Matiu 5:25 - Sura Malelaha

²⁵ Nodo wori, ane ara au mampeinao mosalaiko i lindona topobotusi, hangangaa modameko hai rangamu iti i tempomi mani lao i topobotusi. Lawi ane barakau modame, ina rahawirako i topobotusi, hai topobotusi iti ina mohuhuko i pulisi, hai pulisi ina mampopesuako i lalu tarunggu.

Matiu 5:25 Mawu Ofanana

Matiu 26:58

Peturu meula ngkarao pea, duuna hawe i tabangaa souna Tadulako Mpenomba Mahile. Ia mesua i tabangaa, mohuda hihimbela hai topekampai, lawi mampeinao moita ba apa au ina mewali i Yesu.

Lukasi 18:3

I boea iti, ara wori hadua towawine au bemba. Bosami belana lao molindo topebotusi iti moanti kara-karana, nauli, ‘Tulungi wongkoia mampombelindoa iwalingku.’

2 Korintu 6:2

I lalu Sura Malelaha Pue Ala mongkora node: “I tempo au Kupakanoto, Kupehadingimi pekakaemu, I alo pehorema, Kutulungimoko.” Halalu, kuuliangaakau, ide-idemi tempo au napakanoto Pue Ala motulungikau. Temponami ina Nahoremakau hangko i huku dosami.

Ibarani 12:17

Niisato noumba tuntukana. Roo indo, Esau mampeinao molambi hule pewati iti hangko i umana, agaiana barapi rawei. Nauri moteria mamperapi pewati iti, barapi ara rara mopakaroa kanawoana.

Ibarani 3:13

Agina mombepakaroho mpolalukau alo-alona, datikau ara au rapakanawo duuna matua lalumi. Mombepakaroho mpolalukau liami mani tuwo i tempo au rahanga “alo ide,” lempona ara mani katepakami.

Ibarani 3:7

Mewali, halalu, hangangaa nipehadingi maroa paturona Inao Malelaha au teuki i lalu Sura Malelaha node: “Alo ide ane mohadikau wotuna Pue,