Matiu 5:26 - Sura Malelaha

²⁶ Tou mpuu au Kuuliangaakau, barapoko tekabaha hangko i tarunggu ane bara mani piri indamu nubaiari.”

Matiu 5:26 Mawu Ofanana

Matiu 10:29

Rombaa dena peisa rapobalu hampeka pea doi see. Agaiana nauri nodo, bara ara hambaa au mate ane bara peundeana Pue Ala, Umami.

Matiu 18:34

Masodo ntepuu datu. Hawi au kadake babehiana iti napopesua i lalu tarunggu duuna tebaiari ope-ope indana.”

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Markus 12:42

I tempo iti, hawe worimi hadua towawine tobemba au meahi-ahi tuwona au mopusa doi popenombana. Au napopesua iti, rompeka doi tambaga au haodi pea imbana.

Lukasi 12:58

Agina nibotusi sadudua apa au maroa i tempona mani ara katepakami. Ane rapana, ara hadua tauna au mampeinao mosalaiko i lindona tadulako boea, hangangaa modamekau. Lawi ane barakau modame, ina naanti mpuuko lao i topebotusi, hai topebotusi iti ina mohuhuko i pulisi, hai pulisi ina mampopesuako i lalu tarunggu.

Lukasi 12:59

Tou mpuu au Kuuliangaakau, barapoko tekabaha hangko i lalu tarunggu ane bara mani piri indamu nubaiari.”

Lukasi 16:26

I olonta ara hambua kabe au matindo ntepuu, au bara peisa rapoliungi. Ido hai tauna hangko inde bara peisa lao inditi, hai tauna hangko inditi bara peisa mai inde.’

2 Tesalonika 1:9

Tauna au barahe mepoinalai ina molambihe pehuku au bara mokahopoa, hai ina ratendehe hangko i Pue, duuna barapohe moita kamakuasaNa hai peawaNa au mahile.

Yakobu 2:13

Lawi hema au bara ara kamaahina i rangana ina rahuku, hai i karahukuna iti, bara ina ara kamaahina Pue Ala iria. Agaiana tauna au ara kamaahina i rangana, Pue Ala ina motudungia kamaahiNa iria i alo pebotusi.