Pampetudungia 20:10 - Sura Malelaha

¹⁰ Roo nodo, Datu Tokadake iti, au mopakanawo tauna, ratende i lalu tahi api au lolaa hai au mawaa. I tahi api itimi hangkoia ratendehe binata au kadake hai nabi au mepawuli. Inditi, rapopeahi-ahi liliuhe hawe i hae-haena.

Pampetudungia 20:10 Mawu Ofanana

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Matiu 7:15

“Mainga-ingakau i nabi au mepakanawohe. Ihira hawe i olomi nodohe dimba agaiana katouana nodohe serigala au maseke.

Markus 9:44

[Inditi, api rore liliu, hai uli bara peisa mate.]

Pampetudungia 16:13

Hai kuita wori seta au kadake ntepuu mesupa hangko i nganga naga. Ara wori au mesupa hangko i nganga binata au kadake, hai au ntanina mesupa hangko i ngangana nabi au mepawuli. Talu seta iti nodohe seo,

Pampetudungia 19:20

Kahopoana binata au kadake iti rahaka hihimbela hai nabi au mepawuli iti. Ihira, ratendehe i lalu tahi api au lolaa hai au mawaa. Nabi au mepawuli iti, iami au mobabehi tanda kuasa hai kuasana binata au kadake. Anti tanda kuasa iti, ia mopakanawohe tauna au modoko tanda binata hai au menomba i lengge binata iti.

Pampetudungia 20:8

hai ia ina lao mopakanawo tauna i humalele dunia, au rapandiri nodo Gog hai Magog. Hai naguluhe bona naantihe lao mombeala. Kabosanda nodo wungi i wiwi ntahi.

Pampetudungia 9:17

I lalu pampatongawa iti, moitana surodado iti hai dara au rapesawii. Surodado iti, ope-opehe mebadu besi. Badunda malei nodo api, maeta-eta nodo rambu, hai mabada ntepuu nodo watu belerang. Waa daranda nodo waa singa, hai hangko i nganganda mesuwu api, rambu hai belerang.