Matiu 5:22 - Sura Malelaha

²² Agaiana ide-ide kuuliangaakau: hema au rumpu i halaluna hampepepoinalai, ina rabotusi i kara-karana. Hema au motunda-tunda halaluna, ina raanti i Topeparesa Mahile. Hai hema au mampotontulia hampepepoinalaina, hintoto mpuu ratende i lalu api naraka.

Matiu 5:22 Mawu Ofanana

Matiu 10:17

Mainga-ingakau, lawi ikamu ina rahaka hai raanti lao i tadulako agama. Ina rapopeahi-ahiakau i lalu sou penombaa.

Matiu 10:28

Ineekau mampokalanga tauna au peisa peahe mopapate watami, lawi bara ara kuasanda mohukukau hawe i hae-haena. Au hangangaa nipokalanga iami Pue Ala, lawi Ia au makuasa motendekau i lalu naraka.

Matiu 12:24

Karahadina toParisi lolitanda, rauli, “KuasaNa iti hangko i Beelsebul, datunda ope-ope seta. Ido hai peisa mampopeloho seta.”

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

Matiu 18:21

Roo indo, Peturu mohungkuki Yesu hai mekune Iria, nauli, “Pue, ane halalungku hampepepoinalai masala iriko, hangkia belana hangangaa kuampungi? Hawe pae pitu belana?”

Matiu 18:35

Napahopo Yesu ngkora pandiri iti, Nauli, “Iti wori au ina nababehiakau UmaNgku i lalu suruga, ane barakau moampungi rangami hangko i lalumi.”

Matiu 23:15

Marugikau, guru agama hai toParisi! Maroa i raoa peakau! Madota mpuukau mopaturo rangami bona mampeulaihe paturomi. Niagikato pae moweta tahi hai molumao karao bona ara pea hadua tauna au mewali topegurumi. Hai ane arami topegurumi, nipaturohe bona mampeulaihe dongkomi, alana rumihiri kakadakena babehianda pane ikamu, hai meliu kahintotonda rahuku i naraka pane ikamu.

Matiu 23:33

Topodongkokau! Motengko lalumi! Ba nipehangu ina tekabahakau hangko i karahukumi i lalu naraka?

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 26:59

I tempo iti, kapala-kapala tadulako mpenomba hai ope-ope tadulako agama mohaoki sabi au bara tou bona Yesu peisa rahuku mate.

Matiu 3:17

Roo nodo, rahadimi wotuna Pue Ala hangko i langi au manguli, “Ia idemi AnaNgku au Kupokakaia hai Kupokatana.”

Matiu 5:34

Agaiana ide-ide Kuuliangaakau, ineeko mosumpa! Ane modandiko, inee mosumpa mokabelai langi ba tampo. Lawi langi iami pohudaana Pue Ala, hai tampo pepangkaaNa. Ineeko mosumpa mokabelai wanua Yerusale, lawi iti wanuana Pue Ala, Datu au mahile.

Matiu 5:44

Agaiana ide-ide Kuuliangaakau, nipokaahi iwalimi, hai nipekakaea tauna au mampopeahi-ahikau.

Markus 14:55

I tempo iti, kapala-kapala tadulako mpenomba hai ope-ope tadulako agama mohaokimohe sabi au mosalai Yesu bona rahuku mate. Agaiana bara ralambi salaNa.

Markus 15:1

Madondo-dondo, ope-ope tadulako agama hai kapala-kapala tadulako mpenomba hai guru agama hai totosaenda to Yahudi au ntanina himpudumohe bona Yesu rahilu taiena hai raanti lao i lindona Pilatu. Kahawena Yesu inditi,

Lukasi 12:5

Agaiana au hangangaa nipokalanga iami Pue Ala. Lawi Pue Ala makuasa mopapate watami, hai makuasa wori motendekau i lalu naraka. Tou mpuu au Kuuliangaakau, Iami au hangangaa nipokalanga.

Lukasi 22:66

Madondona ope-ope kapala-kapala tadulako mpenomba hai guru-guru agama hai totosaenda to Yahudi mogulumohe i Pogombo Topeparesa Mahile Agama Yahudi, hai Yesu raanti i lindonda.

Yohane 11:47

Ido hai toParisi hai kapala-kapala tadulako mpenomba mopaaramohe pogombo mahile hihimbela hai tadulako agama au ntanina, rauli, “Apa au hangangaa tababehi? Nipeita! Ngkaiami tanda kuasa au Nababehi tauna iti.

Yohane 15:25

Agaiana batena nodo bona tepabukei apa au teuki i lalu Sura Aturanda au manguli: ‘Nauri bara ara salaNgku, rakahihiNa.’

Yohane 7:20

Rauli tauna bosa, “Ba napesuangiKo pae! Hemari au mampeinao mopapateKo?”

Yohane 8:48

Rauli to Yahudi, “Tou mpuu au kiuli! NodoKo to Samaria au napesuangi seta.”

Suro 17:18

I wanua Atena iti, ara worihe tauna mapande au mampeulai paturona Epikuros hai paturona Stoa. Tauna au mapande iti mombehanai hai Paulu. Arahe au manguli, “Mengkamapande mpuu tauna ide ba apa dolou nauli.” Ara worihe au manguli, “Ba ina napahaweake kana i anitu hangko i tampo ntanina.” Nodo lolitanda, lawi i pepaturona, Paulu mepaturo kana i Yesu hai kana i katuwonda hule tauna hangko i kapate.

Suro 22:30

Kapala tadulako surodado iti mampeinao moisa ba apa mpuu salana Paulu pane rasalai to Yahudi. Ido hai kahalona, nakakiomohe ope-ope kapala-kapala tadulako mpenomba hai tadulako agama Yahudi au ntanina bona teruhuhe. Roo indo, rakabahami petakana Paulu hai raanti lao rapombelindoa.

Suro 23:1

Kahawena Paulu i poteruhuanda, ia mototokihe ope-ope tadulako iti, nauliangaahe, “Halalungku! Duuna ide-ide, mengkoruna i Pue Ala moula kabulana lalungku.”

Suro 24:20

Agaiana bara ara inde. Mewali, agina iwalingku au ara inde mouli ide-ide apa kakadakengku au ralambi i karaparesangku i lindona tadulako agama i Yerusale.

Suro 4:15

Ido hai motudu pearaihe rodua surona Pue Yesu iti padu hangko i peparesaanda, hai mogombo hulehe,

Suro 5:21

Mewali, madondo-dondo, lao mpuumohe i Souna Pue Ala hai mepaturohe. Tanganda mepaturo, Tadulako Mpenomba Mahile hai rangana mokakio ope-ope tadulakonda to Yahudi bona teruhuhe i Pogombo Mahile to Yahudi. Mogulu mpuumohe ope-ope, hai motuduhe tauna lao moala surona Pue Yesu au i lalu tarunggu bona raantihe i lindonda.

Suro 5:27

Mewali, raantimohe suro iti i lindonda tadulako. Mekunemi Tadulako Mpenomba Mahile irihira, nauli,

Suro 6:12

Karahadina tauna bosa lolitanda au mesalai iti, rumpumohe hihimbela hai tadulakonda to Yahudi hai guru-guru agama, pane laomohe mohaka Setepanu raanti i lindonda tadulako agama.

Suro 6:15

Karahadina tadulako iti lolitanda, mototokimohe Setepanu. I tempo iti, lindona Setepanu raita nodo lindo malaeka.

Suro 7:37

Hai Musa wori au mopahawe lolita ide i to Yahudi, nauli, ‘Pue Ala ina moangka hadua hangko i halalumi. Ia ina Napopewali nabi nodo iko.’

Roma 12:10

Mombepokaahikau hadua hai hadua nodo topohalalu, hai mombeadaikau.

1 Korintu 6:10

au manangka, au mehioro, au malangu-langu, au mepakadake, hai au modongko. Tauna au nodo, barahe mewali taunana Pue Ala i lalu poparentaNa.

1 Korintu 6:6

Ara kuhadi hadua tauna hangko i olomi au mosalai halaluna hampepepoinalai i lindona topebotusi au bara mepoinalai i Pue Yesu!

1 Tesalonika 4:6

I babehia tobalilo hai towawine, ineekau mobabehi sala i tauna ntanina lumbunami i halalumi hampepepoinalai. Hangkoia kipakanotoamokau pehukuna Pue Ala i tauna au mobabehi nodo.

Titu 3:2

Ineehe mopakadake hanga tauna, ineehe mombembehanai. Hangangaa rapamaalusu poantinda, hai mengkaiwoi liliuhe i ope-ope tauna.

Ibarani 12:25

Maroa-roakau, ineekau hawe moae Pue, au mongkorami irikita. To Isaraeli hangkoia, barahe mampoinalai lolitana Pue Ala au mongkora irihira i Bulu Sinai, hai batenda rahuku. Apa mani ikita au mohadi lolitana Pue Ala au mongkora irikita hangko i suruga. Ane tasapuaka NgkoraNa, batena barake tekabaha hangko i pehukuNa.

Ibarani 5:9

Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

Yakobu 2:20

Ntuli mpuukau? Ba niuli handami pepoinalaimi i Pue Ala nauri bara ara babehiami au maroa? Ane nodo pepoinalaimi, bara ara pobunduana!

Yakobu 3:6

Nodo wori lolita au tapahawe hai dilanta. Dilanta iti nodo api, lawi peisa tapake mobabehi dake. I watanta ide, dilanta mopaara hinangkana dosa au mopakedai humalele watanta hai dilanta peisa rapandiri nodo api hangko i naraka au mopakarugi ope-ope katuwonta.

1 Peturu 2:23

Nauri rakakabosai, bara mehurungi. Nauri rapopeahi-ahi, bara meewa. Ia mopaisare pea tuwoNa i Pue Ala, Topebotusi au manoto.

1 Peturu 3:9

Ane ara tauna au mobabehi dake irikamu, inee nihurungi. Ane rakakabosaikau, inee worihe nikakabosai. Agina babehianda au kadake iti nihurungi hai pekakae au mamperapiahe pewati hangko i Pue Ala. Lawi Pue Ala mokakiokau mewali taunaNa bona molambikau pewati hangko Iria.

1 Yohane 2:9

Tauna au manguli tuwohe i lalu kamabaa, agaiana mobabehi manihe dake i hangka ranganda, manoto tuwo manihe i lalu kamakaindi.

1 Yohane 3:10

Idemi au mopatongawa kahemana au napoana Pue Ala hai kahemana au napoana Datu Tokadake: ope-ope tauna au bara mobabehi apa au manoto, barahe napoana Pue Ala. Nodo wori, ope-ope tauna au bara mampokaahi halalunda, barahe napoana Pue Ala.

1 Yohane 5:16

Ane niita hadua halalumi au mobabehi dosa au bara moanti i kapate, hangangaa nipekakaea woia bona Pue Ala batena mowei katuwo maroa au bara mokahopoa. Agaiana ara wori dosa au moanti tauna i kapate, kana i dosa iti barakau kutudu mampekakaengaahe tauna au mobabehi.

Yudasi 1:9

Mogalori Mikael tadulakonda ope-ope malaeka, bara bai mopapakoi Datu Tokadake. I kapatena nabi Musa, mampombeheheihe watana Musa ba hema au ina mangala. Mikael bara bai mopapakoi Datu Tokadake hangko i kuasana haduduana, agaiana nauliangaa pea: “Pue haduduaNa ina mampokarumpuko!”

Pampetudungia 20:14

Roo indo, barapi ara tauna au ina mate lawi kapate hai paidaa tomate ina ratendemi i lalu tahi api au lolaa. Hai hema au bara teuki hangana i lalu sura ngkatuwo, ina ratende wori i lalu tahi api iti. Pehuku iti iami au rauli kapate au karombelana.