Matiu 7:22 - Sura Malelaha

²² I alo pebotusi i kahopoa dunia, bosa tauna ina mouliangaaNa, ‘Pue! Pue! Bara pae Nuisa kaikamina au mopahawe Ngkorana Pue Ala i lalu hangaMu! Hai i lalu hangaMu mampopelohongkai seta. Hai ngkaia wori tanda kuasa kibabehi i lalu hangaMu.’

Matiu 7:22 Mawu Ofanana

Matiu 10:15

Tou mpuu au Kuuliangaakau, i alo pebotusi i kahopoa dunia, meliu pehukuna Pue Ala i tauna iti pane pehukuNa i ampu boea Sodomo hai Gomora hangkoia.”

Matiu 24:36

“Agaiana alo hai jaa pewaliana ope-ope iti, batena pea UmaNgku au moisa. Bara ara tauna au moisa. Mogalorihe malaeka au ara i suruga, bara wori raisa. Hai Iko AnaNa, bara wori Kuisa.

Matiu 25:11

Roo indo, hawe mbulimohe anantowawine au ntuli. Mekakiohe hangko i raoa, rauli, ‘Ee tua! Bungkahia wongkamia baba!’

Matiu 7:21

Bara ope-ope tauna au mokabelaiNa ‘Pue,’ ina mesua i lalu poparentana UmaNgku au ara i suruga. Batena pea tauna au mobabehi peundeana Pue Ala au ina mesua i lalu poparentaNa.

Lukasi 10:12

Kuuliangaakau, i alo pebotusi i kahopoa dunia, ina meliu pehukuna Pue Ala i tauna iti pane pehukuNa i ampu boea Sodomo hangkoia.”

Yohane 11:51

Lolita iti nawei Pue Ala iria, lawi ia Tadulako Mpenomba Mahile i tempo iti. Nodemi tunggaiana pololitana Kayapas: Yesu hangangaa rapapate. Agaiana ara wori lempona au karompakana, au bara naisa, iami kapatena Yesu mopahuru to Yahudi.

1 Tesalonika 5:4

Agaiana ikamu, halalu, moisamokau Pue Ala, hai barapokau ara i lalu kamakaindi. Mewali, i alo kahawena hule Pue Yesu, barakau ina tingkara nodo tauna au nasuaki topanangka.

2 Tesalonika 1:10

Ope-ope iti ina mewali i kahawena hule Pue Yesu. I tempo iti, ope-ope taunaNa ina mampomahile hangaNa, hai ope-ope tauna au mepoinalai Iria ina manguli, “Tongawa mpuu peawaNa!” Hai ikamu wori halalu, batemi mampomahile worikau Pue Yesu i alo iti, lawi nipoinalaimi bambari au kipahaweakau.

2 Timotiu 1:12

Mewali, anti pobagongku mobambari Ngkora Marasa iti, ido hai molambina kapari i lalu tarunggu. Agaiana nauri nodo, barana maea. Lawi kuisa kahemana au kupoinalai, hai kupoinalai kaIana au ina mokadipurana, hai batena manoto i lalungku kamakuasaNa mokadipurana hawe i alo pebotusi.

2 Timotiu 4:8

Mewali ide-ide, tepasilolongami paraseengku i suruga anti penangingku, lawi kupeulaimi peundeana Pue. Paraseengku iti ina naweina Pue, Topebotusi au manoto i alo pebotusi. Hai bara iko pea au ina molambi parasee iti. Agaiana ina rawei worihe ope-ope tauna au hangko i lalunda mampegia kahaweNa hule Pue.