Matiu 9:17 - Sura Malelaha

¹⁷ Nodo wori bara maroa mokando anggoro au wou i pambolia au hae. Lawi ane rengke, ina mahepa pambolia au hae iti, alana anggoro mabubu, hai marugi wori pamboliana. Mewali anggoro au wou hangangaa rakando i pambolia au wou bona maroa ope-ope.”

Matiu 9:17 Mawu Ofanana

Matiu 9:16

Roo indo, Yesu mopahawe mani rompaka ngkora pandiri, Nauli, “Bara ara hadua tauna au motampelei badu au hae hai hasepa bana au wou. Lawi hasepa bana au wou ina mengkuru duuna mahepa badu au hae iti, alana kahile-hileari kahepana.

Matiu 9:18

Tangana mani Yesu mololita i topeguruna Yohane Toperiu, hawemi hadua tadulako sou penombaanda to Yahudi molingkudu i lindona Yesu merapi tulungi, nauli, “Anangku towawine hangko mate. Laoke i soungku, Nupetobo bona tuwo hule.”

Markus 2:22

Nodo wori, bara ara hadua tauna au mokando anggoro au wou i pambolia au hae. Lawi ane rengke, ina mahepa pambolia au hae iti, alana anggoro iti mabubu, hai marugi wori pamboliana. Mewali, anggoro au wou hangangaa rakando i pambolia au wou.”

Lukasi 5:37

Nodo wori, bara ara hadua tauna au mokando anggoro au wou i pambolia au hae. Lawi ane rengke, ina mahepa pambolia au hae iti, alana anggoro iti mabubu, hai paidaana wori marugi.

Lukasi 5:38

Mewali anggoro au wou hangangaa rakando wori i pambolia au wou.