Matiu 8:29 - Sura Malelaha

²⁹ Monganga-ngangahe seta au mampesuangi tauna iti, rauli, “Anana Pue Ala! Moapari hai maiKo? Ineengkai Nuhuku! Bara mani hawe tempona Nupakaparingkai.”

Matiu 8:29 Mawu Ofanana

Matiu 4:3

I tempo iti, hawemi Datu Tokadake mouliangaa, “Ane tou-tou AnanaKo Pue Ala, Nutuduhe watu ide mewali roti!”

Matiu 8:30

Bara karao hangko inditi, arahe boe hambanguna tanganda masui.

Markus 1:24

“Ee Yesu to Nasare! Ina Nupoapangkai? Ba ina Nupakarugingkai? Kuisa kaOiona mpuu Suro au malelaha hangko i Pue Ala.”

Markus 3:11

Hawe worihe tauna au napesuangi tokadake. Kamoitanda Yesu, liliuhe molingkudu i lindoNa, hai monganga-ngangahe, rauli, “Oio AnanaKo Pue Ala!”

Markus 5:7

Yesu mowura seta au mampesuangi tauna iti, Nauli, “Melohomoko hangko i tauna ide!” Monganga tauna iti, nauli, “Yesu Anana Pue Ala au i suruga! Apari mai Nuala? Kuperapi bona modandiKo i lalu hangana Pue Ala, barana ina Nupopeahi-ahi.”

Lukasi 4:34

“Ee Yesu to Nasare! Ina Nupoapangkai? Ba ina Nupakarugingkai? Kuisa kaOiona mpuu Suro au malelaha hangko i Pue Ala!”

Lukasi 4:41

Hai ngkaia wori seta au napopeloho Yesu hangko i tauna au napesuangi. Seta au Napopelohohe iti, monganga-ngangahe, rauli, “Kiisami, kaOiona Anana Pue Ala!” Agaiana seta iti nakontohe Yesu. Barahe Napaliu mololita, lawi moisa mpuuhe kaIana Datu Topehompo.

Lukasi 8:28

I kamoitana Yesu, meraroami hai molingkudu i lindona Yesu hai mololita masisimbuku, nauli, “Yesu, Anana Pue Ala i suruga, apari mai Nuala? Kuperapi bona inee wongkoia Nupopeahi-ahi.”

Yohane 2:4

Nauli Yesu, “Ina, apari tunggaiamu mouliangaaNa nodo? Bara mani hawe tempona Kupopaisaahe kahemaNgku.”

Suro 16:17

Towawine iti meula liliu irikami, monganga-nganga, nauli, “Ihira ide hawina Pue Ala au melumbu kuasaNa hangko i ope-ope au rapenombai! Kamainda inde, maihe mopahaweakau rara bona peisakau tehorema hangko i pehukuna Pue Ala.”

Yakobu 2:19

Ba nipoinalai hadua pea Pue Ala? Tou mpuu diti. Agaiana ane noiti pea, bara handa! Lawi mogalorihe seta, mampoinalai worihe kahaduana pea Pue Ala. Ido hai moradahe anti kalanganda.

2 Peturu 2:4

Mogalorihe malaeka au madosa hangkoia, barahe nakabaha Pue Ala hangko i pehuku. Malaeka iti batenda Natende i lalu naraka hai Nataha i lalu kalolu tampo au makaindi duuna hawe alo pebotusi.

Yudasi 1:6

Nikatuinao wori malaeka au maida i suruga hangkoia. Hantangahe moliungi tampana kuasanda, hai mopalehihe paidaanda. Malaeka iti nahiluhe Pue Ala hai rante au bara mpuu peisa mabotu, hai Natahahe i lalu paidaa au makaindi, hai ina Nataha liliuhe duuna hawe tempona hinangka kara-karanda Napohuda-hudaa i alo pebotusi au mewulungai.