Pampetudungia 20:4 - Sura Malelaha

⁴ Roo indo, kuita bahangkia kadera kadatua au rapohudai tauna au raweihe kuasa mobotusi kara-kara. Kuita wori tanoananda tauna au rabohoki tambolonda anti popangakunda kaYesuna Ampunda hai popahawenda Ngkorana Pue Ala. Tauna iti, barahe hambela menomba i binata au kadake ba i lengge binata iti, hai bara worihe modoko tanda binata i wingkenda ba i taienda. Ido hai tuwo hulehe hai moparentahe hihimbela hai Kerisitu i lalu hasabu parena.

Pampetudungia 20:4 Mawu Ofanana

Matiu 19:28

Nahanai Yesu, “Bona niisa: i alo pebotusi i tempona Pue Ala mopawou hinangkana, Iko Ana Manusia ina mohuda moparenta i pohudaa au meawa. I tempo iti, ikamu au meula Iriko ina mohuda worikau i pohudaa au hampulo hai rombua, moparenta to Isaraeli au hampulo hai rontina.

Matiu 24:10

Bosa tauna ina mosapuaka peulanda Iriko. Ara au ina mohuhu halalunda hampepepoinalai i iwalinda. Bosa tauna mombekahihi.

Markus 6:16

Kanahadina Datu Herode bambari iti, nauli, “Manotomi iriko Ia iti Yohane Toperiu! Hangkoia kutudumi tauna mobohoki tambolona, agaiana ide-ide tuwo hule.”

Markus 6:27

Ido hai liliu motudu hadua surodadona lao mangala waana Yohane Toperiu. Lao mpuumi surodado iti i tarunggu mobohoki tambolona Yohane.

Markus 9:11

Ido hai mekunemohe i Yesu, rauli, “Wulingkai. Moapari hai rauli guru agama nabi Elia hangangaa hawe ioru, hangko haweri Datu Topehompo?”

Lukasi 1:17

Anamu iti, ina mewali suro au hawe ioru hangko i Pue. Kamarohona hai kuasana nodo nabi Elia hangkoia. Anti kuasana hai pepaturona, ia ina mopahintuwu anangkoi hai umanda. Hai tauna au barahe meula i Pue ina nanini hule i rara au manoto. Ope-ope au nababehi iti, ina mopasilolonga lalunda tauna bosa bona motarimahe Pue.”

Lukasi 14:14

Ane nodo babehiamu, ina nawatiko Pue Ala, lawi bara rabuku tauna iti mohurungi babehiamu. Apa au nubabehi iti ina nahurungi Pue Ala i karapatuwonda hule ope-ope tauna au maroa babehianda.”

Lukasi 22:30

bona maande hai maenu sambelake i hambua meja i lalu poparentaKu. Hai ina mohuda worikau i pohudaa au hampulo hai rombua moparentai to Isaraeli au hampulo hai rontina.”

Yohane 14:19

Hampalai pearai, barapoNa ina raita tauna i dunia. Agaiana ikamu, ina niitaNa hai ina tuwokau, lawi Iko, tuwoNa.

Roma 11:15

Lawi i kanatendenda Pue Ala to Yahudi, tebungkahimi rara i ope-ope tauna i dunia bona mohintuwuhe hai Pue Ala anti pepoinalainda. Mewali, ina meliu porasina ihi dunia ane Pue Ala modoko hulehe to Yahudi. Iti himbela pea nodo tomate au tuwo hule.

Roma 8:17

Mewali, ane napoanamoke Pue Ala, taisa kaina molambita pewati au napasilolongami Pue Ala i anaNahe. Pewati iti tahumba hihimbela hai Kerisitu. Ane mantodihake himbela hai Kerisitu, i alo pebotusi ina molambi worike katuwo mahile hihimbela hai Ia.

2 Timotiu 2:12

Ane sabarake mohalea kapari anti peulanta Iria, ina moparenta worike hihimbela hai Ia. Agaiana ane tasapuaka peulanta Iria, ina Nasapuaka wori kaikitana taunaNa.

Pampetudungia 1:2

Mewali hinangka au kuita iti kuuki bona kupahaweakau Ngkorana Pue Ala hai apa au napatongawaamona Yesu Kerisitu.

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.

Pampetudungia 11:11

Agaiana kaliuna talu alona hantanga, hawemi inao hangko i Pue Ala au mepatuwo. Inao iti mesua i watanda, alana tuwo hulehe; ido hai mearohe hai meangkahe. Hangko indo, rumihimi kalanganda ope-ope tauna au moita apa au mewali.

Pampetudungia 11:15

Malaeka au kapitu motawuemi tatamburuna. Hai arahe au monganga-nganga i lalu suruga, rauli, “Ide-ide poparenta i dunia i taienami Pue Ala himbela hai Datu Topehompo au Napileimi bona Pue Ala moparenta i hae-haena.”

Pampetudungia 11:3

I tempo iti, ina Kutudu rodua sabiNgku lao mopahawe NgkoraKu. SabiNgku au rodua iti mehampihe waru ngkasusa, hai mobambarihe NgkoraKu i lalu hasabu rongatu hai ini pulona alona.”

Pampetudungia 11:7

Ane hopomi bagonda mopahawe Ngkorana Pue, ina hawe hambaa binata au kadake au moewahe. Ia ina monangihe hai mopapatehe. (Binata au kadake iti iami binata au ina mesuwu hangko i kabe ngkapate au bara tehoka kakaladuna.)

Pampetudungia 12:11

Halalunta au hampepepoinalai iti monangimohe Datu Tokadake. Menangihe hai kuasa wahena Ana Dimba au mate mohoremahe hangko i huku dosanda. Menangihe lawi mopangaku liliuhe ka Ana Dimbana Ampunda. Menangihe lawi kehapirihe rapopeahi-ahi ba rapapate, barahe mousuli hangko i pepoinalainda.

Pampetudungia 14:11

Rambu api au mampopeahi-ahihe ina mengkaore liliu hawe i hae-haena. Maroa mabaa ba kaindi, tauna iti ina rapopeahi-ahi liliuhe, lawi menombahe i binata au kadake hai i lengge binata iti, hai modokohe tanda hangana binata iti.”

Pampetudungia 15:2

Hai kuita ara au nodo tahi kamaembana, lenggena nodo kaca mogalo api. Hai i wiwi ntahi au nodo kaca iti, kuita bosa tauna meangka. Tauna iti au monangihe binata au kadake, lawi barahe menomba iria, barahe menomba i lengge binata iti, hai barahe modoko lamoro au mopahuru hangana. Tauna au menangi iti, meangkahe i wiwi ntahi au nodo kaca, hai mokingkihe kecapi au naweihe Pue Ala.

Pampetudungia 17:8

Hangkoia tuwo, hai ide-ide barapi ara, agaiana ina mesuwu hule hangko i kabe ngkapate au bara tehoka kakaladuna. Hai roo indo, ina rahuku mate. Tauna au maida i dunia au bara teuki hanganda i lalu Sura Ngkatuwo hangko damani dunia rapopewali, ina tingkarahe moita binata iti. Lawi hangkoia tuwo, ide-ide barapi ara, agaiana hambela tempo ina hawe hule.

Pampetudungia 2:26

Hema au menangi, hai mobabehi apa au hintoto hai peundeaKu duuna i kahopoana, ina Kuweihe kuasa himbela hai kuasa au Kudokomi hangko i UmaNgku. Ina Kuweihe kuasa moparenta tauna i humalele dunia. Kamarohona kuasaNgku au Kuweihe iti nodo kamarohona lai besi. Kuasa iti, ina rapopopakarugi ope-ope iwalinda nodo kori tampo au rapengka.

Pampetudungia 20:6

Morasihe hai malelahahe tauna au rapatuwo hule i pearonda tomate au nguru-nguruna. Bara mpuuhe ina rahuku i lalu naraka. Pehuku i lalu naraka iami au rahanga kapate karombelana. Tauna au rapatuwo hule i pearonda tomate au nguru-nguruna ina mewalihe tadulako mpenomba i Pue Ala hai i Kerisitu. Ina moparentahe hihimbela hai Kerisitu i lalu hasabu parena.

Pampetudungia 22:5

Barapi ara kaindi, hai ampu boea iti barapohe moparaluu hulo ba pesimbaki alo, lawi pewangkana Pue Ala au ina mosimbakihe. Hai ina moparentahe nodo datu hawe i hae-haena.

Pampetudungia 3:21

Hema au menangi, ina Kupopohuda hihimbela hai Iko i kadera kadatuaNgku, nodo Iko au menangimoNa, hai mohudaNa moparenta hihimbela hai UmaNgku i kadera kadatuaNa.

Pampetudungia 4:4

Hai mantoleli kadera kadatua, ara wori rompulo hai iba pohudaa datu. Pohudaa iti rapohudai rompulo hai iba totosae au mehampi bula hai mesongko bulawa.

Pampetudungia 6:9

Roo indo, kuita wori Ana Dimba iti mobungkahi pene au kalima. Kuita i woi meja pohuwea popenomba, ara tanoananda tauna au rapapate anti popahawenda Ngkorana Pue Ala hai mopangaku liliuhe kaYesuna Ampunda.

Pampetudungia 7:3

“Inee hampai nipakarugi tahi, lorena hai pandulu, ane bara mani kiwoli tanda i wingkenda taunana Pue Ala Amputa, datihe narumpa rugi iti.”