Pampetudungia 22:3 - Sura Malelaha

³ I lalu wanua iti barapi ara au Napaharara Pue lawi kadera kadatuana Pue Ala hai Ana Dimba ara i lalu wanua iti. Hai hawiNa menombahe Iria

Pampetudungia 22:3 Mawu Ofanana

Matiu 25:21

Nauli ampunda, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Yohane 13:32

Hai ane apa au mewali Iriko mopakahile Pue Ala, Pue Ala ina mopamahile woriNa hai kuasaNa. Au Kupololita ide ina holiga pewalina.

Yohane 14:3

Ane roomoNa mopasilolonga paidaami, ina mesule huleNa maikau Kuala, bona iumba pea kaaraaNgku, inditi worikau hihimbela hai Iko.

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Pampetudungia 7:10

Monganga-ngangamohe, rauli, “Toiami Amputa Pue Ala au mohuda i kadera kadatua! Toiami Ana Dimba! Lawi Ia au mohoremake hangko i huku dosanta, hai moweike katuwo maroa.”

Pampetudungia 7:9

Roo indo, kuita mbuli manusia au bosa ntepuu; barapi peisa raimba kabosanda. Ihira iti, hangko i humalele dunia, hangko i ope-ope kadatua, ope-ope pemulea hai hinangkana basa. Meangkahe i lindo kadera kadatua hai i lindona Ana Dimba. Mehampihe au bula, hai mokingkihe tawe handutu au raweweraka liliu tanda kamatananda.