Matiu 9:8 - Sura Malelaha

⁸ Karaitana tauna bosa apa au mewali iti, langamohe, hai motoiahe Pue Ala, rauli, “Mahile mpuu kuasana Pue Ala au Nawei manusia!”

Matiu 9:8 Mawu Ofanana

Matiu 12:23

Tingkaramohe tauna bosa au moita iti, alana mombekunehe, rauli, “Ba Ia idemi Datu Topehompo pemuleana Datu Daudi au radandi hangkoia?”

Matiu 15:31

Tingkaramohe tauna bosa moita ope-ope tauna au napakaoha Yesu: tauna au bara peisa mololita, mololitamohe, au bara masilolonga watanda, maroa hulemi watanda, au palu molumaomohe, au bilo meitamohe. Ido hai tauna iti mampomahile Pue Ala au rapenombai to Yahudi.

Matiu 28:18

Yesu mohungkuki topeguruNa, Nauliangaahe, “Ope-ope kuasa i suruga hai i dunia rahuhuamoNa.

Matiu 5:16

Nodo wori pewangka au ara i lalumi, inee niwuni. Nipakaroa babehiami bona ope-ope tauna ina moita babehiami iti, pane motoiahe Umami au ara i suruga.”

Matiu 9:7

Mearo mpuumi topalu iti, hai mesule lao i souna.

Markus 2:12

Mearo mpuumi topalu iti, mololo alena, hai molumaomi lao i olonda tauna bosa. Karaitana tauna bosa apa au mewali iti, tingkaramohe ope-ope, hai motoiahe Pue Ala, rauli, “Bara mani hambela taita au mewali nodo!”

Markus 7:37

Tingkara mpuuhe tauna bosa, rauli, “Hinangka au Nababehi, maroa haha. Tauna au bongo Napakaoha! Tauna au bara peisa mololita, mololitamohe!”

Lukasi 13:13

Roo indo, Yesu motobo towawine iti. Unga pea manoto bengona, meangkami, hai liliu motoia Pue Ala.

Lukasi 17:15

Hadua hangko i tauna iti mesule lao i Yesu, nauli masisimbuku, “Tetoiami Pue Ala. Maohamona!”

Lukasi 17:18

Moapari pane hadua pea au mesule manguli ngkaia kamaroana i Pue Ala? Hai ia bara to Yahudi!”

Lukasi 18:43

Unga pea meita. Hangko indo, liliu meula i Yesu hai motoia Pue Ala. Hai ope-ope tauna au moita apa au mewali, motoia worimohe Pue Ala.

Lukasi 2:20

Roo indo, toporewu iti mesulemohe, hai i tanga polumaonda motoiahe hai mampomahilehe Pue Ala, lawi ope-ope au rahadi hai au raita, tou-tou mewali nodo au nauliangaahe malaeka.

Lukasi 23:47

Kanaitana tadulako surodado apa au mewali iti, motoiami Pue Ala, nauli, “Tongawa mpuu! Ia ide tauna au manoto!”

Lukasi 7:16

Tauna au moitahe apa au mewali iti, langamohe hai mepongkamohe motoia Pue Ala, rauli, “Hadua nabi au makuasa ntepuu ara i olonta! Hawemi Pue Ala irikita taunaNa.”

Yohane 15:8

Ane rumihi powuami, UmaNgku rapomahile. Ane nodo nibabehi, topeguruNgku mpuumokau.

Suro 11:18

Karahadina lolitana, barapohe mosalai Peturu. Hai motoiamohe Pue Ala, rauli, “Ide-ide tongawami irikami, Pue Ala modoko worihe tauna au barahe to Yahudi, hai Naweihe katepaka menoso hangko i dosanda duunda molambi katuwo maroa au bara mokahopoa.”

Suro 21:20

Karahadina lolitana Paulu, motoiamohe Pue Ala. Hangko inditi, mopahawehe lolita ide i Paulu, rauli, “Halalu bona nuisa, isabunami halalunta to Yahudi au mepoinalai i Yesu. Hai mampeulai mani worihe Aturana Musa hangko i lalunda.

Suro 4:21

Hangko indo, rumihimi karumpunda tadulako iti, pane mampopalangahe Peturu hai Yohane. Kahopoana rakabahamohe. Bara ara rara mohukuhe lawi ope-ope tauna motoia Pue Ala anti tanda kuasa au rababehi iti.

2 Korintu 9:13

Ane moitamohe petulungimi, ina motoiahe Pue Ala lawi anti kamaroana lalumi tongawami kamarohona pepoinalaimi i Ngkora Marasa kana i Kerisitu hai pengkorumi i hawaNa. Ina motoiahe Pue Ala, lawi bula lalumi motulungi tauna iti hai tauna ntanina.

Galatia 1:24

Ido hai motoiamohe Pue Ala, lawi mohadihe apa au mewali iriko.

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.