Matiu 5:19 - Sura Malelaha

¹⁹ Idomi hai Kuuliangaakau, hema au moliungi hampaka pea parenta i lalu Aturana Pue Ala, nauri parenta au koi ntepuu, hai mopaturo tauna ntanina bona mobabehi nodo, tauna itimi au koi ntepuu katuwona hangko i ope-ope taunana Pue Ala. Agaiana hema au mampeulai ope-ope parenta i lalu Aturana Pue Ala hai mopaturo tauna ntanina mobabehi nodo, tauna itimi au mahile ntepuu katuwona hangko i ope-ope taunana Pue Ala.

Matiu 5:19 Mawu Ofanana

Matiu 11:11

Nauli mbuli Yesu, “Bona niisa, hangko i ope-ope tauna au rapoanaka i dunia ide, bara ara hadua au meliu kamahilena tuwona hangko i Yohane Toperiu. Agaiana mepongka ide-ide, morasi mpuuhe tauna au mengkoru i Pue Ala. Mogalori hadua tauna au tepakoi tuwona i lalu poparentana Pue Ala, mahile tuwona pane Yohane.

Matiu 19:28

Nahanai Yesu, “Bona niisa: i alo pebotusi i tempona Pue Ala mopawou hinangkana, Iko Ana Manusia ina mohuda moparenta i pohudaa au meawa. I tempo iti, ikamu au meula Iriko ina mohuda worikau i pohudaa au hampulo hai rombua, moparenta to Isaraeli au hampulo hai rontina.

Matiu 20:26

Agaiana ikamu, inee nodo babehiami. Hema au mampeinao mapangka lantina, hangangaa mewali hampai nodo hadua topekadipura.

Matiu 28:20

hai nipaturomohe bona mampeulaihe hinangkana au Kuhawaamokau. Hai bona niisa, ina Kuporangaikau duuna hawe i kahopoa dunia ide.”

Lukasi 1:15

Ia ina mewali tauna au mahile tuwona i peitana Pue Ala. Ia bara ina maenu apa au melangui. Hai mepongka i karapoanakana, ina nakuasai Inao Malelaha.

Lukasi 11:42

Hurewumokau toParisi! Madotakau mampeulai parenta au koi. Mogalori tuda-tuda i tabangaami nodo tangkada hai kulapare, nipopenomba hangkira hampulo i Pue Ala moula parentana Musa. Agaiana parenta mahile au manguli hangangaa mobabehikau apa au manoto i rangami hai hangangaa mampokaahikau Pue Ala, bara nipeulai. Katouana parenta itiri au hangangaa nipeulai, hai inee worikau mokabaha peulami i parenta au koi.

Lukasi 9:48

hai Nauliangaahe, “Hema au modoko hai au motulungi anangkoi ide anti peulana Iriko, lempona Ikomi au nadoko. Hai hema au modokoNa, bara Iko pea au nadoko, agaiana modoko wori Pue Ala au motuduNa. Hema au mengkaiwoi, iami au mahile tuwona.”

Suro 1:1

Teopilu au kubila: i lalu surangku au nguru-nguruna, kuukimi ope-ope au nababehi Yesu hai hinangka pepaturoNa, mepongka i pepongkana pobagoNa,

Roma 3:8

Ane nodori, peisa tauli, “Agina tababehi peami babehia au kadake bona mesupa au maroa.” Ara tauna au mopahala bataka lolitangku, rauli mololitana nodo. Tauna iti, hintoto mpuuhe nahuku Pue Ala.

Roma 6:1

Pue Ala moampungi dosanta anti kabulana laluNa irikita. Agaiana inee tapehangu ane mobabehi liliuke dosa ina katetetambaiari ahina Pue Ala moampungike.

Roma 6:15

Mewali noumba halalu! Ane nahoremamoke Pue Ala bara anti pampeulainta Aturana Musa, agaiana anti kabulana pea laluna Pue Ala, ba peisamoke mobabehi dosa? Inee nodo halalu.

1 Timotiu 6:11

Agaiana oio Timotiu, hawinamoko Pue Ala. Nupakarao tuwomu hangko i ope-ope babehia au nodo. Nupari-pari mampeulai babehia au manoto hai mengkoruko i Pue Ala. Nupakaroho pepoinalaimu i Kerisitu hai kamaahimu i hangka rangamu, mantahako i lalu kapari hai Nupamaalusu poantimu i hangka rangamu.

Titu 3:8

Tou mpuu lolitangku inona. Ido hai kuperapi bona paturo ide nupakanotoahe ope-ope tauna au mepoinalai i Pue Ala bona mobabehi liliuhe apa au maroa. Paturo ide iami paturo au maroa, hai au mobundu i ope-ope tauna.

1 Peturu 5:4

bona ane hawe Toporewunta au meawa tuwoNa, ina Naweikau hambua songko datu au mengkila-ngkila liliu hawe i hae-haena.

1 Yohane 3:4

Ope-ope tauna au mobabehi dosa molingkaihe hawana Pue Ala. Lawi au rauli dosa iami polingkaita hawana Pue Ala.

Pampetudungia 2:20

Agaiana ara mani au Kusalaiakau. Lawi ara hadua towawine au rahanga Isebel, au mouli kaiana hadua nabi, hai nipogiangaa pea mopaguru tauna au mepoinalai Iriko. Towawine iti mopaturohe mobabehi babehia au merikai hai laohe moande paande au rapopenomba i anitu. Bosa hawiNgku napakanawo hai paturona iti.