Pampetudungia 1:1 - Sura Malelaha

¹ Ihi sura ide iami kana i apa au napatongawa Yesu Kerisitu. Pue Ala motudu Yesu Kerisitu mopatongawa irikita hawiNa apa au barapi mahae ina mewali. Yesu motudu malaekaNa lao mopatongawa ope-ope iti iriko Yohane, hawiNa.

Pampetudungia 1:1 Mawu Ofanana

Yohane 12:49

Lawi lolitaNgku bara hangko i peundeaKu. Mopahawe hai mampololita peana apa au naparentaiaNa UmaNgku, lawi Ia au motuduNa mai.

Yohane 15:15

Barapokau Kuuli hawiNgku, lawi hadua hawi bara moisa apa au i laluna ampuna. Ide-ide, himadaNgku mpuumokau, lawi Kupahaweamokau ope-ope au nauliangaaNa UmaNgku.

Yohane 17:8

Kupahaweamohe ope-ope lolita au NupahaweaNa. Lolita iti radokomi, hai ide-ide tou-tou mpuu raisami Iko hangko IrioNa mai. Rapoinalaimi kaOiona au motuduNa.

Yohane 3:32

Ia mampololita apa au Naita hai au Nahadimi, agaiana bara ara au mampoinalai lolitaNa.

Yohane 8:26

Ngkaia mani au ina Kusalaiakau. Agaiana Ia au motuduNa, hintoto mpuu rapoinalai, hai apa au Kuhadi hangko Iria, itimi au Kupahawe irikamu i dunia.”

Roma 16:25

Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

Galatia 1:12

Ngkora Marasa iti, bara kudoko hangko i manusia, bara wori ara tauna au mopaguruana. Agaiana Yesu Kerisitumi au mopahawe Ngkora Marasa iti iriko.

Epesu 3:3

Hangkoia, tunggaiana Pue Ala iti tewuniangi mani. Agaiana ide-ide Napatongawami iriko, hai iti kuukimi i lalu surangku ide nauri sosoe pea.

Titu 1:1

Sura ide hangko iriko, Paulu, hawina Pue Ala hai surona Yesu Kerisitu. Naangkana Pue Ala mewali suroNa, hai Natuduna mopakaroho pepoinalainda tauna au Napilei. Natudu worina mopaguruahe paturo au tou, lawi ane tapeulai paturo au tou iti, ina mengkoruke i Pue Ala.

Pampetudungia 1:19

Mewali, ukimide apa au nuita inona, apa au mewali i tempo ide, hai apa au ina mewali.

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.

Pampetudungia 17:1

Roo indo, hadua hangko i malaeka au pitu au mokingki pambolia karumpuna Pue Ala iti, mai iriko, nauliangaana, “Maiko, ina kutudungiako karahukuna towawine au kadake adana, au mohuda i owai au ngkaia.

Pampetudungia 19:10

Molingkudumona motumpa i lindona malaeka iti menombana iria, agaiana nauliangaana, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai ope-ope halalumu au mopangaku kaYesuna au rapenombai. Lawi tunggaiana ope-ope lolitangku ide bona mosabiki kaYesuna Datu Topehompo.”

Pampetudungia 19:9

Hangko indo, malaeka iti mouliangaana, “Nuuki node: morasihe tauna au rakakio lao i posusa petauna Ana Dimba.” Hai nauli mbuli, “Idemi lolitana Pue Ala, hai batena tou.”

Pampetudungia 21:2

Hai kuita wanua au malelaha, au rahanga Yerusale wou, mendaulu mai hangko i suruga, hangko i Pue Ala. Meawa mpuu wanua iti, nodo hadua toratauna towawine au rahampii makara-kara mampegia toratauna tobalilo.

Pampetudungia 21:9

Roo indo, maimi hadua hangko i malaeka au pitu au mokingki pambolia au buke hai pitu pakana pepopeahi-ahi au kahopoana. Nauli malaeka iti iriko, “Maiko, kutudungiako towawine au ina rabua hai Ana Dimba.”

Pampetudungia 22:1

Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”

Pampetudungia 22:6

Roo indo, nauliangaana malaeka iti, “Ope-ope lolita ide tou hai ina tepabukei. Pue Ala au mowei InaoNa i ope-ope nabiNa, Ia au motudu malaekaNa mai mampopaisa i hawiNahe apa au hangangaa holiga mewali.”

Pampetudungia 22:8

Iko, Yohane, ikomi au mohadi hai moita mata ope-ope au napetudungia malaeka iti. Kakuhadina hai kakuitana iti, molingkudumona motumpa i lindona, menomba iria.

Pampetudungia 22:9

Agaiana nakontona, nauli, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai hangka nabimu hai ope-ope tauna au mampeulai apa au teuki i lalu sura ide.”

Pampetudungia 4:1

Roo ido, ara mbuli au rapatongawaana. Moitana hambua baba i suruga tebungkahi, hai mohadi mbulina hambua wotu nodo au kuhadi nguru-nguruna. Pomonina nodo tatamburu. Nauliangaana, “Maiko! Ina Kutudungiako apa au hangangaa mewali i alo au ina mai.”

Pampetudungia 5:7

Ana Dimba iti molumao lao moala sura iti hangko i taie koanana Hadua au mohuda i kadera kadatua.