Matiu 9:20 - Sura Malelaha

²⁰ I tempo iti i tanga mpolumaonda, ara hadua towawine au hampulomi hai rompare mantodiha nahumba. Towawine iti lao mohungkuki Yesu hangko i taleu hai natobo wuntu baduNa,

Matiu 9:20 Mawu Ofanana

Matiu 14:36

Merapihe i Yesu, rauli, “Ane peisa, huba wuntu baduMumi kipetobo.” Mewali ope-ope tauna au motobo baduNa, liliu maoha mpuumohe.

Matiu 23:5

Mampempemaroahe bona ratoiahe ranganda. Ane moula adanta, ikita hangangaa mopatakake kapipi pambolia bahangkia wati hangko Sura Malelaha. Agaiana ane toParisi, kapipi iti rapamahile-hile, nodo wori rombo-rombo i badunda rapamandoe-ndoe bona rauli rumihi pampeulainda ada agama.

Matiu 9:19

Laomi Yesu meula i tauna iti, hai topeguruNa meula worihe.

Markus 6:56

Iumba pea kalaoana Yesu, i boea mahile ba i boea au kokoi, moantihe ranganda au mahai rawoli i pobalu-balua, pane merapihe i Yesu bona Ia peisa ratobo, nauri wuntu baduNa pea. Hai ope-ope au motobo baduNa, liliu maoha mpuumohe.

Markus 8:22

Hangko inditi, hawemohe i boea Betsaida. Inditi, arahe tauna au moanti hadua tobilo i Yesu. Merapihe bona Natobo.

Suro 19:12

Kehapiri lencona ba komona pea raanti i tomahai, batenda maoha, hai meloho mpuuhe ope-ope seta au mampopeahi-ahihe.

Suro 5:15

Ngkaia tanda kuasa au rababehi suro iti, ido hai bosa tomahai raanti hai rapopaturuhe i ale i wiwi rara. Rababehi nodo lawi raharunga ane Peturu moliu inditi, nau bao-baona pea kana watanda tomahai iti, batenda maoha.