Pampetudungia 4:1 - Sura Malelaha

¹ Roo ido, ara mbuli au rapatongawaana. Moitana hambua baba i suruga tebungkahi, hai mohadi mbulina hambua wotu nodo au kuhadi nguru-nguruna. Pomonina nodo tatamburu. Nauliangaana, “Maiko! Ina Kutudungiako apa au hangangaa mewali i alo au ina mai.”

Pampetudungia 4:1 Mawu Ofanana

Matiu 3:16

Karoona Yesu rariu, mesoremi hangko i lalu owai. Unga pea tebungkahi langi, hai Ia moita Inaona Pue Ala nodo tadasi manggebodo mendaulu Iria.

Markus 1:10

Pesorena Yesu hangko i owai, Naitami langi tebungkahi hai Inao Malelaha nodo tadasi manggebodo mendaulu Iria.

Lukasi 3:21

Hangko damani Yohane ratarunggu, bosa tauna lao iria bona rariu. Yesu lao wori mampoperiu i Yohane. Karoona Yesu rariu, i tempona mekakae, tebungkahimi langi,

Yohane 16:13

Ane hawe Inao Malelaha, Ia au ina moninikau hai mampopaisaakau ope-ope paturo au tou. Ia bara mololita moula peundeaNa. Apa au Nahadi hangko i UmaNgku, iti au Napololita. Hai Ia ina mopahaweakau apa au mewali i alo au ina mai.

Suro 10:11

I lalu pampetudungia iti, naitami langi tebungkahi hai ara au nodo bana mapeka. Iba hunona rabararangi, hai bana iti raulu hawe i tampo.

Suro 7:56

Nauli Setepanu, “Peita! Kuita langi tebungkahi hai Ana Manusia meangka ntanda i koanana Pue Ala!”

Pampetudungia 1:10

I Alo Penombaa, tangangku menomba nakuasaina Inao Malelaha, hai mohadina wotu i taleungku. Wotu iti kebuu mpuu nodo pomoni tatamburu,

Pampetudungia 1:12

Membalilina bona kuita hema au mololita i taleungku, hai kuita pitu mbuana biti hulo au rababehi hangko i bulawa.

Pampetudungia 1:19

Mewali, ukimide apa au nuita inona, apa au mewali i tempo ide, hai apa au ina mewali.

Pampetudungia 11:12

Roo indo, rodua sabi iti mohadi hambua wotu hangko i suruga au mokakiohe node: “Mengkaoremokau mai!” Teore mpuumohe lao i suruga nabalungkuhi gawu, hai pengkaorenda iti raita-ita mata ope-ope iwalinda.

Pampetudungia 11:19

Hangko indo, tebungkahimi baba Souna Pue Ala i suruga, hai i lalu SouNa raita Peti Podandi. Liliu mombehangkemi kila, kegumpatami, kelinu, hai toami uda mowua au rumihi.

Pampetudungia 16:17

Roo indo, malaeka au kapitu mobumbuhami ihi pambolia karumpuna Pue Ala i laerawa. Hai hangko i kadera kadatua i lalu Souna Pue Ala i suruga, kuhadimi hambua wotu au mololita masisimbuku, Nauli, “Hopomi!”

Pampetudungia 19:11

Roo indo, kuita suruga tebungkahi, hai kuita hambaa dara au bula. Hai au mesawi i dara iti, rahanga: “Au Tetida hai Au Manoto.” Manoto pebotusiNa, hai ane mombeala, mombeala i kanoto-notoana.

Pampetudungia 22:6

Roo indo, nauliangaana malaeka iti, “Ope-ope lolita ide tou hai ina tepabukei. Pue Ala au mowei InaoNa i ope-ope nabiNa, Ia au motudu malaekaNa mai mampopaisa i hawiNahe apa au hangangaa holiga mewali.”