Pampetudungia 10:1 - Sura Malelaha

¹ Roo indo, moitana hadua malaeka au maroho mendaulu hangko i suruga. Malaeka iti nabalungkuhi gawu, hai waana natoleliki mporagia. Lindona mewangka nodo alo, bitina nodo arii au keapi.

Pampetudungia 10:1 Mawu Ofanana

Matiu 17:2

Temponda ara inditi, mobalimi lenggena Yesu. LindoNa mewangka nodo alo, hai hampiNa mengkila-ngkila.

Lukasi 21:27

I tempo iti, tauna ina moitaNa, Iko Ana Manusia, mendaulu mai hangko i wongko gawu. Ina makuasaNa hai meawa ntepuuNa.

Suro 26:13

Agaiana tempoku molumao lao i Damsik, pualomi i tanga rara, unga peana moita pewangka hangko i langi au melumbu hangko i pewangka alo. Nawangkahina hai ope-opehe hampopolumaongku.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!

Pampetudungia 18:1

Karoona malaeka iti mololita nodo, kuita mbulimi malaeka au haduana mendaulu hangko i suruga. Kuasana mahile, hai anti pewangkana, humalele dunia mabaa.

Pampetudungia 18:21

Roo indo, hadua malaeka au maroho moangkami haogu watu au kamahilena meliu hangko i riso, hai naweduka i lalu tahi, nauli, “Nodo watu ide raweduka i lalu tahi hai barapi ina ralambi hule, nodo wori wanua Babeli au mahile ina rapatuna, hai barapi ina raaro hule.

Pampetudungia 20:1

Roo indo, kuitami hadua malaeka mendaulu hangko i suruga. Ia moanti wori hambua rante au mahile, hai moanti wori pegili baba kabe ngkapate au bara tehoka kakaladuna.

Pampetudungia 4:3

mengkila-ngkila nodo paramata au rauli watu yaspis hai watu sardis. Ara wori mporagia mantoleli kadera kadatua iti, nodo pewangka watu samrud.

Pampetudungia 5:2

Kuita ara hadua malaeka au maroho au mololita masisimbuku, nauli, “Hema au hintoto hai peisa mobungkahi pene sura ide bona peisa rabasa?”

Pampetudungia 8:13

Hangko inditi kuita, ara hambaa tadasingkaia au membaro i laerawa. Kuhadimi tadasi iti mololita masisimbuku, nauli, “Hurewu! Hurewu! Hurewumohe tauna au maida i dunia, ane talu malaeka au kahopoana motawue tatamburunda.”