Matiu 6:4 - Sura Malelaha

⁴ dati raisa tauna bosa. Agaiana Umami au i suruga ina moisa babehiami au tewuniangi iti, hai ina Nahurungiakau.”

Matiu 6:4 Mawu Ofanana

Matiu 10:42

Hema au motulungi hadua topeulaNgku lawi ia mpuumi topeulaNgku, ina molambi hurungina i alo au ina mai. Kehapiri hadua tauna mowei pea owai ntoo i hadua topeulaNgku au koi tuwona, ia ina molambi hurungina hangko i babehiana au maroa.”

Matiu 6:18

dati raisa tauna popuasami. Batena pea Umami i suruga au moisa popuasami. Ia ina moita mpuu babehiami au bara raisa rangami, hai ina Nahurungiakau.”

Matiu 6:3

Agaiana ikamu, ane moweikau ba apa pea i hangka rangami, niwei ngkandii i suka kabulana lalumi,

Matiu 6:6

Agaiana ikamu, ane mekakaekau, hangangaa mesuakau i lalu lincumi hadua-hadua, nituko babami, hangko mekakaerikau i Umami au bara niita. Lawi Ia moita mpuu babehiami au bara raisa rangami, hai Ia ina mohurungiakau.

Lukasi 14:14

Ane nodo babehiamu, ina nawatiko Pue Ala, lawi bara rabuku tauna iti mohurungi babehiamu. Apa au nubabehi iti ina nahurungi Pue Ala i karapatuwonda hule ope-ope tauna au maroa babehianda.”

Lukasi 8:17

Nodo wori, ope-ope paturoNgku au tewuniangi mani batena ina tebungkahi. Hai ope-ope lolitaNgku au rawuniangi mani batena ina tongawa.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

Ibarani 4:13

Bara ara hampaka au tewuni i peitaNa. Hinangkana au ara tepambole hai tongawa Iria. Hai Iria hangangaa tapangaku ope-ope babehianta.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.

Pampetudungia 2:23

Ope-ope tauna au meula iria ina Kupapatehe. Hangko inditi, ina tongawa i ope-ope jumaa kaIkona au moparesa pekiri manusia hai lalu manusia. Ina Kuhurungikau hintoto hai babehiami.