Pampetudungia 2:16 - Sura Malelaha

¹⁶ Ido hai Kuuliangaakau, menosomokau hangko i dosami iti! Ane bara, ina maiNa irikamu hai Kupombealaahe tauna au mampeulai paturo au sala iti hai piho au mesupa hangko i ngangaNgku.

Pampetudungia 2:16 Mawu Ofanana

Epesu 6:17

Hangangaa niharunga katehoremami au hangko i Pue Ala. Katehorema iti mewali nodo songko besi au mopakarohokau bona mantahakau. Hai hangangaa nipopobundu Ngkorana Pue Ala nodo piho au naweike Inao Malelaha.

2 Tesalonika 2:8

Mewali, ane teweihami topehomboki iti, hangko haweri Manusia Kadake. Agaiana ane hawemi Pue Yesu hai kuasaNa au meawa, Manusia Kadake iti ina ope kuasana, lawi ia ina napapate Pue Yesu hai inao au mesuwu hangko i humeNa.

Pampetudungia 1:16

Taie koanaNa mokingki pitu oguna betue, hai hangko i ngangaNa mesuwu hamata piho momata pontimali au mataru. LindoNa mewangka nodo pewangka alo.

Pampetudungia 16:9

Mararumohe tauna hangko i kamapanana alo au makere ntepuu, ido hai mopapakoimohe Pue Ala, lawi Ia au makuasa i kapari iti. Barahe menoso hangko i dosanda, hai barahe mopangaku peawana tuwona Pue Ala.

Pampetudungia 19:15

Hangko i lalu ngangaNa, mesuwumi hamata piho au mataru. Hai piho iti, Ia monangi ope-ope tauna i dunia. Roo indo, Naparentahe hai kamarohoNa au nodo kamaroho lai besi. Ia au moupi wua anggoro i lalu popiengaa anggoro. Popiengaa anggoro iti iami karumpuna Pue Ala au makuasa.

Pampetudungia 19:21

Mewali, Topesawi i dara au bula mopapate ope-ope surodadona binata, Nabatahe hai pihoNa au mesuwu hangko i ngangaNa. Hai roo indo, hawe mpuumohe tadasi. Tadasi iti, moandehe onto tauna au rapapate hawehe mabuhu.

Pampetudungia 2:12

Roo indo, nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Pergamus: Idemi lolitana Pue Yesu au mopake piho momata pontimali.

Pampetudungia 2:5

Ido hai Kuuliangaakau: nipehadingi! Manawomokau i lalu dosa. Mewali, hangangaa menosokau! Nibabehimide apa au nibabehi nguru-nguruna. Lawi ane bara nibabehi nodo, i kahaweNgku deade, ina Kuingihi pambolia hulomi hangko i paidaana.

Pampetudungia 22:20

Yesu mosabi kana i ope-ope lolita ide, manguli, “Tou mpuu. Barapi mahae ina hawemoNa.” Amin! MaimoKo, O Pue Yesu!

Pampetudungia 22:7

Nauli Pue Yesu, “Barapi mahae ina hawemoNa! Morasihe tauna au mampeulai ope-ope paturo au teuki i lalu sura ide.”

Pampetudungia 3:19

Ope-ope tauna au Kupokaahi, Kupaturo hai Kukambaroa bona moulahe paturoNgku. Ido hai Kuuli, nibaliki lalumi, hai menosokau!