

Pampetudungia 1:18

Ikomi au tuwo. MateNa hangkoia, agaiana tuwo huleNa, hai ina tuwoNa i hae-haena. Iko au mokingki pegili baba ngkapate hai baba paidaa tomate.

Pampetudungia 10:6

mosumpa i lalu hangana Pue Ala au tuwo hawe i hae-haena, au mampopewali langi, tampo, tahi hai hinangka ihina. I posumpana, nauli node, “Ane malaeka au kapitu motawue tatamburuna, i tempo iti Pue Ala ina mampopewali tunggaiaNa au mahaemi tewuniangi moula apa au Napololita hangkoia i nabi au moantihe NgkoraNa. Ope-ope iti ina rapaholigami pewalina.”

Pampetudungia 15:7

I pesuwunda malaeka iti, hambaa hangko i iba pinatuwo au mantoleli i kadera kadatuana Pue Ala moweihe pitu mbuana pambolia hangko i bulawa au moihi karumpuna Pue Ala au tuwo hawe i hae-haena.

Pampetudungia 21:5

Roo indo, nauli Hadua au mohuda i kadera kadatua, “Ide-ide hinangkana ina Kuwouki. Nuukimi lolitaNgku ide, lawi batena tou hai ina tepabukei mpuu.”

Pampetudungia 4:2

I tempo iti pea womi, nakuasaina Inaona Pue Ala, hai moitana hambua kadera kadatua i suruga. Ara Hadua au mohuda inditi

Pampetudungia 4:8

Pinatuwo au iba iti mokapihe ini mbuana, hai humalele watanda momata. Barahe mengkangkaroo mohowara petoianda. Maroa mabaa ba kaindi, manguli liliuhe, “Malelaha! Malelaha! Malelaha! Pue Ala iami au mahile kuasaNa hangko i ope-opena, Ia au ara hangko i nguru-nguruna, au ara ide-ide, hai au ara hawe i hae-haena!”

Pampetudungia 5:1

Hangko indo, kuita mbuli, i taie koanana Hadua au mohuda i kadera kadatua ara sura au tewilolo. Sura iti pontimali buke hai uki, rawilolo, hai rapekatandai pitu mbuana pene dati rabungkahi.

Pampetudungia 6:16

Hai mongangamohe mouliangaa bulu hai watu, “Nuuhungimongkai hai nulolingimongkai bona tetabungingkai hangko i peitana Hadua au mohuda i kadera kadatua hai tewuningkai hangko i karumpuna Ana Dimba au ina mai!”

Pampetudungia 7:15

Ido hai meangkahe i lindo kadera kadatuana Pue Ala, hai menombahe alo-alona hai wengi-wengina i lalu Souna Pue Ala. Hai Pue Ala au mohuda i kadera kadatuaNa ina mokampaihe.