Matiu 6:2 - Sura Malelaha

² Mewali, ane motulungikau tauna au meahi-ahi, inee nipopaisa i tauna bosa, nodo au rababehi tauna au maroa i raoa pea. Ihira mampetudungia kamaroana lalunda i lalu sou penombaa ba i rara au mahile bona ratoia hangka ranganda. Bara ara apa-apa au ina rahumba hangko i Pue Ala, lawi rahumbami petoia hangko i ranganda.

Matiu 6:2 Mawu Ofanana

Matiu 15:7

I raoana pea peulami i Pue Ala! Tou mpuu lolitana nabi Yesaya hangkoia au mololita kana irikamu node:

Matiu 16:3

Ane madondo-dondo niuli, ‘Deade ina keuda, lawi makaindi raoa hai ngembe pea.’ Niisa mpuu mampekatandai raoa. Agaiana bara niisa mampekatandai apa au nababehi Pue Ala i tempo ide.

Matiu 22:18

Naisami Yesu tunggaiana lalunda au kadake, ido hai Nauliangaahe, “Modongko mpuukau! Moapa hai nihaoki kamasalana lolitaNgku?

Matiu 23:5

Mampempemaroahe bona ratoiahe ranganda. Ane moula adanta, ikita hangangaa mopatakake kapipi pambolia bahangkia wati hangko Sura Malelaha. Agaiana ane toParisi, kapipi iti rapamahile-hile, nodo wori rombo-rombo i badunda rapamandoe-ndoe bona rauli rumihi pampeulainda ada agama.

Matiu 23:6

Matanahe ane rapopohudahe i pohudaa au maroa i posusaa hai pohudaa au raadai i sou penombaa.

Matiu 24:51

Hawi iti ina napapahai hai natende i raoa nodo hadua topodongko. Inditi, ia ina moteria hai mantodiha.”

Matiu 5:18

Tou mpuu au Kuuliangaakau, ope-ope lolita au teuki i lalu Sura Aturana Pue Ala hangangaa mewali. Ane ara mani langi hai dunia ide, batena bara ara hambua lolita i lalu Aturana Pue Ala au bara ina mewali, nauri au koi ntepuu.

Matiu 6:16

“Ane mopuasakau, inee marinti lindomi nodohe tauna au maroa i raoa peahe. Ane mopuasahe, marinti lindonda hai raoaka barahe mewawalindo ba mekarabi bona raita tauna kamopuasanda. Nikatuinao, anti karalambinami petoia hangko i ranganda, barapohe molambi apa-apa hangko i Pue Ala.

Matiu 6:3

Agaiana ikamu, ane moweikau ba apa pea i hangka rangami, niwei ngkandii i suka kabulana lalumi,

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Matiu 7:5

Ineekau mengkamaroa! Hangangaa niingihi hampai rangka au ara i matami, hangko manotori petotokimi moingihi pupu i matana rangami.”

Markus 12:39

Raunde mohuda i pohudaa au raadai i sou penombaa hai i posusaa.

Markus 7:6

Nahanaihe Yesu, Nauli, “Ane ikamu, i raoana pea peulami i Pue Ala! Tou mpuu lolitana nabi Yesaya hangkoia kana irikamu au manguli node: Nauli Pue Ala: ‘Tauna iti, i humenda pea mobilaNa, agaiana lalunda karao hangko Iriko.

Lukasi 11:41

Apa au ara irikamu hangangaa niweihe tauna au meahi-ahi tuwonda. Ane nodo nibabehi, ina mewali mpuukau tauna au malelaha.

Lukasi 11:43

Hurewumokau toParisi! Lawi matanakau ane rapopohudakau i pohudaa au raadai i lalu sou penombaa. Matanakau ane rabilakau tauna bosa i pobalu-balua.

Lukasi 12:33

Ido hai Kuuli, nipobalumi anu-anumi, hai holona niweihe tauna au meahi-ahi tuwonda. Lawi ane nibabehi nodo, mowolikau anu-anumi i lalu kusau au bara peisa mahepa, lempona, i lalu suruga. Anu-anumi iti bara ina matanta, lawi bara peisa rapanangka hai bara peisa naande bubu.

Lukasi 12:56

Mengkamapande mpuukau! Niisa mampekatandai tanda i langi hai i dunia, agaiana bara niisa mampekatandai apa au nababehi Pue Ala i tempo ide.”

Lukasi 13:15

Nahanai Pue Yesu, “Ikamu, maroa i raoa peakau! I Alo Pengkarooangaa, ope-ope tauna mokabaha japinda hai baulanda hangko i gimpunda bona raanti lao rapaenu i raoa.

Lukasi 20:46

“Mainga-ingakau, ineekau mampeulai babehianda guru-guru agama. Raunde molumao mopake badu au mandoe, hai mampeinaohe rabila tauna bosa i pobalu-balua. Raunde mohuda i pohudaa au raadai i sou penombaa hai i posusaa.

Lukasi 6:24

Agaiana marugikau, ikamu au pebuku ide-ide, lawi nihumbami kamatanami, hai barapokau ina matana.

Lukasi 6:42

Noumba pane peisa nuuliangaa rangamu: ‘Halalu, mai kuingihi pupu matamu,’ moleri rangka kau i matamu bara nuita? Ineeko mengkamaroa! Hangangaa nuingihi hampai rangka au ara i matamu, hangko manotori petotokimu moingihi pupu i matana rangamu.”

Yohane 13:29

Hanggaahe mampehangu Yesu motudu Yudasi lao moholo apa au raparaluu i posusanda, ba mowei doi i tauna au meahi-ahi, lawi Yudasi topamboli doi.

Yohane 5:41

BaraNa mampopetoia i manusia,

Yohane 5:44

Noumba pepoinalaimi Iriko, ane mampeinao peakau ratoia rangami? Bara niunde mobaliki babehiami bona Pue Ala HaduduaNa motoiakau.

Yohane 7:18

Tauna au mopahawe paturona haduduana, mohaoki pea bona ratoia. Agaiana tauna au mohaoki bona hema au motuduna ratoia, manotomi tauna iti bara modongko.

Suro 10:2

Ia bara to Yahudi, agaiana mengkoru mpuu i Pue Ala, hai ope-ope hantambiana menomba worihe i Pue Ala. Kornelius motulungi liliuhe to Yahudi au meahi-ahi, hai ia mekakae peami i Pue Ala.

Suro 10:31

Nauliangaana tauna iti: ‘Kornelius, napehadingimi Pue Ala pekakaemu hai Naitami kamaroana lalumu.

Suro 10:4

Langa mpuu Kornelius mototoki malaeka iti, ido hai nauli, “Tua, apari tunggaiamu?” Mehana malaeka iti, nauli, “Nahadimi Pue Ala pekakaemu, hai Naisa kamagolona lalumu motulungi tauna au meahi-ahi.

Suro 11:29

Karahadina to Sarani i Antiokia bambari iti, hintuwumohe motulungi halalu hampepepoinalainda i tampo Yudea. Ido hai mokiramohe doinda moula pesauruanda hadua-hadua.

Suro 24:17

Bahangkia parena, paduna hangko i Yerusale. Roo indo, lao hulena bona moantina doi petulungi i halalungku to Yahudi hai moantina popenombaku i Pue Ala.

Suro 9:36

Bara karao hangko i wanua Lida, ara hambua wanua au rahanga Yope. Inditi, ara hadua towawine au mepoinalai i Yesu, rahanga Tabita. (I lalu basa Yunani hangana Dorkas, lempona lagiwa.) Tauna iti maroa babehiana, lawi ia motulungi liliuhe tauna au meahi-ahi.

Roma 12:8

Tauna au molambi kapande mopakaroho laluna rangana, hangangaa napopolumao mpuu bago iti. Hema au mokira apa pea i hangka rangana, hangangaa nababehi hangko kabulana laluna. Hema au molambi kapande mewali tadulako, hangangaa mewali mpuu tadulako au madota. Hai hema au molambi kapande motulungi rangana au meahi-ahi, hangangaa natulungihe hangko i laluna au matana.

1 Korintu 13:3

Ane hinangka anu-anungku kuweihe tauna au meahi-ahi tuwonda, hai mokirana watangku rahuwe, agaiana bara maahi lalungku, bara mpuu ara bunduna katuwongku.

Galatia 2:10

Hampaka pea pamperapinda irikami dati naliu inaongki motulungi tauna au meahi-ahi tuwonda, hai ido wori au kipeinao kibabehi.

Epesu 4:28

Tauna au manangka, ineemohe manangka. Aginda mobago bona molambihe apa au raparaluu hai bona peisa worihe motulungi ranganda au mapari.

1 Tesalonika 2:6

Bara woringkai mampopetoia irikamu ba i tauna ntanina. Katouana, bara sala ane merapingkai ba apa irikamu halalu, lawi ikami ide surona mpuungkai Kerisitu.

1 Timotiu 6:18

Nuweihe lolita bona manoto liliu babehianda, maroa lalunda: motulungihe hangka ranganda hai ineehe bohi.

Pilemo 1:7

Halalungku, Matana mpuuna hai tepalindo lalungku anti kamahilena ahimu iti, lawi oio au mopakaroho lalunda ope-ope tauna au mepoinalai i Pue Yesu.

Ibarani 13:16

Ineekau mokabaha babehiami au maroa. Hangangaa motulungikau rangami, lawi itimi popenomba au napokatana Pue Ala.

1 Peturu 4:11

Hema au motuntu, hangangaa mopahawe apa au nadokomi hangko i Pue Ala. Hema au motulungi rangana, hangangaa metulungi hangko i karoho au nalambi hangko i Pue Ala. Hangangaa nibabehi nodo bona i hinangkana au mewali, Pue Ala rapomahile i lalu hangana Yesu Kerisitu, lawi Pue Ala au makuasa hai hintoto rapomahile hawe i hae-haena! Amin.