Pampetudungia 1:18 - Sura Malelaha

¹⁸ Ikomi au tuwo. MateNa hangkoia, agaiana tuwo huleNa, hai ina tuwoNa i hae-haena. Iko au mokingki pegili baba ngkapate hai baba paidaa tomate.

Pampetudungia 1:18 Mawu Ofanana

Matiu 11:23

Hai ikamu wori to Kapernaum! Ba nipehangu ina naangkakau Pue Ala hawe i suruga? Bara! Ina Natendekau i lalu naraka! Ane rapana tanda kuasa au Kubabehimi i boeami, Kubabehi wori i wanua Sodomo hangkoia, wanua iti kebara napakarugi Pue Ala, ara mani duuna ide-ide.

Matiu 16:19

Ina Kuweiko kuasa motosaengi taunana Pue Ala. Mewali, apa au nubotusi i dunia, iti nabotusimi Pue Ala i lalu suruga. Ane nuuli hadua tauna hangangaa rahuku, Pue Ala mohukuhe. Ane nuuli hadua tauna raampungi dosana, Pue Ala moampungi.”

Lukasi 24:5

Towawine iti, tepalingkuduhe anti kalanganda. Agaiana rodua tobalilo iti mouliangaahe, “Moapari hai nihaoki tauna au tuwo i olonda tomate?

Yohane 11:25

Nauli Yesu, “Iko idemi au mampopearo tomate, hai au mepatuwo. Tauna au mepoinalai Iriko, nauri matemohe, ina tuwo hulehe.

Yohane 14:19

Hampalai pearai, barapoNa ina raita tauna i dunia. Agaiana ikamu, ina niitaNa hai ina tuwokau, lawi Iko, tuwoNa.

Roma 6:9

Lawi taisa halalu, Kerisitu au rapatuwo hulemi hai barapi ina mate. Kapate barapi makuasa Iria.

2 Korintu 13:4

Hangkoia Kerisitu rapaku i kau mombehape anti kamaledena nodo manusia. Agaiana anti kuasana Pue Ala, Ia tuwo hulemi. Ikami malede woringkai nodo Kerisitu. Agaiana anti kuasana Pue Ala, molambingkai katuwo au wou hihimbela hai Kerisitu. Mewali ane hawena deade, ina niita mpuu kuasa au naweingkai Pue Ala iti.

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

Kolose 3:3

Lawi ikita matemoke hihimbela hai Ia. Hai mohumbake katuwo au wou hangko i Kerisitu, au maida hihimbela hai Pue Ala i suruga. Kerisitu au moweike katuwo au wou. Ide-ide, bara mani taita, agaiana ane hawe hule deade, Ia ina motudungiake kuasaNa hai peawana tuwoNa. Hai ikita halalu, ina rapomahile worike hihimbela hai Ia.

Ibarani 1:3

Hangko Iria tongawa peawana tuwona Pue Ala. Hangko i Yesu moitake poantina hai kuasana Pue Ala. Ia au mokadipura hinangkana au ara hai lolitaNa au makuasa. Ia au mohuhu wataNa rapapate bona mobahoi manusia hangko i dosanda. Hai roo indo, mengkaoremi lao i suruga mohuda ntanda i koanana Pue Ala i lalu poparentaNa.

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.

Ibarani 7:16

Hai Ia bara mewali tadulako mpenomba moula atura au mopakanoto tinana au peisa mewali tadulako mpenomba. Ia mewali tadulako mpenomba moula kuasaNa hai katuwoNa au bara mokahopoa.

Ibarani 7:25

Ido hai Nabuku mokabahake hangko i huku dosanta hai moweike katuwo maroa au bara ara kamakurana, asala mohungkukike Pue Ala i lalu hangana Yesu. Lawi Ia au tuwo i hae-haena hai mamperurui liliuke i lindona Pue Ala.

Pampetudungia 10:6

mosumpa i lalu hangana Pue Ala au tuwo hawe i hae-haena, au mampopewali langi, tampo, tahi hai hinangka ihina. I posumpana, nauli node, “Ane malaeka au kapitu motawue tatamburuna, i tempo iti Pue Ala ina mampopewali tunggaiaNa au mahaemi tewuniangi moula apa au Napololita hangkoia i nabi au moantihe NgkoraNa. Ope-ope iti ina rapaholigami pewalina.”

Pampetudungia 15:7

I pesuwunda malaeka iti, hambaa hangko i iba pinatuwo au mantoleli i kadera kadatuana Pue Ala moweihe pitu mbuana pambolia hangko i bulawa au moihi karumpuna Pue Ala au tuwo hawe i hae-haena.

Pampetudungia 2:8

Roo indo, nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Smirna: Idemi lolitana Pue Yesu, Ia pepongkana hai au kahopoana, au mate agaiana tuwo hule.

Pampetudungia 20:14

Roo indo, barapi ara tauna au ina mate lawi kapate hai paidaa tomate ina ratendemi i lalu tahi api au lolaa. Hai hema au bara teuki hangana i lalu sura ngkatuwo, ina ratende wori i lalu tahi api iti. Pehuku iti iami au rauli kapate au karombelana.

Pampetudungia 3:7

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Filadelfia: Idemi lolitana Pue Yesu au malelaha hai au manoto. Ia au mokingki pegili baba i kadatuana Daudi. Ane Ia au mobungkahi, bara ara au peisa motuko. Ane Ia au motuko, bara ara au peisa mobungkahi.

Pampetudungia 4:9

Bela-belanda pinatuwo iti manguli ngkaia kamaroana, mobila hai motoiahe hangana Hadua au mohuda i kadera kadatua hai au tuwo hawe i hae-haena,

Pampetudungia 5:14

Rahanai pinatuwo au iba iti: “Amin!” hai totosae au ara inditi motumpamohe menomba.

Pampetudungia 6:8

Kuita hambaa dara au mabada-bada. Tauna au mesawi i dara iti rahanga “Kapate,” hai au meusu i bokona rahanga “Paidaa Tomate.” Ihira iti raweihe kuasa mopapate hangkira iba hangko i ope-ope tauna. Arahe au rapapate i lalu pombeala, arahe au mate laloara, arahe au mate narumpa haki, hai arahe au rapapate binata au maseke.

Pampetudungia 9:1

Roo indo, malaeka au kalima motawue worimi tatamburuna, hai unga pea kuita haogu betue au manawo hangko i langi toa i dunia. Betue iti rawei pegili baba kabe ngkapate au bara tehoka kakaladuna.