Matiu 7:21 - Sura Malelaha

²¹ Bara ope-ope tauna au mokabelaiNa ‘Pue,’ ina mesua i lalu poparentana UmaNgku au ara i suruga. Batena pea tauna au mobabehi peundeana Pue Ala au ina mesua i lalu poparentaNa.

Matiu 7:21 Mawu Ofanana

Matiu 12:50

Lawi hema-hema au mobabehi peundeana UmaNgku au ara i suruga, ihirami halaluNgku hai ihirami inaNgku.”

Matiu 16:17

Nauli Yesu, “Simo anana Yunu, morasi mpuuko, lawi bara manusia au mampopaisaako iti, agaiana UmaNgkuri au ara i suruga.

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

Matiu 18:19

Kuuliangaa mbulikau: ane arakau rodua i dunia ide au hintuwu mekakae mamperapi ba apa pea, pekakaemi iti ina nahanai UmaNgku au ara i suruga.

Matiu 18:3

hai Nauliangaahe, “Tou lolitaNgku ide: ane barakau mobaliki babehiami hai mewali nodo anangkoi ide, barakau ina mewali taunana Pue Ala i lalu poparentaNa.

Matiu 18:35

Napahopo Yesu ngkora pandiri iti, Nauli, “Iti wori au ina nababehiakau UmaNgku i lalu suruga, ane barakau moampungi rangami hangko i lalumi.”

Matiu 19:24

Bona niisa: hagolo mani hambaa onta mesua i kalolu gigiu pane topebuku mewali taunaNa Pue Ala i lalu poparentaNa.”

Matiu 25:10

Lao mpuumohe anantowawine au ntuli iti meholo mina. I kalaonda meholo, hawemi toratauna tobalilo. Lima anantowawine au mapande iti, masilolonga amimi hulonda, ido hai liliuhe mesua hihimbela hai toratauna tobalilo i lalu sou posusaa, pane ratukomi baba.

Matiu 25:21

Nauli ampunda, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Matiu 26:39

Roo indo, lao karao haodi, molingkudumi motumpa mekakae, Nauli, “UmaNgku, ane peisa, Nupakaraoa wongkoia kapari au ina morumpaNa ide. Agaiana bara peundeaKu au Kuula; peundeaMuri, Uma.”

Matiu 26:42

Hangko inditi, lao mbulimi mekakae haduduana, Nauli, “UmaNgku, ane kapari ide bara peisa rapakarao hangko Iriko, batena peundeaMuri au mewali.”

Markus 3:35

Lawi hema-hema au mobabehi peundeana Pue Ala, ihirami halaluNgku hai ihirami inaNgku.”

Markus 9:47

Hai ane pandirina matamu hambali moantiko madosa, nudungkiki peami. Agina hambali pea matamu hai mewaliko taunana Pue Ala i lalu poparentaNa, pane rombali matamu, agaiana kahopoana ratenderiko i lalu api naraka.

Lukasi 11:28

Agaiana nahanai Yesu, Nauli, “Agaiana, au morasi iamohe tauna au mampehadingi hai mampeulaihe Ngkorana Pue Ala.”

Lukasi 18:25

Hagolo mani hambaa onta mesua i kalolu gigiu pane topebuku mewali taunana Pue Ala i lalu poparentaNa.”

Lukasi 6:46

“Moapa hai nikakioNa Pue, agaiana bara nipeulai hawaNgku?

Yohane 14:7

Ane niisaNa, niisa wori UmaNgku. Mepongka ide-ide, niisami hai niitami.”

Yohane 15:23

Tauna au mokahihiNa, mokahihi worihe UmaNgku.

Yohane 3:5

Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!

Yohane 5:17

Agaiana Nauliangaahe Yesu, “UmaNgku mobago duuna ide-ide, hai Iko wori mobago liliuNa.”

Yohane 6:40

Idemi peundeana UmaNgku: bona ope-ope tauna au moitaNa hai au mepoinalai Iriko AnaNa, ina molambihe katuwo maroa au bara mokahopoa, hai ina Kupopearohe i alo pebotusi.”

Yohane 7:17

Hema au mampeinao mobabehi peundeana Pue Ala ina raisa kahangko iumbana lolitaNgku ide, ba hangko i Pue Ala mpuu ba lolitaNgkuto pea haduduaNgku.

Suro 14:22

I ope-ope boea au rapolumaongi, Paulu hai Baranaba mohuweki hai mopakaroho lalunda tauna au mepoinalai i Yesu bona tetida pepoinalainda, rauliangaahe, “Ikita hangangaa molambi ngkaia pakana kapari hangko damanike mesua i lalu poparentana Pue Ala.”

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

Roma 2:13

anti poliunginda Aturana Musa. Lawi bara tauna au mohadi Aturana Musa, au manoto i peitana Pue Ala, agaiana batenda pea tauna au mampeulai Aturana Musa au Naimba manoto i peitaNa.

Epesu 6:6

Inee nibabehi nodo i lindonda pea ampumi bona ratoiakau. Mobagokau nodo hawina Kerisitu au moula peundeana Pue Ala hangko i lalumi.

Kolose 4:12

Tabea wori hangko i Epafras, hawina Kerisitu Yesu au hambomboeami. Napekakaea liliukau bona maroho peangkami hai manoto pepoinalaimi moula ope-ope peundeana Pue Ala bona datikau masala.

1 Tesalonika 4:3

Ide peundeanami Pue Ala bona malelaha katuwonta, hai mokaraohikau babehia au merikai.

Titu 1:16

Rauli, moisahe Pue Ala, agaiana modongkohe, lawi babehianda bara hintoto hai apa au rauli. Kadake mpuu babehianda. Barahe matundu i hawana Pue Ala, hai bara rabuku mobabehi apa au maroa.

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.

Ibarani 4:6

Ihira au nguru-nguruna mohadi Ngkora, barahe molambi pengkarooangaa hihimbela hai Pue Ala, lawi barahe moula hawaNa. Agaiana tunggaiana Pue Ala, hangangaa ara tauna au molambi pengkarooangaa iti.

Yakobu 1:22

Mewali, ane mohadikau Ngkorana Pue, hangangaa nipeulai. Inee nipehadingi mbero pea. Lawi ane nodo, mopakanawomokau watami haduduami.

1 Peturu 2:15

Hangangaa nibabehi nodo, lawi itimi peundeana Pue bona hangko i kamaroana babehiami, tauna au bara moisa Pue barapohe bai mosalaikau.

1 Peturu 4:2

Mewali, i tempomi mani tuwo i dunia ide, inee nipeulai peundeana lalumi au kadake. Hangangaa moulakau peundeana Pue Ala.

Pampetudungia 22:14

Morasihe tauna au mobahoi hampinda hawe maitu, lawi ihira au ina rapaliu maande wua Kau Ngkatuwo. Ihira au peisa moliu i babaka mesua i lalu wanua iti.

Pampetudungia 3:5

Hema au menangi, ina Kubaduiahe hampi au bula. Hanganda bara ina Kugewo hangko i Sura Ngkatuwo, sura poukia hanga tauna au molambi katuwo maroa au bara mokahopoa. Hai i lindona UmaNgku hai malaekaNa, ina Kupangaku kaihirana taunaNgku.