Pampetudungia 18:12 - Sura Malelaha

¹² au ngkaia pakana iti, nodo: bulawa, salaka, paramata, hai mutiara. Nodo wori hampi maluha au rababehi hangko i bana au masuli hai bana au malei hai malentoro. Ara anu-anu au rababehi hangko i kau mawongi, hangko i ngihi gaja, hai anu-anu ntanina au rababehi hangko i kau masuli, ba hangko i tambaga, besi ba watu pualam.

Pampetudungia 18:12 Mawu Ofanana

Pampetudungia 17:3

Nakuasaina Inao Malelaha, hai malaeka iti moantina lao i pada wungi. Inditi kuita hadua towawine au mesawi i hambaa binata au malei ntepuu, hai i humalele watana teuki lolita pekakabosai i Pue Ala; waana binata iti pitu hai tanduna hampulo mbuana.

Pampetudungia 17:4

Towawine iti mebadu malei hai malentoro, meparewa bulawa hai mutiara hai paramata au masuli holona. Ia mokingki haogu mangko bulawa au buke hai paenu au meringkui. Paenu iti lempona, babehiana au mepakaea hai au merikai.

Pampetudungia 18:15

Topobalu-balu au mewalimohe tauna pebuku lawi mobalu-baluhe i to Babeli, i tempo iti ina metotoki ngkarao pearaihe, lawi langahe ina nalelehi pepopeahi-ahi au morumpa wanua iti. Moteteriahe hai masusa lalunda,