Pampetudungia 3:4 - Sura Malelaha

⁴ Agaiana arahe bahangkia tauna i olomi au mokadipura liliu tuwonda dati nadaihi dosa. Ihira ina molumao hihimbela hai Iko, mehampi bula meningkihe, lawi masukahe mehampi nodo.

Pampetudungia 3:4 Mawu Ofanana

Matiu 10:11

Ane hawekau i hambua boea, nihaoki inditi tauna au maroa lalunda au raunde modokokau i lalu sounda. Hai maidakau inditi duumi meangka lao i boea ntanina.

Markus 16:5

Pesuanda i lalu talumba, moitamohe hadua anantomoane au mohuda ntanda i koana, mebadu bula. Tingkarahe towawine iti moita tauna iti.

Lukasi 20:35

Agaiana tauna au hintoto molambi kiranda i dunia au wou hai au napatuwo hulehe Pue Ala, barapohe motambi ba rapopotambi.

Lukasi 21:36

Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”

Suro 1:15

Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,

2 Tesalonika 1:5

Mewali, anti kamarohona pepoinalaimi, tongawa kamanotona pebotusina Pue Ala. Moula pebotusiNa, ina mewalikau taunaNa i lalu poparentaNa lawi mantahakau i lalu kapari au morumpakau anti peulami i Pue Ala.

Yudasi 1:23

Ane arahe au mehupe hangko i pepoinalainda, nininihe mesule bona tehoremahe hangko i api pehuku hai molambihe katuwo maroa. Ara worihe tauna au madosa au mampeulai peahe peundeana lalunda au kadake. Nitudungia worihe ahimi, agaiana nikahihi babehianda au kadake hai mainga-ingakau bona datikau tedii i lalu babehianda.

Pampetudungia 1:11

nauli, “Apa au nuita, nuuki i sura hai nupakatuahe jumaa au pitu ide: Epesu, Smirna, Pergamus, Tiatira, Sardis, Filadelfia hai Laodikia.”

Pampetudungia 11:13

Tempo iti, unga pea kelinu mahile. Hangkira hampulo hangko i wanua iti magero, hai pitu sabuna tauna mate. Langa mpuumohe tauna ntanina, ido hai motoiahe Pue Ala, rauli, “Mahile mpuu kuasana Pue Ala au i suruga!”

Pampetudungia 14:4

Hai ihira iti barahe hambela modaihi watanda, malelahahe, nodo hadua towawine au bara mani hambela motambi. Iumba kalaoana Ana Dimba, indo wori kalaoanda. Ihira itimi au Nahompo Ana Dimba hangko i olonda ope-ope tauna i dunia. Nodo tauna mohuhu wua au nguru-nguruna hangko i tuda-tudanda i Pue Ala, ihira wori mewalimohe popenomba au nguru-nguruna i Pue Ala hai i Ana Dimba.

Pampetudungia 19:14

Ope-ope surodado hangko i suruga au meula i bokoNa, modara worihe dara bula. Hampinda, bana lena maalusu au bula hai bara kedai.

Pampetudungia 19:8

Ia rawei hampi au maluha, au bula meningki hai au mengkila-ngkila.” Hampi bula iti lempona babehianda taunana Pue Ala au maroa.

Pampetudungia 3:18

Ido hai Kuweikau lolita ide: niholomi Iriko bulawa au rapamalelahami i api. Niholo wori Iriko hampi au bula bona mebadukau hai tetabungi eami. Hai niholo wori Iriko pakuli nipoporirohi matami bona meitakau. Ane nodo, ina pebukukau i pepoinalaimi.

Pampetudungia 3:5

Hema au menangi, ina Kubaduiahe hampi au bula. Hanganda bara ina Kugewo hangko i Sura Ngkatuwo, sura poukia hanga tauna au molambi katuwo maroa au bara mokahopoa. Hai i lindona UmaNgku hai malaekaNa, ina Kupangaku kaihirana taunaNgku.

Pampetudungia 4:4

Hai mantoleli kadera kadatua, ara wori rompulo hai iba pohudaa datu. Pohudaa iti rapohudai rompulo hai iba totosae au mehampi bula hai mesongko bulawa.

Pampetudungia 6:11

Ope-ope raweihe hantau badu ngkalanga au bula. Hai nauliangaahe Pue Ala, “Nipegia hampai, lawi ara manihe rangami au hampopobago hai halalumi hampepepoinalai au ina rapapate nodo ikamu. Ane handami kabosami au rapapate, hangko Kuhurungirihe iwalimi.”

Pampetudungia 7:9

Roo indo, kuita mbuli manusia au bosa ntepuu; barapi peisa raimba kabosanda. Ihira iti, hangko i humalele dunia, hangko i ope-ope kadatua, ope-ope pemulea hai hinangkana basa. Meangkahe i lindo kadera kadatua hai i lindona Ana Dimba. Mehampihe au bula, hai mokingkihe tawe handutu au raweweraka liliu tanda kamatananda.