Pampetudungia 2:14 - Sura Malelaha

¹⁴ Agaiana ara bahangkia pakana au Kusalaiakau, lawi arakau hanggaa au mampeulai paturona Bileam. Hangkoia Bileam iti mopaguru Balak noumba rara mopakanawo to Isaraeli bona madosahe. Nawawahahe moande paande au rapopenomba i anitu, hai nawawahahe mobabehi au merikai.

Pampetudungia 2:14 Mawu Ofanana

Matiu 18:7

Hurewumi dunia ide lawi ngkaia au mepakanawo. Tou pepakanawo iti ara, agaiana hurewumohe tauna au mopaara pepakanawo iti.

Suro 15:29

Ineekau moande paande au rapopenomba i anitu. Ineekau maande wahe, hai ineekau maande onto binata au matempudu. Ineekau motambi-tambi dele hai ineekau mebualosi. Ane nipakarao ope-ope babehia ide hangko i katuwomi, handami. Hampa indemi lolitangki.”

Suro 21:25

Mewali, itimi paturongki irio, halalu. Agaiana i tauna au barahe to Yahudi au mepoinalai i Yesu, roomohe kipakatua sura mopahaweahe pobotusingki bona ineehe moande paande au rapopenomba i anitu, hai inee worihe maande wahe ba bau au bara mani hampai raingihi wahena, hai bona ineehe mobabehi au merikai.”

Roma 11:9

Nodo wori, ara lolitana Datu Daudi hangkoia kana i hangka to Yahudina au mewali iwalina. Nauli Daudi, Kuperapi bona paande posusa au rapasilolonga, mewali nodo hea hai tarobo au morugii watanda.

Roma 14:13

Ido hai kuuliangaakau: ineeke mombesasalai. Agina maroa-roake dati ara babehianta au mokelo-kelo halalunta hampepepoinalai duuna madosa hai manawo.

Roma 14:21

Aginami, ineeke moande bau ba maenu au melangui ba mobabehike apa pea au mopakanawo halalunta hampepepoinalai.

Roma 9:32

Noumba hai nodori? Lawi meharunga peahe i babehianda haduduanda, barahe meharunga i Pue Ala. Tehubehe i watu katehubea; lempona, barahe mepoinalai i Datu Topehompo.

1 Korintu 1:23

Agaiana ikami, mopahawe peangkai kapatena Kerisitu au rapaku i kau mombehape. Bambari iti rapokakoinao to Yahudi, hai i tauna au barahe to Yahudi, bambari iti raimba pea lolita tontuli.

1 Korintu 7:2

Agaiana bona datihe ara au mobabehi sala, agina motambi peamokau. Maroa ane ope-ope tobalilo ara towawinenda hai ope-ope towawine ara tobalilonda.

Ibarani 13:4

Ope-ope tauna hangangaa mampeulai ada posamboko. Ada iti inee nilingkai. Lawi tauna au mebualosi hai au mobabehi babehia merikai, batenda ina nahuku Pue Ala.

1 Peturu 2:8

Tehubehe Iria, lawi barahe mampoinalai Ngkorana Pue Ala. Iti mewali moula apa au napakanotoamohe Pue Ala.

2 Peturu 2:15

Mehupemohe hangko i rara au tou, ido hai kadake babehianda. Moulahe rara au naporarai Bileam anana Beor hangkoia, lawi Bileam mohaoki pea doi au nahumba hangko i babehiana au kadake.

Yudasi 1:11

Hurewumohe! Moula peahe rarana Kai hangkoia. Mampeulaihe babehiana Bileam, lawi nauri raisa babehianda masalami, batena iti au rababehi liliu, lawi mohaoki peahe doi. Nodo Kora hangkoia, ihira moewahe Pue Ala, hai batena Pue Ala ina mohuku mate worihe nodo Kora.

Pampetudungia 2:20

Agaiana ara mani au Kusalaiakau. Lawi ara hadua towawine au rahanga Isebel, au mouli kaiana hadua nabi, hai nipogiangaa pea mopaguru tauna au mepoinalai Iriko. Towawine iti mopaturohe mobabehi babehia au merikai hai laohe moande paande au rapopenomba i anitu. Bosa hawiNgku napakanawo hai paturona iti.

Pampetudungia 2:4

Agaiana ara au Kusalaiakau: barapoNa nipokaahi nodo kanipokaahiNgku hangkoia.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Pampetudungia 22:15

Agaiana tauna au kadake, topedoti, topobabehi au merikai, topepapate, topenomba i anitu, topodongko, hai tauna au mampokatana podongkonda, barahe rapaliu mesua i lalu wanua iti.