Matiu 9:26 - Sura Malelaha

²⁶ Bambari ide tehawuka i humalele tampo iti.

Matiu 9:26 Mawu Ofanana

Matiu 4:24

Pobagona Yesu tebambari i ope-ope boea i tampo Siria, alana bosa tauna au mai mampeinaohe mohidupa hai Ia. Tauna iti moantihe ranganda ba halalunda au mantodiha ngkaia pakana hakinda hai kaparinda, au napesuangi seta, au mohaki dungka, hai au palu. Yesu mopakaohahe ope-ope.

Matiu 9:31

Agaiana lao peahe i humalele tampo iti mobambari apa au nababehi Yesu irihira.

Markus 1:28

Hangko inditi, bambari kana i Yesu rapahawemi i humalele tampo Galilea.

Markus 1:45

Agaiana, iumba pea kalaoana tauna iti, napololita liliuri kanapakaohana Yesu, alana Yesu barapi peisa mesua i lalu boea iti tontolea dati ratoleliki tauna. Ido hai Yesu maida pearai i raoa boea i pada wungi. Agaiana nauri nodo, bosa liliuhe tauna au hangko i boea-boeana mampeinao mampohidupaa Yesu.

Markus 6:14

I tempo iti, Datu Herode Antipas mohadi apa au nababehi Yesu, lawi tebambarimi hangaNa iumba-umba pea. Ara au manguli, “Yesu iami Yohane Toperiu au tuwo hule hangko i kapate! Ido hai ara kuasaNa mobabehi tanda kuasa au metingkarai.”

Lukasi 4:14

Roo indo, mesulemi Yesu lao i tampo Galilea, hai Ia nakuasai Inao Malelaha. Bambari kana Iria tehawukami i humalele tampo Galilea.

Lukasi 4:37

Hangko indo, bambari kana i Yesu tehawukami i humalele tampo iti.

Lukasi 5:15

Agaiana nauri nodo lolitana Yesu, bambari iti tehawuka iumba-umba pea, alanda bosa tauna mai i Yesu bona mohadihe lolitaNa hai Napakaohahe hangko i hakinda.

Lukasi 7:17

Bambari iti tehawuka i humalele tamponda to Yahudi hai i ope-ope boea au hungku.

Suro 26:26

Naisa wori Datu Agripa pewalina au kuuli inona. Ido hai barana langa mololita nodo i lindona. Kupekiri bara ara au bara mani nahadi Datu Agripa, lawi ope-ope au mewali hangkoia iti bara tewuniangi.