Matiu 7:24 - Sura Malelaha

²⁴ “Hema au mampehadingi lolitaNgku hai napeulai, peisa rapandiri nodo hadua tauna au mapande; ia moaro souna i wongko watu au maroho.

Matiu 7:24 Mawu Ofanana

Matiu 12:50

Lawi hema-hema au mobabehi peundeana UmaNgku au ara i suruga, ihirami halaluNgku hai ihirami inaNgku.”

Matiu 16:18

Mewali, ido hai rahangako Peturu, lempona ‘watu’. Hai i wongko watu ide, Kuaro souNgku lempona, Kugulu ope-ope tauna au mampoinalaiNa. Ope-ope kuasa tokadake bara peisa monangihe.

Matiu 24:45

“Nipailalu ngkora pandiri ide: ara hadua hawi au manoto laluna hai au peisa napoinalai ampuna. Ia naangka ampuna motosaengi hawi ntanina hai mourusi paandenda alo-alona.

Matiu 25:2

Limahe au ntuli, limahe au mapande.

Matiu 25:4

Lima anantowawine au mapande moanti hulonda hai moanti worihe mina i pambolianda au ina rapopotambai minana hulonda.

Matiu 25:9

Rahanaihe au mapande, ‘Minangki bara handa ane tagaa! Laomokau hampai meholo i topobalu-balu mina.’

Matiu 7:25

Toa uda, meumbalami owai, hai angi morumpa sou iti, agaiana bara mapoka, lawi raaro i wongko watu au maroho.

Matiu 7:26

Agaiana tauna au mohadi lolitaNgku ide hai bara napeulai, peisa rapandiri nodo hadua tauna au ntuli au moaro souna i wongko wungi.

Lukasi 11:28

Agaiana nahanai Yesu, Nauli, “Agaiana, au morasi iamohe tauna au mampehadingi hai mampeulaihe Ngkorana Pue Ala.”

Yohane 13:17

Ane niisa hai nipeulai paturo ide, ina morasikau.

Yohane 14:15

“Ane nipokaahiNa, manoto nipeulai hawaNgku.

Yohane 15:10

Iko mampeulaiNa hawana UmaNgku hai tuwo liliuna i lalu ahiNa. Nodo wori, ane nipeulai hawaNgku, ina tuwo liliukau i lalu ahiNgku.

Yohane 15:14

HimadaNgkumokau ope-ope, ane nibabehi apa au Kuhawaakau.

Roma 2:13

anti poliunginda Aturana Musa. Lawi bara tauna au mohadi Aturana Musa, au manoto i peitana Pue Ala, agaiana batenda pea tauna au mampeulai Aturana Musa au Naimba manoto i peitaNa.

1 Yohane 2:3

Ane mampeulaike hawana Pue Ala, iti au mopakanoto kamoisanta mpuu Pue Ala.