Pampetudungia 19:10 - Sura Malelaha

¹⁰ Molingkudumona motumpa i lindona malaeka iti menombana iria, agaiana nauliangaana, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai ope-ope halalumu au mopangaku kaYesuna au rapenombai. Lawi tunggaiana ope-ope lolitangku ide bona mosabiki kaYesuna Datu Topehompo.”

Pampetudungia 19:10 Mawu Ofanana

Matiu 4:10

Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Markus 5:22

hawe hadua tadulako sou penombaanda to Yahudi, hangana Yairus. Kamoitana Yesu, molingkudumi i lindona Yesu

Markus 7:25

I boea iti, ara hadua towawine au anana, napesuangi tokadake. Kanahadina towawine iti kaarana Yesu i boea iti, maimi Iria molingkudu i lindoNa merapi tulungi, nauli, “Popelohoa wongkoia tokadake au mesawi i anangku!” Towawine iti, bara to Yahudi, ia hangko i tampo Fenisia au ara i propinsi Siria.

Lukasi 1:19

Nahanai malaeka, “Iko, Gabriel. Meangkana i lindona Pue Ala mampegia hawaNa. Iami au motuduna mai mopahaweako bambari au maroa ide.

Lukasi 24:44

Roo indo, mololitami Yesu irihira, Nauli, “Ope-ope au teuki i lalu Sura Aturana Musa, suranda nabi hai i sura Petoia kana i wataNgku hangangaa tepabukei. Ide lolitaNgku au Kupahaweamokau i tempoKu mani hihimbela hai ikamu.”

Yohane 5:39

Moparesakau Sura Malelaha, lawi nipehangu hangko i Sura Malelaha iti nilambi katuwo maroa au bara mokahopoa. Moleri Sura Malelaha iti mololita kana Iriko.

Suro 10:43

Ope-ope nabi hangkoia mampololita kana i Yesu iti, rauli: hema-hema au mepoinalai Iria, dosanda teampungi anti kuasaNa.”

Suro 13:27

Lawi ampu wanua Yerusale hai tadulakonda, barahe moisa kahemana Yesu iti. Barahe moisa lempona lolitanda nabi-nabi au rabasa i alo-alo Penombaa. Ido hai mohuku matehe Yesu. Agaiana apa au rababehi iti mewali bona tepabukei apa au rauli nabi-nabi hangkoia.

2 Korintu 8:7

Halalu, i paka-pakana ikamu tepaiwongkomokau: tepaiwongkokau i pepoinalaimi, i paturo au tou, i kapandemi mepaturo, i kaniisana metulungi, hai i kamahilena kamaahimi irikami. Idomi halalu hai kuperapi hangangaa tepaiwongko worikau i lalu pobagomi motulungi rangami au meahi-ahi tuwonda.

Epesu 5:15

Ido hai hangangaa nipamaroa-roa babehiami: ineekau nodo tontuli; agaiana hangangaa manoto pekirimi.

Epesu 5:33

Agaiana nauri nodo, batena ara wori lempona irikamu: ope-ope tobalilo hangangaa mampokakaia towawinena nodo pampokakaiana watana haduduana, hai towawine hangangaa mobila wori tobalilona.

Pilipi 3:3

Katouana ikitami au manoto i peitana Pue Ala lawi menombake Iria moula peninina Inaona haduduaNa, hai matana mpuu lalunta anti pohintuwuta hai Kerisitu Yesu. Barake moharunga ada au raita pea i raoa bona mewalike manoto i peitana Pue Ala.

1 Tesalonika 5:15

Ane ara au mobabehi dake irikita, inee wori tahurungi hai dake. Agina mobabehi liliuke au maroa i ranganta hai i ope-ope tauna.

Ibarani 1:14

Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Ibarani 12:25

Maroa-roakau, ineekau hawe moae Pue, au mongkorami irikita. To Isaraeli hangkoia, barahe mampoinalai lolitana Pue Ala au mongkora irihira i Bulu Sinai, hai batenda rahuku. Apa mani ikita au mohadi lolitana Pue Ala au mongkora irikita hangko i suruga. Ane tasapuaka NgkoraNa, batena barake tekabaha hangko i pehukuNa.

1 Yohane 5:10

Tauna au mepoinalai i Anana Pue Ala, raisa i lalunda katouna posabina Pue Ala. Hema-hema au bara mampoinalai Pue Ala, mampopodongkomohe Pue Ala, lawi barahe mampoinalai posabina Pue Ala au mampololita kana i AnaNa.

1 Yohane 5:21

Anangku, hangangaa menomba peakau i Pue Ala, ineekau menomba i apa pea au ara i dunia ide. Hangko iriko YOHANE

Pampetudungia 1:1

Ihi sura ide iami kana i apa au napatongawa Yesu Kerisitu. Pue Ala motudu Yesu Kerisitu mopatongawa irikita hawiNa apa au barapi mahae ina mewali. Yesu motudu malaekaNa lao mopatongawa ope-ope iti iriko Yohane, hawiNa.

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.

Pampetudungia 12:11

Halalunta au hampepepoinalai iti monangimohe Datu Tokadake. Menangihe hai kuasa wahena Ana Dimba au mate mohoremahe hangko i huku dosanda. Menangihe lawi mopangaku liliuhe ka Ana Dimbana Ampunda. Menangihe lawi kehapirihe rapopeahi-ahi ba rapapate, barahe mousuli hangko i pepoinalainda.

Pampetudungia 12:17

Masodo ntepuumi naga i towawine iti. Ido hai laomi mampombealaa pemuleanahe towawine iti au ntanina, iami tauna au mampeulaihe hawana Pue Ala hai au mopangaku kaYesuna Ampunda.

Pampetudungia 14:7

Malaeka iti mololita masisimbuku, nauli, “Mengkorumokau i Pue Ala hai nitoiami peawana tuwoNa. Lawi hawemi tempo pehukuaNa. Menombamokau i Pue Ala au mampopewali langi, tampo, tahi hai ope-ope ulu owai.”

Pampetudungia 15:4

Pue, hema pae au bara meula Irio? Hema pae au bara mopangaku kamasukuna tuwoMu? Lawi Oio pea au malelaha. Ope-ope tauna batena menomba Irio, Lawi tongawami katouna pobotusiMu i hinangkana.”

Pampetudungia 19:9

Hangko indo, malaeka iti mouliangaana, “Nuuki node: morasihe tauna au rakakio lao i posusa petauna Ana Dimba.” Hai nauli mbuli, “Idemi lolitana Pue Ala, hai batena tou.”

Pampetudungia 4:10

totosae au rompulo hai iba molingkuduhe motumpa i lindona Hadua au mohuda i kadera kadatua hai au tuwo hawe i hae-haena iti. Menombamohe Iria, hai songko kadatuanda rahuhu Iria i lindo pohudaaNa mewali tanda pebilanda. Roo indo, rauli,