Pampetudungia 4:6 - Sura Malelaha

⁶ I lindo kadera kadatua iti, ara wori lanta au nodo tahi, malino mpuu nodo kaca ba watu au meninto. Kadera kadatua au masuku iti, natoleliki iba pinatuwo au ngkaia matanda. Humalele watanda nakaarai mata, maroa i lindonda maroa i taleunda.

Pampetudungia 4:6 Mawu Ofanana

Pampetudungia 14:3

Mamponanimohe hampaka nani au wou i lindo kadera kadatuana Pue Ala hai i lindonda pinatuwo au iba hai totosae au motolelikihe pohudaa kadatua iti. Naninda bara huba hadua au peisa mampegurui, batena pea ihira au hangatu iba pulona hai iba sabunda iti au moisa. Ihira iti tehoremamohe hangko i dunia, lawi dosanda nahompomi Ana Dimba.

Pampetudungia 15:2

Hai kuita ara au nodo tahi kamaembana, lenggena nodo kaca mogalo api. Hai i wiwi ntahi au nodo kaca iti, kuita bosa tauna meangka. Tauna iti au monangihe binata au kadake, lawi barahe menomba iria, barahe menomba i lengge binata iti, hai barahe modoko lamoro au mopahuru hangana. Tauna au menangi iti, meangkahe i wiwi ntahi au nodo kaca, hai mokingkihe kecapi au naweihe Pue Ala.

Pampetudungia 15:7

I pesuwunda malaeka iti, hambaa hangko i iba pinatuwo au mantoleli i kadera kadatuana Pue Ala moweihe pitu mbuana pambolia hangko i bulawa au moihi karumpuna Pue Ala au tuwo hawe i hae-haena.

Pampetudungia 19:4

Hangko inditi, rompulo hai iba totosae hai pinatuwo au iba iti, molingkudumohe ope-ope motumpa i lindo kadera kadatuana Pue Ala, hai menomba Iria, rauli, “Amin! Haleluya!”

Pampetudungia 21:11

Wanua iti mewangka anti peawana Pue Ala. Mengkila-ngkila nodo paramata au masuli hai nodo watu yaspis. Malino nodo watu au meninto.

Pampetudungia 21:18

Bente iti rababehi hangko i watu au masuli, hangana watu yaspis. Boea iti rababehi hangko i bulawa ntepuu au mengkila nodo kaca.

Pampetudungia 21:21

Babaka au hampulo hai rombua iti, ope-ope rababehi hangko i watu au maluha, hangana mutiara. Ogu-oguna babaka rababehi hangko i haogu mutiara au mahile. Rara i wanua iti rababehi hangko i bulawa ntepuu au mengkila-ngkila nodo kaca.

Pampetudungia 22:1

Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,

Pampetudungia 4:4

Hai mantoleli kadera kadatua, ara wori rompulo hai iba pohudaa datu. Pohudaa iti rapohudai rompulo hai iba totosae au mehampi bula hai mesongko bulawa.

Pampetudungia 5:11

Roo indo, kuitahe malaeka au bosa, isabuna ba i jutana kabosanda, hai kuhadimi wotunda. Meangkahe motoleliki kadera kadatua hai pinatuwo hai totosae iti.

Pampetudungia 5:14

Rahanai pinatuwo au iba iti: “Amin!” hai totosae au ara inditi motumpamohe menomba.

Pampetudungia 5:6

Roo indo, kuita i olo kadera kadatua hai pinatuwo au iba hai totosae iti, meangkami hambaa Ana Dimba. Hai kuita arami lari pesambalea. TanduNa pitu mbuana, hai mataNa wori pitu. MataNa au pitu iti, lempona Inaona Pue Ala au mampopolumao pitu pakana bago hai au Natudu lao i humalele dunia.

Pampetudungia 5:8

KaNaalana sura iti, pinatuwo hai totosae au rompulo hai iba molingkudumohe motumpa i lindona Ana Dimba. Ope-opehe mokingki kecapi hai mangko bulawa au buke hai anu-anu mawongi au rauli dupa. Dupa iti, lempona pekakaenda taunana Pue Ala.

Pampetudungia 6:1

Roo indo, kuitami Ana Dimba mobungkahi pene au kaisa hangko i pitu pene iti. Kuhadi hambaa hangko i pinatuwo au iba iti mekakio masisimbuku nodo pomoni gumpata, nauli, “Maimoko!”

Pampetudungia 6:6

Hai liliu kuhadi nodo tauna au mololita i olonda pinatuwo au iba iti manguli, “Saro hangalo peisa pea rapopeholo pare bae hakilo, ba talu pea kilo gogoa. Agaiana lana saitun hai anggoro inee nupakarugi.”

Pampetudungia 7:11

Kadera kadatua hai totosae au rompulo hai iba, hihimbela hai pinatuwo au iba, ratoleliki ope-ope malaeka. Motumpamohe ope-ope i lindo kadera iti, hai menombahe i Pue Ala,

Pampetudungia 7:17

lawi Ana Dimba au meangka i hola kadera kadatua mokadipurahe. Naninihe lao i owai au mopaara katuwo. Hai Pue Ala moumpahi hinangka owai mata hangko i matanda.”