Pampetudungia 22:11 - Sura Malelaha

¹¹ Lawi ane hawemi tempo iti: Tauna au kadake, pogiangaamide mobabehi au kadake. Tauna au madosa, pogiangaamide madosa. Tauna au manoto, pogiangaamide mobabehi au manoto. Tauna au malelaha, pogiangaamide mobabehi au malelaha.”

Pampetudungia 22:11 Mawu Ofanana

Matiu 21:19

Naita i wiwi rara hampoa kau ara. Laomi i patoana Nahaoki wuana, agaiana bara huba haogu wuana, batena pea tawena. Ido hai Yesu mogane kau iti, Nauli, “Mepongka alo ide, barapoko mowua!” Liliu malau hai bangi kau ara iti.

Matiu 25:10

Lao mpuumohe anantowawine au ntuli iti meholo mina. I kalaonda meholo, hawemi toratauna tobalilo. Lima anantowawine au mapande iti, masilolonga amimi hulonda, ido hai liliuhe mesua hihimbela hai toratauna tobalilo i lalu sou posusaa, pane ratukomi baba.

Matiu 5:45

Lawi ane maroa lalumi i iwalimi, babehiami ina nodo babehiana Umami au ara i suruga, hai ina tongawa kaikamuna anana Pue Ala. Lawi Pue Ala maroa laluna i ope-ope tauna. Ia mampopesupa alo i tauna au maroa hai i tauna au kadake. Napopendaulu uda i tauna au manoto hai i tauna au motengko lalunda.

Matiu 5:6

Morasihe tauna au mampeinao mewali manoto i peitana Pue Ala, lawi Pue Ala ina moweihe apa au rahaoki.

Yohane 8:21

Nauli mbuli Yesu i tadulakonda to Yahudi, “Ina paduNa, hai ina nihaoki liliuNa, hai matekau i lalu kamadosami lawi nisapuakamoNa. Mewali i kalaoaNgku barakau peisa hawe.”

Epesu 5:27

bona mewalike tauanaNa au malelaha hai meawa, alana barapi ara kamasalanta hai kamakuranta i lindoNa.

Kolose 1:22

Agaiana ide-ide, anti kapatena AnaNa, mohintuwumokau hai Pue Ala, hai Napamalelahamokau duuna barapi ara kamasalami ba kamakurami i peitaNa,

2 Timotiu 3:13

Agaiana tauna au kadake hai au modongko, ina tetambai kakadakena babehianda. Mopakanawohe ranganda hai paturonda au sala, agaiana tepakanawo worihe.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.

Pampetudungia 16:21

Toa wori hangko i langi wua uda au nodo watu kamahilena, monawongi manusia. Haogu, ba arato pae lima pulona kilo kamantimina. Ido hai tauna mopapakoimohe Pue Ala, lawi rumihi mpuu karapopeahi-ahinda.

Pampetudungia 22:3

I lalu wanua iti barapi ara au Napaharara Pue lawi kadera kadatuana Pue Ala hai Ana Dimba ara i lalu wanua iti. Hai hawiNa menombahe Iria