Pampetudungia 3:3 - Sura Malelaha

³ Ido hai Kuuliangaakau: hangangaa nikatuinao paturo au nihadi hai au nidoko hangkoia. Peulaimide apa au rapaturoakau iti, hai menosomokau hangko i dosami. Lawi ane barakau mainga-inga, bara ina niisa impira kahawengku, lawi kahaweNgku iti nodo kahawe topanangka.

Pampetudungia 3:3 Mawu Ofanana

Matiu 25:13

Napahopo Yesu ngkora pandiriNa node, “Ido hai hangangaa masilolongakau, lawi bara niisa kaimpirana kahaweNgku.”

Markus 13:33

Ido hai hangangaa mainga-ingakau hai masilolongakau, lawi bara niisa impira kahaweNgku.

1 Tesalonika 5:2

Lawi niisa halalu: alo kahaweana Pue iti ina mai nodo topanangka i tanga kaindi; ope-ope tauna i dunia ina tingkarahe.

1 Timotiu 6:20

Oio Timotiu, napoinalaiamoko Pue Ala moanti paturo au manoto. Mewali, hangangaa nukingki maroa paturo iti dati ara au mobaliki. Karaohi lolita au bara mobundu hai paturo au bara manoto au rauli kapande agaiana bara tou.

2 Timotiu 1:13

Timotiu! Kupopaingaako paturo au nuhadimi hangko iriko. Paturo au tou iti hangangaa nupeulai. Inee nukabaha pepoinalaimu i Kerisitu Yesu. Hangangaa maahiko i hangka rangamu anti pohintuwumu hai Yesu.

Ibarani 2:1

Mewali, hangangaa tapamaroa-roa mpuu pampeulainta bambari au tou au tahadimi bona datike mopalehi pepoinalainta.

2 Peturu 1:13

Lawi kuisami barapi mahae ina hawe alongku, nodo au nauliangaana Amputa Yesu Kerisitu. Mewali, tempoku mani tuwo, hangangaa kupopaingaa liliukau ope-ope ide.

2 Peturu 3:1

Halalungku au kupokaahi! Idemi surangku au karombelana irikamu. I lalu surangku au nguru-nguruna hai au karombelana ide, kuhuweki lalumi hai kupopaingaakau paturo au tou bona malelaha pekirimi.

2 Peturu 3:10

Agaiana batena mpuu ina hawe Pue! Hai i kahaweNa iti, ina tingkara mpuuhe tauna, nodo i kahawena hadua topanangka. I alo iti, ina rahadi hambua pomoni au melangaki, hai i tempo iti peami, langi ina magero. Hinangkana au ara ina naande api. Dunia ide hihimbela hai ihina ina pumpu.

Pampetudungia 16:15

Mewali, tegulu mpuumohe ope-ope datu hai surodadona hangko i humalele dunia, i hambua paidaa au i lalu basa Ibarani rahanga: Harmagedon. Nauli Pue Yesu, “Nipehadingi! Ina haweNa i tempo au bara niisa, lawi kahaweNgku nodo topanangka. Morasihe tauna au mainga-inga hai au masilolonga liliu hampinda. Ane haweNa deade, barahe ina lumao mengkabela hai barahe ina maea, lawi masilolongahe Kukahawei.”

Pampetudungia 2:25

Nipeulai liliu apa au niisami duuNgku hawe.

Pampetudungia 2:5

Ido hai Kuuliangaakau: nipehadingi! Manawomokau i lalu dosa. Mewali, hangangaa menosokau! Nibabehimide apa au nibabehi nguru-nguruna. Lawi ane bara nibabehi nodo, i kahaweNgku deade, ina Kuingihi pambolia hulomi hangko i paidaana.

Pampetudungia 22:7

Nauli Pue Yesu, “Barapi mahae ina hawemoNa! Morasihe tauna au mampeulai ope-ope paturo au teuki i lalu sura ide.”

Pampetudungia 3:11

Barapi mahae ina hawemoNa! Hangangaa nikingki maroho-roho paturo au niisami datikau mala rapakanawo alana songko kadatua au naweimokau Pue Ala anti penangimi, raperampai tauna ntanina.

Pampetudungia 3:19

Ope-ope tauna au Kupokaahi, Kupaturo hai Kukambaroa bona moulahe paturoNgku. Ido hai Kuuli, nibaliki lalumi, hai menosokau!

Pampetudungia 3:2

Pearomodekau! Nipakaroho pepoinalaimi au ara mani hangko da mate ope-ope, lawi apa au nibabehi Kuita haha, hai bara mani ara au moleogu i peitana Pue Ala UmaNgku.