Pampetudungia 12:7 - Sura Malelaha

⁷ Hangko inditi, moitana pombeala mahile i suruga. Tadulako malaeka au rahanga Mikael hai hangka malaekana moewahe naga iti, hai naga iti radurei wori malaekana.

Pampetudungia 12:7 Mawu Ofanana

Matiu 13:41

Iko Ana Manusia ina motudu malaekaNgku lao morampu ope-ope au mepakanawo hai tauna au mobabehi dake hangko i olonda taunaNgku.

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 24:31

Tatamburu au mahile ina ratawue, hai ina Kutudu malaekaNgku lao mogulu tauna au Kupilei hangko i humalele dunia, mepongka i wuntuna hambali hawe i wuntuna hambali.”

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 26:53

Bara pae nuisa, ane merapi tulungiNa i UmaNgku, hampalai peahe mai ina Napohawaa hampulo hai rontobu surodado malaeka, ba melabitori!

2 Korintu 12:7

Mewali, anti karumihina kamaroana hinangka au napatongawa Pue Ala, Ia moweina haki au morumpa watangku bona datina mampemahile. Haki ide peisa rapandiri nodo dui i watangku ba nodo hadua hawina Datu Tokadake au hawe iriko bona mampopeahi-ahina.

Epesu 6:12

Lawi i pombealata ide, barake moewa manusia agaiana moewake au makuasa au bara taita. Moewake tadulako-tadulako kamakaindi au makuasa i dunia. Moewake hinangka seta hai tokadake au mokuasai laerawa.

2 Tesalonika 1:7

Hai Ia ina mokabahakau hangko i kaparimi, nodo wori ikami. Hinangkana iti ina Nababehi i kahawena hule Pue Yesu au ina mendaulu mai hangko i suruga hai malaekaNa au makuasa hai api au lolaa.

Ibarani 2:10

Pue Ala mampopewali hinangkana moula pobotusiNa. TunggaiaNa bona bosa tauna Napopewali anaNa hai Napopeawahe. Ido hai Pue Ala mopakanoto bona Yesu molambi kapari duuna mate. Pobotusina Pue Ala iti hintoto, lawi hangko i kapari au nahumba Yesu, Yesu mewali Topehompo au bara ara kamakuraNa. Ia au mobungkahi rara bona peisake tehorema.

2 Peturu 2:4

Mogalorihe malaeka au madosa hangkoia, barahe nakabaha Pue Ala hangko i pehuku. Malaeka iti batenda Natende i lalu naraka hai Nataha i lalu kalolu tampo au makaindi duuna hawe alo pebotusi.

Yudasi 1:9

Mogalori Mikael tadulakonda ope-ope malaeka, bara bai mopapakoi Datu Tokadake. I kapatena nabi Musa, mampombeheheihe watana Musa ba hema au ina mangala. Mikael bara bai mopapakoi Datu Tokadake hangko i kuasana haduduana, agaiana nauliangaa pea: “Pue haduduaNa ina mampokarumpuko!”

Pampetudungia 12:8

Agaiana naga iti hai malaekanahe ranangi; ido hai barapohe rapaliu maida i suruga.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 13:7

Ia rapaliu wori mampombealaahe taunana Pue Ala hai nanangihe. Hai ia rapogiangaa mokuasai tauna i humalele dunia, ope-ope tauna hangko i ope-ope kadatua, ope-ope pemulea hai hinangka basa.

Pampetudungia 20:2

Malaeka iti mohaka naga; iami ile au arami hangkongkoiana, au rahanga Datu Tokadake ba Tadulako Seta. Roo indo, nahilumi hai rante, hai natende i lalu kabe ngkapate au bara tehoka kakaladuna. Nagilimi babana hai napene dati rabungkahi i lalu hasabu parena kamahaena. Mewali, Datu Tokadake iti bara peisa mopakanawo manusia i lalu hasabu parena. Ane liu tempo iti, hangangaa rakabaha sangka.